This page has been proofread.
[᭔᭐ 40B]
᭔᭐
ᬗᬶᬤᬂᬚ᭄ᬯᬲᬸᬩᬤᬶᬦᬶ᭞ᬳᬧᬂᬢ᭄ᬭᬤᬳᬦᬓ᭄ᬢᬳᬸ᭞ᬲᬳᬶᬚᭂᬫᬓ᭄ᬳᬲᬦ᭄ᬤᬦ᭄᭞ᬬᬾᬦᬶᬂᬲᬸᬩᬢᭂᬮᬄᬲᬫᬶ᭞ᬦᬸᬚᬸᬲᬸᬯᬸᬂ᭞ᬚᬮᬦ᭄ᬚᭂᬫᬓ᭄ᬧᬥᬤ᭄ᬯ
ᬦᬦ᭄᭟ᬫᬲᬸᬯᬾᬢᬸᬫᬸᬮᬶᬓᭂᬗ᭄ᬓᭂᬩᬂ᭞ᬓᬧᭂᬦ᭄ᬤᭂᬫ᭄ᬲᭀᬭᬶᬂᬯᬭᬶᬗᬶᬦ᭄᭞ᬭᬭᬶᬲ᭄ᬲᬫᬶᬧᬥᬩᬸᬤᬮ᭄᭞ᬓᬸᬫᬄᬜᬧᬥᬫᬦ᭄ᬤᬶᬭᬶ᭞ᬓᭀᬘ
ᬧᬦ᭄ᬲᬫ᭄ᬧᬸᬦ᭄ᬮᬫᬶ᭞ᬭᬳᬸᬄᬳᬶᬤᭀᬭᬫᬗᬧᬸᬲ᭄᭞ᬫᬗᬫ᭄ᬩᬶᬮ᭄ᬫᬲᬾᬢᭀᬢᭀᬦᬦ᭄᭞ᬓᬩᬓ᭄ᬢᬓᬸᬫᬄᬜᬫᬗ᭄ᬓᬶᬦ᭄᭞ᬢᬶᬫ᭄ᬧᬮ᭄ᬳᬶᬧᬸᬦ᭄᭞
ᬩᭀᬬᬧᬶᬲᬦ᭄ᬧᬶᬢᬳᬸᬦ᭟ᬲᬲᬸᬩᬦ᭄ᬜᬮᬶᬫᬂᬤᬶᬦ᭞ᬳᬶᬤᭀᬭᬫᬩᬶᬓᬲ᭄ᬍᬗᬶᬢ᭄᭞ᬓᭀᬘᬧᬦ᭄ᬢᭂᬓᬳᬶᬯᬬ᭞ᬓᬸᬫᬄᬳᬶ
[᭔᭑ 41A]
ᬤᭀᬭᬦᬾᬫᬗ᭄ᬓᬶᬦ᭄᭞ᬫᬧᬚᬂᬳᬶᬧᬸᬦ᭄ᬳᬭᬶᬲ᭄᭞ᬚᬮᬦ᭄ᬓᬸᬤᬚᬦᬶᬮᬳᬸᬢ᭄᭞ᬓᬢᭀᬗᭀᬲ᭄ᬫᬲᬾᬳᬶᬧᬶᬤᬦ᭄᭞ᬯᬶᬭᬾᬄᬫᬲ᭄ᬳᬶᬘᬗᬾ
ᬲᬫᬶ᭞ᬢᬦ᭄ᬧᬕᬦ᭄ᬢᬸᬮ᭄᭞ᬳᬧᬂᬳᬤᬳᬗ᭄ᬕᬾᬦ᭄ᬩᬾᬜ᭄ᬚᬂ᭟ᬘ᭄ᬭᬶᬢᬬᬂᬧᬥᬫᬚᬮᬦ᭄᭞ᬗᭀᬚᭀᬕ᭄ᬢᭀᬗᭀᬲ᭄ᬫᬲᬾᬭᬶᬳᬶᬦ᭄᭞
ᬓᬧᬗ᭄ᬕᬶᬄᬫᬲ᭄ᬜᬦᬾᬢᭂᬮᬲ᭄᭞ᬳᬶᬯᬬᬦᬸᬮᬶᬫᬘᭂᬕᬶᬓ᭄᭞ᬢ᭄ᬯᬭᬳᬤᬳᬦᬓ᭄ᬳᬸᬦᬶᬂ᭞ᬚᬯᬶᬦᬶᬂᬘᬳᬶᬫᬫᬗ᭄ᬕᬸᬄ᭞ᬲᬶᬦᬄᬘᬳᬶᬳᬦᬾ
ᬫᬜ᭄ᬯᬂ᭞ᬗᭂᬗ᭄ᬓᭂᬩᬂᬳᭂᬫᬲᬾᬫᬶ᭞ᬓᬾᬢᭀᬢᬸᬳᬸ᭞ᬯᬶᬯᬾᬄᬮᬾᬦᬦ᭄ᬢ᭄ᬭᬤᬦᬯᬂ᭟ᬳᬶᬯᬬᬮᬳᬸᬢ᭄ᬓᬤᬦ᭄ᬤᬦ᭄᭞ᬓᬚᬓ᭄ᬫ
