[᭓ 3 B]
᭓
᭞ᬲᬗ᭄ᬓᬶᬦ᭄ᬧ᭄ᬭᬄᬧᬮᬸᬮᬃᬭᬶᬧᬸᬦ᭄᭞ᬢᬦ᭄ᬮᬶᬬᬧᬸᬢ᭄ᬭᬶᬦ᭄ᬦᬶᬭ᭞ᬳᬶᬓᬶᬲᬦ᭄ᬦᬫ᭄ᬩᬳ᭄ᬢᬶᬂᬢᬗᬶᬲ᭄᭞ᬢᬦ᭄ᬓᬬᬳᬮᬮᬓᭀᬦ᭄ᬦᬾᬳᬯᬓ᭄ᬓᬶᬂᬗ᭄ᬯᬂ᭛ᬤᬦᬹᬃᬯᬾᬦ᭄ᬥᬧᬸᬢ᭄ᬭᬦ᭄ᬦᬶᬂᬗ᭄ᬯᬂ᭞ᬳᬧᬲᬶᬭᬳᬗᭂᬫᬲ᭄ᬲᬶ᭞ᬮᬄᬕᬯᬦᭂᬦ᭄ᬩᬶᬬᬂᬗᬶᬭ᭞ᬲᬶᬗ᭄ᬲᬸᬦᭀᬭᬩᬶᬲᬓᬭᬶ᭞ᬲᬧᬳᬶᬦ᭄ᬲᬸ
ᬦ᭄ᬗᬾᬗᬾᬃᬭᬶ᭞ᬮᬄᬳᬤᬾᬦ᭄ᬦᬾᬓᬂᬗᬥᬯᬸᬓ᭄᭞ᬳᬧᬳᭀᬭᬓᬬᬢ᭄ᬦ᭞ᬤᬸᬯᬾᬘᭂᬘᭂᬧ᭄ᬮᭀᬦ᭄ᬳᬧᭂᬓᬶᬓ᭄᭞ᬮᬮᬶᬳᬦᬓ᭄ᬧᬶᬚᭂᬃᬳᬦᬸᬗ᭄ᬕᭀᬦ᭄ᬦᬶᬳᬶᬓ᭛ᬳᬃᬯ᭄ᬯᬦ᭄ᬦᬾᬯᬶᬮᬳᬸᬢ᭄ᬢᬫ᭞ᬧᬸᬢ᭄ᬭᬶᬳᬬᬸᬤᬾᬫᭂᬲ᭄ᬓᬸᬦ᭄ᬦᬶ᭞ᬢ᭄ᬭᬄᬳᬶᬂᬦᬭᬾᬦ᭄ᬤ᭄ᬭᬲᬸᬤᬶᬩ᭄ᬬ᭞ᬤ᭠
ᬤ᭄ᬬᬮᬮᬶᬬᬫ᭄ᬭᬶᬂᬫᬫᬶ᭞ᬳᬬ᭄ᬯᬮᬮᬶᬳᬶᬂᬲᬶᬯᬶ᭞ᬲᭂᬥᭂᬂᬮᬶᬫᬸᬢ᭄ᬢᬫᬭᬶᬗ᭄ᬲᬸᬦ᭄᭞ᬢᬸᬯᬬᬵᬮᬘᬦ᭄ᬥᬮ᭞ᬚᬸᬕᬸᬮ᭄ᬳᬾᬲ᭄ᬢ᭄ᬭᬶᬢᬦ᭄ᬧᬓᬃᬤ᭄ᬥᬶ᭞ᬫᬸᬂᬳᭀᬫ᭄ᬧᭀᬮᬾᬓᬾᬯᬮᬤᬾᬦ᭄ᬭᬯᬢ᭄ᬢᬦ᭄ᬦ᭞᭛ᬳᬶᬬᬍᬕᬦ᭄ᬦᬾᬓᬂᬫᬦ᭄ᬦᬄᬩᭀᬬᬓᬸᬤᬸᬤᬾᬦ᭄ᬓᬗᭂ
ᬦ᭄ᬦᬶ᭞ᬫ᭄ᬭᬶᬓᬶᬤᬍᬫ᭄ᬳᬗ᭄ᬮᬶᬂᬥᬃᬫ᭄ᬫ᭞ᬢᬦ᭄ᬧᬗ᭄ᬯᬲᬳᬯᬓ᭄ᬫᬫᬶ᭞ᬤᬦᬹᬃᬯᬾᬦ᭄ᬥᬵᬦᬓ᭄ᬫᬫᬶ᭞ᬳᬕᬾᬕᬯᬦ᭄ᬦᭂᬦ᭄ᬳᬶᬩᬸᬫᬸ᭞ᬫᬭᬂᬗᬭᬶᬩᬸᬯᬦ᭞ᬓᬂᬫᬤ᭄ᬬᬧᬤᬓᬲ᭄ᬬᬲᬶᬄ᭞ᬳᬶᬓᬂᬳᬦᬾᬦᬵᬕ᭄ᬚ᭄ᬭᭀᬭᬢᬢᬢᬲ᭄ᬫᬶᬬᬃᬱ᭛ᬲᬲᬫ᭄ᬩᬢ᭄ᬢᬾᬓᬂᬓᬭᬸᬡ᭄ᬦ᭞ᬧᬶᬦ᭄ᬬᬃ
[᭔ 4 A]
ᬱᬳᬦᬸᬚᬸᬳᬢᬶ᭞ᬲᬂᬦᬵᬣᬳᬾᬫᬸᬢ᭄ᬢᬶᬂᬕᬃᬯ᭄ᬯ᭞ᬧᬸᬢ᭄ᬭᬶᬳᬶᬂᬓᬃᬣᬦᬵᬕᬭᬷ᭞ᬤᬾᬯᬶᬯ᭄ᬭᬸᬲᬸᬶᬰᬶᬮᬯᬢᬷ᭞ᬤᬦᬹᬃᬯᬾᬦ᭄ᬥᬧᬸᬢ᭄ᬭᬦ᭄ᬦᬶᬧᬸᬦ᭄᭞ᬤᬶᬯᬲᬫᬫ᭄ᬩᭂᬕ᭄ᬰᬹᬭ᭞ᬢᬸᬫᭂᬥᬓ᭄ᬰ᭄ᬭᬷᬦᬭᬧᬢᬶ᭞ᬲᬓᬶᬂᬭᬣᬫᬮᬚᭂᬂᬗᬶᬭᬓᬭᬸᬡ᭛ᬘᬸᬦ᭄ᬥᬸᬓ᭄ᬳᬾᬲ᭄ᬢᬸᬕᬃᬯ᭄ᬯᬦ᭄ᬦᬶᬭ᭞᭠
ᬭᬶᬦᬗ᭄ᬓᬸᬮ᭄ᬲᬂᬤ᭄ᬬᬄᬳᬦᬗᬶᬲ᭄᭞ᬳᬃᬤ᭄ᬥᬯ᭄ᬮᬲ᭄ᬲᬶᬭᬦᬭᬾᬦ᭄ᬤ᭄ᬭ᭞ᬢ᭄ᬬᬲ᭄ᬲᬶᬭᬓᬤ᭄ᬬᬭᬶᬦᬸᬚᬶᬢ᭄᭞ᬫᬸᬮᬢ᭄ᬢᬶᬂᬧᬺᬫᬾᬰ᭄ᬯᬭᬷ᭞ᬓᬲᬗ᭄ᬰᬬᬢᬦ᭄ᬧᬩᬢᬸᬃ᭞ᬭᬾᬫᬓᭂᬩᬓ᭄ᬮᬭᬄᬳᬦ᭄᭞ᬰᬭᬷᬭᬳᬯᭂᬥᬓ᭄ᬱᬶᬢᬶ᭞ᬳᬗ᭄ᬮᬶᬂᬥᬃᬫ᭄ᬫᬗ᭄ᬭᬧᬧᬫᬶᬦ᭄ᬢᬳᬓ᭄ᬱᬫ
᭛ᬤᬾᬦ᭄ᬦᬾᬤᬗᬸᬓᬲᬫᬃᬭᬦ᭄᭞ᬤᬃᬩᬾᬩᭂᬦ᭄ᬥᬭᬓᬲ᭄ᬬᬲᬶᬄ᭞ᬤᬢᬦ᭄ᬧᬭᬾᬯᬂᬲᬚᬸᬕ᭞ᬦᬸᬮ᭄ᬬᬳᬶᬦ᭄ᬦᭂᬫ᭄ᬩᬦ᭄ᬲᬂᬤᬾᬯᬷ᭞ᬯᬶᬦ᭄ᬦᬯᬾᬂᬭᬣᬦᬶᬢᬶᬄ᭞ᬯᬸᬲ᭄ᬓᬾᬦ᭄ᬤᭂᬮ᭄ᬧᬫᬸᬮᬃᬭᬶᬧᬸᬦ᭄᭞ᬲᬂᬦᬵᬣᬳᬗᬦ᭄ᬥᬶᬓ᭞ᬫ᭄ᬭᬶᬂᬕᬃᬯ᭄ᬯᬳᬫ᭄ᬪᬭᬯᬢᬷ᭞ᬳᬶᬓᬶ
ᬳᬭᬶᬦ᭄ᬦᬶᬭᬳᬶᬂᬓᬃᬣᬦᬵᬕᬭ᭛ᬧᬸᬢ᭄ᬭᬷᬳᬶᬂᬩᭀᬚᬦᬵᬕᬭ᭞ᬳᬗ᭄ᬭᬗ᭄ᬓᬸᬮ᭄ᬳᬲᭂᬫᬸᬢᬗᬶᬲ᭄᭞ᬫᬦ᭄ᬦᬶᬲ᭄ᬧᬦ᭄ᬦᬫ᭄ᬩ᭄ᬭᬫᬦ᭄ᬦᬶᬭ᭞ᬬᬬᬄᬫᬗ᭄ᬭᬧ᭄ᬯᬾᬂᬭᬸᬤᬢᬶᬦ᭄᭞ᬳᬶᬂᬗᬚᬓ᭄ᬚᬚᬃᬮᬶᬗ᭄ᬕᬶᬄ᭞ᬧᬸᬢ᭄ᬭᬶᬓᬃᬣᬦᬵᬕᬭᬭᬯᬸᬲ᭄᭞ᬬᬢᬍᬗ᭄ᬕᬄᬳᬚᬚᬃ᭞ᬓᬯᬃᬡ᭄ᬦᬳ᭠
Page:Bali-lontar-gaguritan-anging-kusuma-250ppi.pdf/4
This page has been proofread.
