[᭖ 6 B]
᭖
ᬤᬸᬤᬸᬓᭂᬦ᭄ᬦᬓᬸᬫᭂᬧ᭄ᬭᬓ᭄᭞ᬤᬶᬢ᭄ᬬᬓᬸᬮᬯᬸᬮᬸᬫᬚᬃ᭛ᬲᬸᬓᬳᬃᬬ᭄ᬬᬯᬶᬚᬦᬃᬓ᭄ᬓ᭞ᬪᬝᬶᬓ᭄ᬫᬥ᭄ᬭᬶᬫ᭄ᬲᬶᬩᬸᬗ᭄ᬓᭂᬫ᭄ᬫᬦ᭄᭞ᬳᬸ᭠ᬫᬢᬸᬃᬳᬲᭂᬫᬸᬓᬭᬸᬡᬧᬗ᭄ᬕᬶᬄᬓᬸᬮᬮᬦ᭄ᬳᬦ᭄ᬥᬶᬓ᭞ᬮᬶᬃᬲᬶᬦ᭄ᬦᬶᬭᬢ᭄ᬢᬦ᭄ᬯᬾᬫᬃᬣ᭞ᬓᬂᬫᬦ᭄ᬦᬄᬳᬲᬺᬢ᭄ᬓᬮᬶᬦ᭄ᬢᬂ᭞ᬤᬸᬄᬓ
ᬓᬂᬲᬸᬓᬸᬃᬭᬄᬳᬃᬚ᭄ᬚ᭞ᬓᬯᬸᬮᬓᬤ᭄ᬬᬦᬸᬧᭂᬦ᭄ᬦ᭛ᬪᬝᬶᬓ᭄ᬫᬥ᭄ᬭᬶᬫ᭄ᬳᬗᬦ᭄ᬥᬶᬓ᭞ᬬᬬᬶᬳᬶᬓᬶᬩᬸᬢᬳᬧ᭞ᬳᬗ᭄ᬭᬸᬭᬄᬧ᭄ᬭ᭠ᬚᬫᬮᬯ᭞ᬳᬧᬓᬂᬤᬤᬶᬧ᭄ᬭᬓᬭ᭞ᬫᬢᬸᬃᬳᬃᬬ᭄ᬬᬯᬶᬚᬦᬃᬓ᭄ᬓ᭞ᬤᬦᬯᬲᬓᬶᬂᬳᬶᬂᬲᬩ᭄ᬭᬂ᭞ᬦᬵᬕ᭄ᬭᬷᬳᬶᬂᬲᬶᬫ᭄ᬪᬃᬫᬜᬸᬭ᭞ᬚᬶ
ᬚᬸᬮᬸᬓ᭄ᬱᬶᬧᬜ᭄ᬘᬤ᭄ᬬᬦ᭛ᬫᬃᬫ᭄ᬫᬳᬗ᭄ᬭᬸᬭᬄᬫᬮᬯ᭞ᬳᬯᬶᬢ᭄ᬕᬸᬲ᭄ᬢᬶᬰ᭄ᬭᬷᬦᬭᬾᬦ᭄ᬤ᭄ᬭ᭞ᬳᬕᬃᬯ᭄ᬯᬧᬸᬢ᭄ᬭᬶᬳᬶᬂᬧᬸᬢ᭄ᬭᬶᬓᬃᬣ᭞ᬦᬵᬕ᭄ᬭᬶᬓᬦ᭄ᬢ᭄ᬭᬸᬚᬶᬮᬯᬢ᭄ᬬᬧᬸᬦ᭄ᬦᬶᬓᬳᬃᬱᬭᬶᬦ᭄ᬦᭂᬩᬢ᭄᭞ᬫ᭄ᬭᬶᬂᬲᬶᬭᬧᬜ᭄ᬘᬤ᭄ᬬᬡ᭄ᬦ᭞ᬲᬸᬯᬶᬯᬶᬮᬫᬸᬦ᭄ᬲᬫ᭄ᬪᬤ᭞ᬳᬸᬫᬋ᭞ᬫᬸᬦ᭄ᬤᬸᬃ
ᬳᬸᬫᬋᬓ᭄ᬱᬂᬦᬵᬣ᭛᭜᭛ᬓᭀᬦ᭄ᬦᭂᬂᬗᬦ᭄ᬦᬬᬾᬦ᭄ᬧᬤᬸᬓᬦᬗ᭄ᬕᬸᬮᬂᬧ᭄ᬭᬂ᭞ᬦᬳᬸᬃᬭᬶᬪᬝᬶᬓ᭄ᬫᬥ᭄ᬭᬶᬫ᭄᭞ᬬᬳᬶᬂᬓᬃᬣᬦ᭄ᬦᬶᬗ᭄ᬯᬂ᭞ᬲᬦᬤ᭄ᬬᬦ᭄ᬓᬸᬫᬋᬓ᭄ᬓ᭞ᬬᬾᬦᬵᬯᬸᬰ᭄ᬰᬶᬃᬡ᭄ᬦᬫᬸᬂᬲᬸᬄᬳᬶᬓᬶ᭞ᬮᬶᬂᬗᭂᬦ᭄ᬲᬂᬤᬶᬢ᭄ᬬ᭞ᬭᬵᬚᬓ᭄ᬭᬸᬭᬖᭀᬭᬵᬗ᭄ᬭᬓ᭄᭛ᬢ᭄ᬭᬶᬯᬶᬓ᭄ᬭᬫ᭠
[᭗ 7 A]
ᬳᬫᬸᬲᬸᬲ᭄ᬳᬱ᭄ᬝᬦᬶᬭᬾᬦ᭄ᬤ᭄ᬭ᭞ᬲᬓᭂᬥᬧ᭄ᬫᭂᬥᬮ᭄ᬳᬕ᭄ᬦᬶ᭞ᬫᬸᬭᬸᬩ᭄ᬫᬮᬤ᭄ᬫᬮᬤ᭄᭞ᬩᬶᬦᬮᬂᬳᬓᭂᬦ᭄ᬫᬭᬂ᭞ᬩᬮᬫᬮᬯᬲ᭠ᬫ᭄ᬬᬵᬚ᭄ᬭᬶᬄ᭞ᬲᬧᬭᬦ᭄ᬧᬭᬦ᭄᭞ᬕᬾᬕᬾᬃᬩᬶᬦᬸᬭ᭄ᬯᬾᬂᬗᬕ᭄ᬦᬶ᭛ᬮᬭᬸᬤ᭄ᬲᬫ᭄ᬬᬩᬶᬦᬸᬭᬸᬩᬮᬳᬶᬂᬓᬃᬣ᭞ᬦᬵᬳᬭᬩᭀᬚᬦᬵᬕ᭄ᬭᬶᬂ
᭞ᬧᬶᬦᬺᬧ᭄ᬧᬶᬂᬤᬄᬳᬦ᭞ᬗᬸᬗ᭄ᬲᬶᬩᬭᬶᬲ᭄ᬫᬮᬯ᭞ᬲᬂᬦᬵᬣᬲᬫ᭄ᬧᬸᬦ᭄ᬳᬧᬗ᭄ᬕᬶᬄ᭞ᬮᬯᬦ᭄ᬓᬂᬧᬸᬢ᭄ᬭ᭞ᬤᬦᬹᬃᬯᬾᬦ᭄ᬥᬗᬩᭂᬓ᭄ᬢᬶ᭠᭛ᬫᬶᬯᬄᬥᬢᭂᬂᬳᬶᬩᬸᬲᭀᬭᬷᬓᬮᬶᬄᬳᬶᬭ᭞ᬯᬸᬲ᭄ᬢᬶᬦᬚᬃᬲᬂᬧᭂᬓᬶᬓ᭄᭞ᬮᬯᬦ᭄ᬲᬶᬭᬭᬓ᭞ᬭᬤᬾᬦ᭄ᬳᬗ᭄ᬮᬶᬂᬓᬸᬲᬸᬫ᭞ᬓᬮ
ᬗ᭄ᬓᬸᬂᬗᬲᬶᬄᬳᬶᬂᬗᬭᬶ᭞ᬢᬦ᭄ᬓᭂᬦ᭄ᬦᬧᬶᬲᬄ᭞ᬫᬸᬗ᭄ᬕ᭄ᬯᬶᬂᬗᬃᬱᬦᬃᬧᬢᬶ᭛ᬖᭀᬭᬲ᭄ᬯᬭᬬᬓ᭄ᬱᬾᬦ᭄ᬤ᭄ᬭᬳᬲᬸᬫ᭄ᬩᬃᬲᬸᬫ᭄ᬩᬃ᭞ᬳᬾᬄᬯ᭄ᬯᭀᬂᬫᬮᬯᬧᬢᬶ᭞ᬳᬚᬦᬮᬸᬫᬚᬃ᭞ᬓᬩᬾᬄᬧᬋᬂᬗᬫᬭ᭞ᬋᬩᬸᬢ᭄ᬢᭂᬗ᭄ᬲᬸᬦ᭄ᬳᬚᬸᬭᬶᬢ᭄᭞ᬦᬵᬣᬾᬂᬫᬮᬯᬫᬸᬦ᭄ᬥᬸᬢ᭄ᬯᬳ
ᬦᬳᬾᬲ᭄ᬢᬶ᭛ᬫᬗ᭄ᬲᬄᬳᬶᬂᬧᬬᬸᬤ᭄ᬥᬦ᭄ᬳᬶᬦᬶᬢᬶᬄᬤᬶᬧᭀᬗ᭄ᬕ᭞ᬬᬓ᭄ᬱᬾᬦ᭄ᬤ᭄ᬭᬳᬲ᭄ᬭᬸᬳᬗ᭄ᬮᬶᬂ᭞ᬳᬾᬄᬲᬧᬓᬂᬧ᭄ᬭᬧ᭄ᬢ᭞ᬭᬵᬚᬳᬧᬲᬢ᭄ᬭᬶᬬ᭞ᬯᬃᬡ᭄ᬦᬫᬸᬳᬦᭀᬫ᭄ᬳᬧᭂᬓᬶᬓ᭄᭞ᬩᬬᬢᬲᬶᬭ᭞ᬓᬂᬜᭀᬮᭀᬂᬭᬩᬶᬫᬫᬶ᭛ᬳᬦᬳᬸᬃᬭᬶᬳᬶᬗ᭄ᬲᬸᬦ᭄ᬭᬵᬚ᭠
Page:Bali-lontar-gaguritan-anging-kusuma-250ppi.pdf/7
This page has been proofread.
