[᭑᭓᭐ 130 B]
᭑᭓᭐
ᬤᬾᬯᬕᬸᬂᬳᬶᬤ᭄ᬯᬕᬸᬂᬧᬸᬢ᭄ᬭᬦᬶᬫ᭄ᬩᬮ᭄ᬩ᭄ᬮᬶᬕ᭄ᬥᬾᬭᬳᬶᬜᬦᬦ᭄ᬢᬸᬦ᭄ᬤᬾᬦ᭄ᬫᬢᬸᬃᬚᬦᬶᬫᬦ᭄ᬤᬸᬲ᭄ᬧᬤ᭄ᬥᬵᬚᬮᬦ᭄ᬫᬾᬢᬶᬳᬦ᭄ᬢᭀᬲ᭄ᬢ᭄ᬬᬂᬤ᭄ᬭᬶᬓᬶ᭟ᬢᬦ᭄ᬓᭀᬘᬧ᭄ᬳᬶᬤᬵᬫᬲᬶᬭᬫ᭄ᬫᬗᬬᬸᬦᬂᬳᬶᬤ᭄ᬯᬕᬸᬂᬲᬋᬂᬲᬫᬶᬧᬤᬦ᭄ᬥᬵᬳᬶᬲ᭄ᬢ᭄ᬭᬶᬦᬸ
ᬤᬶᬢᬸᬗᬬᬳᬶᬦ᭄ᬲᬋᬂᬲᬫ᭄ᬬᬦ᭄ᬤᬾᬦᬶᬂᬫᬸᬮᬵᬧᬗᭂᬫ᭄ᬩᬦ᭄ᬧ᭄ᬭᬢᬫᬾᬂᬮᬓᬸᬧ᭄ᬭᬚ᭄ᬜᬦ᭄ᬯ᭄ᬭᬸᬳᬾᬂᬕᬶᬢ᭄ᬣᬓᬵᬭᬫᬦᬶᬲ᭄ᬢᬸᬃᬭᬫ᭄ᬬᬦᬶᬂᬩᬸᬤ᭄ᬥᬶ᭟ᬲᬸᬩᬳᬸᬲᬦ᭄ᬗᬬᬸᬦᬂᬳᬶᬤᬾᬯᬕᬸᬂᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬫᬾᬫᬾᬢᬶᬫᬭᬶᬓᬵᬫᬦ᭄ᬢᬸ
ᬓᬸᬶᬓ᭄ᬦᬧᬶᬚᬦᬾᬦ᭄ᬢᬦ᭄ᬗ᭄ᬮᬄᬳᬶᬓᬭᬾᬧᬓ᭄ᬢᬕᬶᬳᬶᬦ᭄ᬧᬤᬦ᭄ᬥᬵᬫᬢᬸᬃᬢ᭄ᬬᬂᬲᬫ᭄ᬧᬸᬦ᭄ᬲᬸᬕᬶᬄᬧᬶᬲᬦ᭄ᬜᬩ᭄ᬭᬦ᭄ᬓᬶᬘᬾᬦ᭄ᬥᬵᬤᬃᬕᬚᬶᬄ᭟ᬧᬤᬦ᭄ᬥᬵᬫᬳᭀᬯᬫᬶᬢ᭄ᬩᬸᬤᬮ᭄ᬭᬚᬧᬸᬢ᭄ᬭᬓᬳᭀᬤᬮ᭄ᬲᬋᬂᬲᬫᬶᬳᬶᬤ᭄ᬯᬕᬸᬂ
ᬓᬭᬶᬫᬮᬸᬗ᭄ᬕᬸᬄᬫᬗᬸᬦᬯᬂᬳᬸᬮᬢ᭄ᬭᬭᬶᬲ᭄ᬢᭂᬤᬸᬦ᭄ᬓᬩᬮᬾᬳ᭄ᬫᬲ᭄ᬫᬜ᭄ᬚᬸᬚᬸᬃᬳᬶᬓᭂᬘ᭄ᬬᬮ᭄ᬦᬸᬢᬸᬕ᭄ᬩᭂᬘᬢ᭄ᬓᬫᬸᬤ᭄ᬭᬵᬫᬡ᭄ᬦᬶᬓ᭄ᬫᬗ᭄ᬭᬭᬶᬲ᭄᭟ᬗᬤᭂᬕ᭄ᬲᬗᭀᬲᬗᭀᬲᬯᬢ᭄ᬢ᭄ᬯᬭᬮᬾᬦᬦᬾᬫᬸᬗ᭄ᬕᬸᬄᬚ᭄ᬭᭀ
[᭑᭓᭑ 131 A]
ᬦᬂᬳᬢᬶᬢᬦ᭄ᬲᬄᬲᬸᬫ᭄ᬮᬧᬶᬂᬧᬦ᭄ᬤᬸᬮᬸᬓᬓ᭄ᬢᭂᬕ᭄ᬲᬫ᭄ᬩᭂᬄᬩᬸᬬᬃᬢ᭄ᬯᬭᬧᬶᬲᬦ᭄ᬤᬤᬶᬢᬸᬗ᭄ᬓᬲᬂᬤᬶᬓᬬᬸᬦ᭄ᬳᬶᬩᬸᬓᬾᬲᬸᬩᬫᬫᭂᬭᬢ᭄ᬤᬤᬶᬫᬫᬸᬜᬶᬧᬤᬶᬤᬶ᭟ᬢᭀᬓᭀᬳᬤᬳᬦᬓ᭄ᬢ᭄ᬓᬦᬄᬢᬓᭀᬦᬶ
ᬦ᭄ᬲᬶᬜᬳᬶᬬᭂᬦᭂᬧᬸᬓᬶᬦ᭄ᬬᭂᬓᬢ᭄ᬧᬸᬓ᭄ᬗᬸᬤ᭄ᬬᬂᬤᬶᬢᬸᬤᬶᬚᬬᬦᬾ ᬫᬦ᭄ᬕᬓ᭄ᬜᬾᬦ᭄ᬳᬚᬓᬵᬳᬧᬓᬫ᭄ᬩᭂᬦᬗᬩᬳᬸᬲᬸᬩᬓᬾᬚ᭄ᬦᭂᬗᭂᬗᬫᬄᬢᭀᬢᬓᭀᬦᬂᬕᬸᬮᬶᬕᬸᬮᬶ᭟ᬳᬶᬓᬘ᭄ᬬᬮ᭄ᬫᬢᭀᬮᬶᬳᬦ᭄ᬲᬤᬫ᭄ᬭᬾᬗᬂᬓᬶ
ᬧᭂᬓᬦ᭄ᬜᬦᬾᬲᬤᬢᬶᬢᬶᬃᬲᬸᬳᬸᬂᬢᬭᬳᬤᬮ᭄ᬕᬸᬫ᭄ᬧᭂᬲ᭄ᬳᬶᬧᬸᬦᬸᬦᬲᬂᬲᬧᬲᬶᬭᬯᬾᬦ᭄ᬢᭂᬦ᭄ᬭᬯᬸᬄᬲᬦᬾᬯᬯᬸᬢᬶᬢ᭄ᬬᬂᬢᬦ᭄ᬯᬾᬦ᭄ᬢᬦ᭄ᬗᬦ᭄ᬢᭂᬦᬂᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭟ᬓ᭄ᬫᬳᬶᬩᬗᬮᬶᬄᬳᭂᬢᬸᬶᬦ᭄ᬢᬮ᭄ᬳᬶᬓ᭄ᬘᬶᬬᬮ᭄ᬗ
ᬢᬸᬭᬂᬭᭀᬦ᭄ᬢᬮ᭄ᬕᭂᬮᬶᬲ᭄ᬫ᭄ᬯᬂᬧᬗ᭄ᬭᬸᬧᬓ᭄ᬳᬶᬤᬾᬯᬕᬸᬂᬭᬭᬶᬲ᭄ᬜᬸᬭᬢ᭄ᬫᬗ᭄ᬕᬸᬳᬂᬢ᭄ᬯᬭᬧᬜ᭄ᬚᬂᬩᬸᬓᬦᬾᬓᬯ᭄ᬥᬃᬯᬳᬸᬧᬸᬧᬸᬭᬭᬶᬲ᭄ᬫᬗᬦ᭄ᬤᬶᬓᬵᬘ᭄ᬬᬮ᭄ᬦᬾᬳᬶᬩᬫ᭄ᬮᬚᬳᬶᬦ᭄᭟ᬗᬶᬂᬤᬫ᭄ᬩᬳᬂᬳᬦᬓ᭄ᬦᬶᬦᬓ᭄ᬦᬯᬂᬲ
Page:Bali-lontar-gaguritan-cokoratu-02-250ppi.pdf/131
This page has been proofread.
