[᭖᭓ 63B]
᭖᭓
ᬘᬢᬹᬃ᭞ᬧ᭄ᬭᬢ᭄ᬬᬾᬓᬦ᭄ᬬᬓᬤᬶᬗᬹᬦᬶ᭞ᬧᬶᬦ᭄ᬭᬢᬶᬱ᭄ᬝᬳᭀᬮᬶᬄᬩ᭄ᬭᬵᬳ᭄ᬫᬡ᭟ᬧ᭄ᬭᬵᬧ᭄ᬢᬢᬶᬍᬫᬶᬂᬓᬤᬰᬵ᭞ᬗᬢᬸᬭᬂᬧᬳᭀᬥᬮᬦ᭄ᬗᬢᭂᬫ᭄ᬯᬂ᭞ᬫᬗ᭄ᬓᬦᬧᬶᬤᬃᬢ᭄ᬣᬦ᭄ᬬᬭᬶᬂᬗᬹᬦᬶ᭟ᬕᬸᬫᬦ᭄ᬢᬶᬯᬸᬲ᭄ᬧᬸᬧᬸᬢ᭄ᬧᬸᬦᬂᬓᬃᬬ᭄ᬬ᭞ᬢᬦ᭄ᬮᬶᬗᭂᬦ᭄ᬧᬸᬦᬂᬧ
ᬲᬸᬲᬸᬕᬸᬄᬭᬶᬂᬲᬂᬢᬫ᭄ᬯᬶ᭞ᬅᬧᬦ᭄ᬬᬢᬦ᭄ᬓᬸᬭᬂᬭᬶᬂᬧᬗᬦ᭄ᬫ᭄ᬯᬂᬓᬾᬦᬸᬫ᭄᭞ᬤᬯᬬᬦ᭄ᬓᬢᬝᬵᬓ᭄ᬦ᭞ᬓᬧ᭄ᬯᬳᬸᬫᬦ᭄ᬢᬸᬓᬲᬂᬢᬫ᭄ᬯᬶ᭞ᬓᬂᬲᭀᬯᬂᬲᭀᬯᬂ᭟ᬮᬯᬦ᭄ᬓᬸᬦᬂᬓᬃᬬ᭄ᬬ᭞᭓᭞ᬰᬰᬶᬄ᭞ᬲᬓᬶᬂᬓ᭞᭗᭞ᬭᬯᬸᬄ᭞᭑᭐᭞ᬦᬳᬦᬶᬓᬂ᭠
ᬘᬭᬶᬢᬵ᭟᭐᭟ᬧᬶᬭᬂᬯᬃᬱᬵᬮᬫᬶᬦ᭄ᬬᬢᬂᬪᬸᬚᬗ᭄ᬕᬩᬮᬶ᭞ᬗᬹᬦᬶᬯᬾᬄᬲᬶᬭᬲᬵᬫ᭄ᬧᬸᬦ᭄ᬧᬥᬯᬸᬯᬸᬲ᭄ᬯᬺᬤ᭄ᬥᬵᬧ᭄ᬯᬲᬶᬭᬓᬩᬾᬄ᭞ᬲᬶᬭᬫ᭄ᬧᬸᬚᬬᬫᬳᬶᬋᬂ᭞ᬫ᭄ᬧᬸᬧᬦᬭᬚᭀᬦ᭄᭞ᬫ᭄ᬧᬸᬢᬭᬸᬜᬦ᭄᭞ᬓᬢ᭄ᬓᬾᬂᬲᬂᬫ᭄ᬧᬸᬳᬦ
ᬓ᭄ᬲᬶᬱ᭄ᬬᬦᬶᬭᬓᬩᬾᬄ᭞ᬯᬸᬲ᭄ᬲᬵᬫ᭄ᬧᬸᬦ᭄ᬕᭂᬦᭂᬧ᭄᭞᭓᭞ᬢᬸᬭᬸᬡᬦ᭄᭞ᬧᬥᬯᬶᬪᬸᬓ᭄ᬢᬶᬧ᭄ᬯᬲᬶᬭᬓᬩᬾᬄ᭞ᬢᬦ᭄ᬳᬦᬦᬶᬦᬸᬘᬧ᭄ᬫᬸᬯᬄ᭟ᬓᬝᬵᬓ᭄ᬦᬵᬫᬗ᭄ᬓᬾᬲᬂᬓᬭᬶᬢᬶᬦᬶᬗ᭄ᬕᬮ᭄᭞ᬓᬸᬦᬂᬲᬂᬢᬭᬸᬜᬦ᭄ᬳᬦᬓ᭄ᬲᬂᬩ
[᭖᭔ 64A]
ᬥᭂᬂ᭞ᬳᬶᬗᬮᬧ᭄ᬲᬂᬯᬺᬓ᭄ᬱᬇᬋᬂ᭞ᬗᬭᬦ᭄ᬦᬶᬳᬬᬸᬭᬾᬓᬵ᭟ᬮ᭄ᬬᬦ᭄ᬫᬸᬯᬄᬳᬦᬓ᭄ᬲᬂᬓᬬᬸᬇᬋᬂ᭞ᬗᬭᬦ᭄ᬲᬂᬢᭀᬕᭀᬕ᭄ᬳᬶᬋᬂ᭞ᬗᬮᬧ᭄ᬳᬦᬓᬶᬭᬲᬂᬧᬦᬭᬚᭀᬦ᭄᭞ᬳᬭᬦ᭄ᬦᬶᬭᭀᬚᬦᬶ᭟ᬯᬦᬾᬄᬲᬂᬧᬦᬭᬚᭀᬦ᭄ᬲᬸᬢ
ᬦ᭄ᬬᬳᬶᬗᬭᬦ᭄ᬲᬂᬧᬦᬭᬚᬂ᭞ᬗᬮᬧ᭄ᬲᬶᬭᬵᬦᬓ᭄ᬲᬂᬢᬭᬸᬜᬦ᭄ᬫᬓᬗᬭᬦ᭄ᬦᬶᬜᭂᬍᬫ᭄᭞ᬮᬯᬦ᭄ᬫᬸᬯᬄᬳᬦᬓ᭄ᬲᬂᬢᬭᬸᬜᬦ᭄ᬤᬶᬫᬥᬾ᭞ᬗᬭᬦ᭄ᬲᬂᬢ᭄ᬯᭂᬥᬶᬋᬂ᭞ᬳᬶᬗᬮᬧ᭄ᬲᬸᬢᬦᬾᬲᬂᬓᬬᬸᬧᬦᬭᬚᭀᬦ᭄ᬓᬗᬶᬭᬦ
ᬦ᭄ᬦᬶᬜᬋᬫ᭄᭞ᬫᬫᬥᬸᬭᬶᬂᬳᭀᬓᬦᬾᬲᬂᬓᬬᬸᬳᬶᬋᬂ᭞ᬓᬗᬶᬗᬭᬦ᭄ᬦᬶᬓᬬᬸᬘ᭄ᬫᭂᬂ᭟ᬯᬦᬾᬄᬲᬂᬥᬭᬓᬄᬓᬯ᭄ᬓᬤᬾᬲᬂᬓᬬᬸᬇᬋᬂ᭞ᬳᬗᬮᬧ᭄ᬧ᭄ᬯᬳᬸᬫᬄ᭞ᬓᬗᬶᬗᬭᬦᬦ᭄ᬦᬶᬳᬬᬸᬇᬋᬂ᭞ᬯᬦᬾᬄᬳᬦᬓ᭄ᬲᬂᬢᬭᬸ
ᬜᬦ᭄᭞ᬳᬭᬦ᭄ᬲᬂᬩᬥᭂᬗᬦ᭄ᬳᬶᬗᬮᬧ᭄ᬳᭀᬮᬶᬄᬲᬂᬇᬋᬂ᭞ᬧ᭄ᬭᬲᬫᬧ᭄ᬯᬲᬶᬭᬧᬥᬯᬺᬤ᭄ᬥᬶᬲᬦ᭄ᬢᬦ᭞ᬫᬦᬓ᭄ᬕᬸᬫᬦᬓ᭄᭞ᬫᬧᬸᬢᬸ᭞ᬫᬩᬸᬬᬸᬢ᭄ᬫᬘᬗ᭄ᬕᬄᬫᬯᬭᬾᬂ᭞ᬫᬓᬼᬧᭂᬓ᭄᭞ᬫᬮᬶᬄᬫᬳᬶᬚᭂᬗᬦ᭄᭟
Page:Bali-lontar-babad-pasek-kayu-selem-02-250ppi.pdf/64
This page has been proofread.
