[᭑᭕ 15 B]
᭑᭕
ᬯᬸᬲ᭄ᬫᬯᬾᬤᬓᬚᬕ᭄ᬚᬕᬶᬦ᭄᭟ᬗ᭄ᬭᬭᬶᬲ᭄ᬧᬤᬡ᭄ᬥᬵ ᬗᬦ᭄ᬤᬶᬓᬵ᭞ᬫᬳᬶᬤᬬᬸᬅ᭄ᬧᬦᬓ᭄ᬩᬧᬵ ᬧᬮᬶᬂᬓᭂᬮᬶᬄ᭞ᬗᬸᬭᬄᬳᬕᬸᬂᬳᬶᬤᬤᬬᬸᬅ᭄᭞ᬦᬾᬳᬮᬶᬢᬦ᭄ᬫᬥᬾ
ᬳᭀᬓ᭞ᬧᬶᬦᬶᬄᬳᬮᬶᬢ᭄ᬫᬤᬦ᭄ᬤᬬᬸᬅᬦᭀᬦ᭄ᬭᬢᬸ᭞ᬧᬢᬸᬢ᭄ᬢᭂᬓᬾᬦᬶᬂᬧᬲᬾᬗᬦ᭄᭞ᬳᬬᬸᬳᬬᬸᬢᬦ᭄ᬧᬢᬦ᭄ᬤᬶᬂ᭟ᬗ᭄ᬭᬭᬶᬲ᭄ᬳᬦᬓᬾᬓᬳᭂᬫ᭄ᬩᬦ᭄ᬲᬶᬦ
ᬫ᭄ᬬᬦ᭄ᬗᬶᬭᬶᬂᬫᬋᬓ᭄ᬦᬺᬧᬢᬶ᭞ᬲᬂᬧ᭄ᬭᬪᬸᬫᬗᬓ᭄ᬱᬶᬕᭂᬮᬸ᭞ᬗ᭄ᬭᬭᬶᬲ᭄ᬫᬢᬸᬃᬲᬂᬦᬣ᭞ᬤᬶᬚᬵᬧᭀᬮᬶᬄᬧᬤᬡ᭄ᬥᬯᭀᬂᬭᬭᬾᬳᬬᬸ᭞ᬧᬤᬡ᭄ᬥᬕᭂᬮᬶᬲ᭄ᬫᬢᬸᬭ᭞ᬭᬶᬂᬧᬫ᭄ᬭ
ᬚᬦ᭄ᬤᬾᬯᬕᬸᬂᬓᭂᬦᬶ᭟ᬧᬸᬦᬶᬓᬶᬧᬫᬶᬢᬂᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬧ᭄ᬬᬦᬓ᭄ᬧᬘᬂᬢᬶᬢ᭄ᬬᬂᬲᬸᬫᭂᬦ᭄ᬤᬶᬳᬶ᭞ᬲᬂᬧ᭄ᬭᬪᬸᬳᬶᬤᬫᭂᬫᬢᬸᬢ᭄᭞ᬓᬮᬶᬄᬮᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬲ
[᭑᭖ 16 A]
ᬫᬶᬲᬸᬓᬵ ᬧᬤᬡ᭄ᬥᬓᬮᬶᬄᬲᬂᬧ᭄ᬭᬪᬸ᭞ᬳᬶᬤᬭᬶᬂᬦᭂᬕ᭄ᬭᬶᬲ᭄ᬯᬾᬮᬵ᭞ᬳᬕᬸᬂᬧ᭄ᬭᬪᬸᬧᬸᬲᭂᬃᬪᬸᬫᬶ᭟ᬓᬲᬸᬯᬾᬦ᭄ᬳᬤᬬᬸᬳ᭄ᬗᬸᬭᬄ᭞ᬲᬬᬦ᭄ᬮᬶᬮᬵᬮᬶᬮᬵᬦᬶᬓᬂᬲᭂᬥᬶᬄ᭞ᬧᬶᬗ᭄ᬕᭂ
ᬮ᭄ᬭᬸᬧᬶᬢᬾᬓᬳ᭄ᬮᬸᬲ᭄᭞ᬤᬾᬦᬶᬂᬳ᭄ᬬᬫᬳᬶᬲᬶᬢᬲ᭄ᬢ᭄ᬭ᭞ᬫᬗᬸᬘᬧᬂᬭᬫᬭᬾᬡᬫ᭄ᬯᬂᬦᬵᬕᬦ᭄ᬢᬸᬦ᭄᭞ᬫᬓᬤᬶᬳᬦᬓ᭄ᬰᬲ᭄ᬢ᭄ᬭᬵ᭞ᬳᭂᬦ᭄ᬢᭀᬓ᭄ᬭᬡᬵᬦᬾᬓᬧᬶᬗᬶᬢ᭄᭟ᬲᬂᬧ᭄ᬭ
ᬪᬸᬓ᭄ᬮᬦᬶᬢᬂᬗᬾᬫᬦ᭄᭞ᬲᬭᬳᬶᬦᬤᬬᬸᬳ᭄ᬗᬸᬭᬄᬤᬶᬧᬸᬭᬶ᭞ᬳᬶᬤ᭄ᬯᬬᬸᬓ᭄ᬫᬸᬢᭂᬃᬫᬗᬶᬓᬸᬢ᭄᭞ᬳᬶᬤᬬᬸᬳ᭄ᬗᬸᬭᬄᬧ᭄ᬭᬚ᭄ᬜᬦ᭄᭞ᬓᬲᬸᬓ᭄ᬱᭂᬭᬄᬫᬗᬸᬭᬸᬓ᭄ᬳᬦ᭄ᬢᬸᬓ᭄ᬲᬂ
ᬧ᭄ᬭᬪᬸ᭞ᬢᬶᬗ᭄ᬓᬳᬶᬂᬭᬢᬸᬲᬸᬪᬕ᭞ᬲᬭᬳᬶᬦᬵᬦᬗᬸᬦ᭄ᬕᭂᬦ᭄ᬤᬶᬂ᭟ᬲᬳᬶᬫᬗ᭄ᬭᬗ᭄ᬲᬸᬓ᭄ᬤᬸᬰᬡᬵ᭞ᬕᭂᬮᬂᬳᭂᬫᬲ᭄ᬧᬳᬶᬘᬦ᭄ᬰ᭄ᬭᬶᬪᬸᬧᬢᬶ᭞ᬧ᭄ᬭᬫᬶᬰ᭄ᬯᬭᬶᬫᬤᬸᬮᬸ᭞ᬢᬶᬗ᭄ᬓᬳᬶᬂ
Page:Bali-lontar-gaguritan-galuh-deha-350ppi.pdf/16
This page has been proofread.
