᭒᭖ 26 B]
᭒᭖
ᬲᬶᬓ᭄ᬧ᭄ᬭᬫᬾᬰ᭄ᬯᬭᬷ᭞ᬓᬓᬮᬶᬄ᭞ᬫᬹᬃᬭ᭄ᬘᬶᬢᬤᬗᬸᬢᬦ᭄ᬳᬾᬫᬸᬢ᭄᭞ᬳᬸᬫ᭄ᬬᬂᬢᬗᬶᬲ᭄ᬚ᭄ᬭᭀᬧᬸᬭ᭞ᬧ᭄ᬭᬧᬸᬗ᭄ᬕᬯᬲᬢ᭄ᬭᬶᬬᬲᬫ᭄ᬬᬵᬃᬱᬦᬸᬲᬸᬮ᭄᭞ᬤᬳᬢ᭄ᬳᬚ᭄ᬭᬶᬄᬳᬶᬂᬦᬭᬾᬦ᭄ᬤ᭄ᬭ᭞ᬓᬯᬯᬂᬳᬸᬦ᭄ᬥᬂᬦᬃᬧᬢᬶ᭛ᬦᬶᬂᬦᬲᭀᬮᬄᬳᬶᬂᬚ᭄ᬭᭀᬧᬸᬭ᭞ᬓᬯᬃᬡ᭄ᬦᬳᬮᬫ᭄ᬧᬄ
ᬳᬾᬭᬤᬾᬦ᭄ᬓᬮᬶᬄ᭞ᬳ᭄ᬦᬭᬚᬂᬯᬦᬕᬸᬦᬸᬂ᭞ᬤᬢᬦ᭄ᬳᬫᬗ᭄ᬕᬶᬄᬤᬾᬰ᭞ᬮᬫᬸᬦ᭄ᬳᬭᬶᬧ᭄ᬱᬭᬾᬳᬶᬂᬲᬳᭂᬗ᭄ᬕᭀᬦ᭄ᬦᬶ᭠ᬧᬸᬦ᭄᭞ᬕᭀᬤᭀᬂᬓᬂᬍᬫᭂᬲ᭄ᬥᬶᬦᬳᬃ᭞ᬳᬦ᭄ᬤᬶᬦᬮᬢ᭄ᬭᬶᬮᬸᬫᬭᬶᬲ᭄᭛ᬲᬸᬧᬾᬋᬗ᭄ᬕᬦ᭄ᬦᬶᬂᬓᬯᬶᬃᬬ᭄ᬬᬦ᭄᭞ᬢᬦ᭄ᬮᬾᬦ᭄ᬫᬸᬳᬸᬂᬯᬶᬭᬂ
ᬳᬶᬓᬂᬓᬳᬾᬱ᭄ᬝᬶ᭞ᬗᬫ᭄ᬪᬄᬯᬦᬯ᭄ᬭᬶᬢ᭄ᬳᬲᬶᬭᬸᬂ᭞ᬚᬸᬭᬂᬩᬳᬾᬭᬦ᭄ᬦᬶᬭ᭞ᬧᬲᭂᬦ᭄ᬦᭂᬢᬦ᭄ᬳᬶᬂᬯᬭᬓ᭄ᬓᬮᬯᬦ᭄ᬲᭂᬦᬸᬓ᭄᭞ᬳᬸ᭠ᬮᬮᬦ᭄ᬦᬂᬳᬶᬂᬲᬮᬦᬂ᭞ᬢᬦ᭄ᬦᬦᬩᬸᬭᭀᬦ᭄ᬦᬾᬳᬮᬶᬢ᭄᭛ᬢᬦ᭄ᬦᬦᬓᬯᬯᬗᬫ᭄ᬩᬄ᭞ᬚᬸᬭᬩᬳᬾᬃᬚᭂᬫ᭄ᬩᬃᬚᭂᬭᬾᬄᬳᬭᬸ
ᬫ᭄ᬧᬶᬲ᭄᭞ᬓᬓᬬᭀᬦ᭄ᬦᬾᬯᬃᬩ᭄ᬦᬢᭂᬮᬸ᭞ᬳᬶᬗᬲ᭄ᬮᬦ᭄ᬓᬭᬗᬾᬬᬦ᭄᭞ᬕᬸᬃᬤᬦ᭄ᬦᬂᬭᬓ᭄ᬚᬫ᭄ᬪᬬᬸᬂᬓ᭄ᬭᬫᬢ᭄ᬢᬦ᭄ᬕᬦ᭄ᬥᬸ᭞ᬳᬫ᭄ᬪᬄᬳᬶᬓᬂᬦᬭᬧᬸᬢ᭄ᬭ᭞ᬕᬾᬕᬾᬃᬳᬶᬲᬶᬦ᭄ᬦᬶᬂᬯᬦᬵᬤ᭄ᬭᬸ᭛ᬳᬦ᭄ᬦᬓᬂᬳᬃᬱᬲᬶᬓᬭ᭞ᬲᭂᬦᬸᬓ᭄ᬫᬾᬫ᭄ᬭᬾᬂᬩᬼᬕ᭄ᬥᬕᬳᬗᭂᬫᬲ᭄ᬲᬶ᭞ᬲ
[᭒᭗ 27 A]
ᬢᭀᬫᬭᬫᬭᬮᬫ᭄ᬧᬸᬲ᭄᭞ᬩᬸᬭᭀᬦ᭄ᬢᬸᬮᬶᬕ᭄ᬓᬧ᭄ᬮᬚᬃ᭞ᬓᬩᬭᬲᬢ᭄ᬳᬦᬶᬗᬶᬤ᭄ᬳᬶᬂᬕᬸᬯᬲᬫᬸᬦ᭄᭞ᬲᬫ᭄ᬬᬵᬋᬩᬸᬢ᭄ᬓᬓᬭᬶᬧ᭄ᬧᬦ᭄᭞ᬫᬸᬯᬸᬂᬳᬶᬓᬂᬩᬸᬭᭀᬦ᭄ᬳᬮᬶᬢ᭄᭛ᬥᬲᬃᬯᬶᬚᬶᬮ᭄ᬮᬶᬂᬗᬢᬢ᭞ᬭᬤ᭄ᬬᬦ᭄ᬓᬮᬶᬄᬓᬓᬲᬶᬄᬳᬶᬂᬤᬾᬯᬵᬤᬶ᭞ᬩᬧᬭᬵ
ᬚᬳᬶᬩᬸᬭᬢᬸ᭞ᬳᬓᬓᬶᬳ᭄ᬬᬂᬪᬕᬯᬵᬦ᭄᭞ᬧᬫᬦ᭄ᬲᬶᬦ᭄ᬦᬂᬗᬃᬬ᭄ᬬᬧᬸᬗ᭄ᬕᬯᬕᬸᬮ᭄ᬮᬕᬸᬮ᭄᭞ᬫᬗ᭄ᬓ᭄ᬬᬳᬦᬦ᭄ᬥᬂᬲᬸᬗ᭄ᬓᬯ᭞᭠ᬓᬘᬦ᭄ᬢᬓᬦᬾᬂᬯᬦᬵᬤ᭄ᬭᬶ᭛ᬳᬦ᭄ᬥᬢᭂᬂᬓᭂᬦ᭄ᬕᬭᬕᬭ᭞ᬮᬶᬦ᭄ᬥᬸᬩᬸᬫᬶᬳᭀᬋᬕ᭄ᬭᬾᬄᬕᭀᬜ᭄ᬚᬂᬕᭀᬜ᭄ᬚᬂ᭞ᬫᬳᭀᬃᬩᬚ᭄ᬭ᭠
ᬓᬸᬫᬸᬭᬸᬲᬸᬓ᭄᭞ᬧᬶᬭᬂᬋᬗ᭄ᬕᬕᬸᬫᬶᬯᬂ᭞ᬫᬾᬗ᭄ᬕᬸᬂᬕᭀᬗ᭄ᬲᭀᬃᬳᬕ᭄ᬭᬦ᭄ᬦᬶᬂᬳᬃᬥᬶᬲᬸᬫᬾᬭᬸ᭞ᬳᬸᬤᬦ᭄ᬳᬯᬸᬳᬮᬶᬫᬸᬦ᭄ᬦᬦ᭄᭞ᬩᭂᬢᭂᬃᬲᬢᭂᬃᬫᬯᭀᬃᬢᬫᬶᬢ᭄᭛ᬳᬲᭂᬗ᭄ᬕᬦ᭄ᬦᬶᬂᬫᬮᬯᭂᬃᬭᬦ᭄᭞ᬧᭀᬜ᭄ᬘᬯᭀᬭᬓᬸᬫᬸᬲᬸᬄᬕ᭄ᬭᬫᬭᬭᬶᬓ᭄᭞ᬕᬸᬫᬮᬸᬤᬸ
ᬕ᭄ᬭᬾᬄᬕᬸᬫᬸᬦ᭄ᬢᬸᬃ᭞ᬓᬸᬧᬓ᭄ᬫᬦᬫ᭄ᬪᬃᬰᬾᬮ᭞ᬲᬸᬫ᭄ᬬᬃᬫᬭᬶᬂᬯᬶᬬᬢ᭄ᬲᬶᬦ᭄ᬭᬗᬶᬦ᭄ᬪᬬᬸ᭞ᬮᬥᬸᬫᬶᬮᬶᬲᬓᬶᬂᬗᬃᬕ᭄ᬕ᭞ᬓᬯᬄᬫᬸᬩᬮ᭄ᬫᬢ᭄ᬭᬸᬄᬳᬕ᭄ᬦᬶ᭛ᬕᬾᬕᬾᬃᬲᬳᬶᬲᬶᬦ᭄ᬦᬶᬂᬗᬃᬕ᭄ᬕ᭞ᬳᬚᬃᬳᬚᬃᬓᬧ᭄ᬮᬚᬃᬲᬫᬶᬗᬸᬗ᭄ᬲᬶ᭞ᬫᬗᬸᬬᬸᬲᬫᬶᬓᬧ᭄ᬮᬬᬹ᭞ᬳᬩᭂ
Page:Bali-lontar-gaguritan-anging-kusuma-250ppi.pdf/27
This page has been proofread.
