[᭔᭑ 41B]
᭔᭑
ᬭᬭᬶᬲ᭄ᬜᬸᬫ᭄ᬩᬄᬳᬶᬧᬢᬶᬄᬬᭂᬫᬓᭂᬤᬤ᭄ᬯᬵ᭞ᬲᬵᬦ᭄ᬥᬶᬓᬢᬶᬢ᭄ᬬᬂᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬗᭀᬩᭂᬢᬂ᭞ᬳᬶᬧᬢᬶᬄᬓᬮᬶᬄᬫᬜᬸᬫ᭄ᬩᬄ᭞ᬳᬶᬧᬜ᭄ᬚᬶᬗᬚ᭄ᬭᭀᬯᬂᬭᬭᬶᬲ᭄᭞ᬳᬶᬧᬢᬶᬄᬓᭀᬘᬧ᭄᭞
ᬤᬶᬩᬜ᭄ᬘᬶᬗᬄᬬᭂᬫᬗᬦ᭄ᬢᬶ᭟ᬫᬵᬗ᭄ᬓᬶᬦ᭄ᬓᭀᬘᬧ᭄ᬳᬶᬧᬢᬶᬄᬱᬓᬶᬂᬓᭀᬭᬶᬧᬦ᭄᭞ᬭᬶᬂᬳᬲ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬕ᭄ᬮᬶᬲᬶᬂᬮᬸᬫᬫ᭄ᬧᬄ᭞ᬭᬯᬸᬄᬫᬭᬶᬂᬳᬮᬲ᭄ᬲ᭄ᬫᬶᬭᬂ᭞ᬓᬗ᭄ᬕᭂᬓ᭄ᬳᬶᬧᬢᬶᬄᬫᭂ
ᬗᬓ᭄ᬱᬶ᭞ᬓᬢᭀᬦ᭄ᬩᬜ᭄ᬘᬶᬗᬄ᭞ᬍᬯᬶᬳᬾᬢᬦ᭄ᬲᬶᬧᬶᬲᬶᬧᬶ᭟ᬤᬤᬶᬓᬗ᭄ᬕᭂᬓ᭄ᬳᬶᬧᬢᬶᬄᬤᭂᬫᬂᬫᬫᬃᬕ᭄ᬕᬶ᭞ᬳᬶᬓᬸᬤᬧᬺᬘᬡ᭄ᬥᬜᬕ᭄ᬚᬵᬕᬶᬦ᭄᭞ᬮᬦ᭄ᬓᬸᬤᬧᬺᬯᬶᬭ᭞ᬫᬦᬶᬓᬾᬦ᭄ᬧᬘᬂᬦᬢᬲᬂ
᭞ᬧᭀᬮᬳᬾᬫᬗᬺᬲᬂᬳᬢᬶ᭞ᬘᬳᬶᬯᭀᬂᬳᬧ᭞ᬫᭂᬭᬾᬭᬾᬦ᭄ᬬᭂᬫᬮᬸᬤᬶᬦᬶ᭟ᬤᬤᬶᬕᭂᬮᬸᬳᬶᬧᬢᬶᬄᬤᭂᬫᬂᬫᬫᬃᬕ᭄ᬕᬵ᭞ᬳᬶᬢᬸᬫᬗ᭄ᬕᬸᬂᬫᭂᬜᬯᬸᬭᬶᬦ᭄᭞ᬦᬾᬘᬳᬶᬯᭀᬂᬳᬧ᭞
[᭔᭒ 42A]
᭔᭒
ᬫᭂᬦᬕᬶᬄᬗ᭄ᬭᬾᬭᬾᬦᬂᬳᬶᬘᬂ᭞ᬓᬮᬓᭀᬦ᭄ᬩᬵᬦ᭄ᬳᬶᬩᭂᬚ᭄ᬯᬭᬶ᭞ᬫᬓᭂᬡᬄᬫᬵᬗ᭄ᬓᬓ᭄᭞ᬫᬫᬸᬜᬶᬢᭂᬓᬾᬦᬶᬂᬓᬳᬶ᭟ᬳᭂᬦᬾᬓᬳᬶᬧᭂᬧᬢᬶᬄᬳᬸᬮᬶᬓᭀᬭᬶᬧᬦ᭄᭞ᬳᬶᬧᬢᬶᬄᬓᬮᬶᬄᬜ
ᬯᬸᬢᬶᬦ᭄᭞ᬳᭂᬤᭂᬳᬶᬩᭂᬳᬫ᭄ᬧᬄ᭞ᬯᬶᬬᬤᬶᬦ᭄ᬧᬢᬶᬄᬓᭀᬭᬶᬧᬦ᭄᭞ᬢ᭄ᬯᬭᬓᬳᬶᬫᭂᬦᬓᬸᬢᬶᬦ᭄᭞ᬲᬵᬫ᭄ᬩᬸᬗᬦ᭄ᬘᭀᬢ᭞ᬓᬳᬶᬧᬘᬂᬫᬦᬶᬫ᭄ᬧᬮᬶᬦ᭄᭟ᬳᭂᬦᬾᬓᬳᬶᬫᬸᬍᬢᭀ
ᬢᭀᬲ᭄ᬪᬵᬮᬓ᭄ᬮᬡ᭞ᬳᭂᬦᬄᬫ᭄ᬭᬾᬭᬾᬦ᭄ᬳᬶᬩᭂᬚᬦᬶ᭞ᬳᬶᬧᬸᬦ᭄ᬢᭂᬫᬵᬦᬶᬫ᭄ᬩᬮ᭄᭞ᬓᬳᬶᬢ᭄ᬯᬭᬚᭂᬳᭂᬜᬓ᭄᭞ᬗᬸᬤ᭄ᬬᬂᬳᬶᬩᭂᬜᬾᬭᬾᬄᬓᬳᬶ᭞ᬲᬘᬶᬢᬦ᭄ᬳᬶᬩ᭞ᬓᬳᬶᬧᬘᬂᬫᭂᬦᬶᬫ᭄ᬧ
ᬮᬶᬦ᭄᭟ᬗᬸᬦᬸᬲ᭄ᬧᭂᬥᬂᬳᬶᬧᬢᬶᬄᬓᬮᬶᬄᬫᬦ᭄ᬭᬚᬂ᭞ᬫᭂᬗᬫᬹᬓ᭄ᬫᬗᬸᬩᬢ᭄ᬳᬩᬶᬢ᭄᭞ᬳᬲᬶᬂᬩᬩᬃᬩᬸᬗ᭄ᬓᬄ᭞ᬩᬶᬳᬶᬤ᭄ᬫᭂᬗᬮᬶᬳᬮᬶᬗᬦ᭄᭞ᬪᬵᬮᬓᭀᬭᬶᬧᬦᬾᬲᬵᬫᬶ᭞ᬳᬶᬧᬢᬶᬄᬤᭂ
