[᭑᭙ 19 B]
᭑᭙
ᬫᬍᬩᬸᬃ᭞ᬤᬶᬓᬯᬄᬘᬫ᭄ᬭᬕᬸᬫᬸᬓᬵ᭞ᬓᬾᬦᬦ᭄ᬤᬗᬶᬦ᭄ᬩᬸᬓᬚᬦᬶ᭞ᬓᬸᬤ᭄ᬬᬂᬢ᭄ᬬᬂᬫᬗᬮᬶᬄᬲ᭄ᬬᬕ᭄ᬚᬦᬶᬓᭂᬫ᭟ᬧᬢᬸᬄᬧᬶᬲᬦ᭄ᬲᭂᬲᬫ᭄ᬩᬢᬦ᭄᭞ᬧᬥᬫᭂᬢᬸᬫᭂᬢᬸᬲᬄ᭞
ᬳᬶᬤᬯᬬᬦ᭄ᬕᬸᬦᬸᬂᬜᬕ᭄ᬚᬕ᭄᭞ᬓᬘᬶᬗᬓ᭄ᬳᬶᬤᬲᬂᬓᬮᬶᬄ᭞ᬧᭂᬕᬢ᭄ᬭᬱᬦᬶᬗᬢᬶ᭞ᬳᬶᬤ᭄ᬳᬤᬯᬬᬦ᭄ᬫᬗᬮᬶᬄᬳᭂᬩᬸᬦ᭄᭞ᬳᬶᬚᬸᬳᬶᬤᬫᬫᬸᬮᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗ
ᬓ᭄ᬱᬶ᭞ᬫᬗᬦ᭄ᬤᬶᬓᬵ᭞ᬳᭂᬜᬾᬦ᭄ᬳᭂᬦᬾ ᬓᬧᬶᬯᭂᬮᬲ᭄᭟ᬲ᭄ᬬᬕ᭄ᬦᬾᬳᬤᬳᬦᬓ᭄ᬢᭂᬓ᭞ᬫᬗᭂᬦ᭄ᬢᬸᬗᬶᬦ᭄ᬢ᭄ᬬᬂᬢᬮᬶ᭞ᬦᬗᬶᬂᬢᭀᬂᬲᬸᬤ᭄ᬭᬕᭀᬩᬜ᭞ᬗ᭄ᬳᬶᬂᬢ᭄ᬬᬂᬢᬦ᭄ᬲᬸᬓ
ᬕᬢᬶ᭞ᬲᬸᬓᬬᬦ᭄ᬢ᭄ᬬᬂᬫᬢᬶ᭞ᬦᬗᬶᬂᬳᬧᬂᬓᭂᬲ᭄ᬬᬕ᭄ᬫᬶᬮᬸ᭞ᬢᬦ᭄ᬲᬳᬸᬃᬘᭀᬓᭀᬃᬤ᭄ᬥ᭞ᬳᬶᬤ᭄ᬯᬬᬦ᭄ᬧᬶᬲᬳᬳᬕ᭄ᬕᬢᬶ᭞ᬳᬶᬤᬾᬯᬕᬸᬂ᭞ᬦ᭄ᬤᬢᬦ᭄ᬲᬸᬓᬵᬫᬘᬶᬗᬓᬦ᭄᭟
[᭒᭐ 20 A]
ᬘᭀᬓᭀᬃᬤ᭄ᬥᬫᬗᬦ᭄ᬤᬶᬓᬵ᭞ᬫᬗᭀᬮᬲ᭄ᬳᭀᬮᬲᬂᬳᬢᬶ᭞ᬳᬶᬤ᭄ᬳᬯᬬᬦ᭄ᬭᬭᬶᬲ᭄ᬜᬶᬗᬓ᭄᭞ᬫᬗᭂᬦ᭄ᬢᬸᬗᬶᬦ᭄ᬢᭂᬥᬸᬦ᭄ᬕᭂᬮᬶᬲ᭄᭞ᬳᭂᬦᬾᬢᬾᬢᭂᬓᭂᬓᬂᬕᬶᬲᬶ
᭞ᬢ᭄ᬬᬂᬗᭂᬤᭂᬂᬧᬂᬤᬮᬩᬸᬄ᭞ᬢᬸᬢᬸᬢ᭄ᬳᬶᬤᬘᭀᬓᭀᬃᬤ᭄ᬥ᭞ᬤ᭄ᬯᬬᬦ᭄ᬕᬸᬦᬸᬂᬫᬜᭂᬦᭂᬗᬶᬦ᭄᭞ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬶᬗ᭄ᬕᬶᬃᬧᬗ᭄ᬓᬸᬂᬘᭀᬓᭀᬃᬤ᭄ᬥ᭟ᬳᬶᬤ᭄ᬯᬕᬸᬂᬧᬸ
ᬢ᭄ᬭᬫᬜᬶᬗᬓ᭄᭞ᬲ᭄ᬬᬕ᭄ᬚᬸᬯᬂᬢ᭄ᬬᬂᬦᬾ ᬫᬳᬶ᭞ᬘᭀᬓᭀᬃᬤ᭄ᬥᬕᭂᬮᬶᬲ᭄ᬫᬫᬸᬮᬂ᭞ᬳᭂᬩᬸᬦ᭄ᬲᬄᬫᬗᬦ᭄ᬤᬶᬓᬳᬦ᭄᭞ᬤᬲᬗ᭄ᬲᬬᬦᬾᬚᬦᬶ᭞ᬢᭂᬓᭂᬓᬂᬧᬂ
ᬳᭂᬤᬮᬩᬸᬄ᭞ᬦᬄᬲᬸᬓᬵᬓᭂᬤᭂᬂᬢᬶᬢᬄ᭞ᬢ᭄ᬬᬂᬫᬓᬩᬾᬮᬧᬢᬶ᭞ᬳᭂᬤᬧᭂᬗ᭄ᬓᬸᬂᬳᬶᬥᭂᬧᬂᬚᬵᬳᬢᬸᬃᬢ᭄ᬬᬂ᭟ᬓᬬᬸᬦ᭄ᬳᬶᬤᬫᬦᬸᬳᬸᬢᬂ᭞ᬢᭂᬓᭂᬓᬂᬩᬸᬦᬾᬓ
Page:Bali-lontar-gaguritan-galuh-deha-350ppi.pdf/20
This page has been proofread.
