[᭕᭙ 59B]
᭕᭙
ᬢᬬᬵ᭟ᬫ᭄ᬯᬄᬕ᭄ᬥᭀᬂᬢ᭄ᬭᬶᬧᬸᬭᬸᬱᬵ᭞ᬗ᭞ᬢᬸᬫ᭄ᬧᬂ᭞᭓᭟ᬧᬗᬲ᭄ᬣᬦᬦᬶᬭᬪᬝᬵᬭ᭞ᬰᬶᬯᬵ᭞ᬲᬥᬰᬶᬯᬵ᭞ᬧᬭᬫᬰᬶᬯᬵ᭞ᬳᬪᬶᬰᬾᬓᬲᬗ᭄ᬳ᭄ᬬᬂᬢᬶᬕᬬᬚ᭄ᬜᬵ᭟ᬯᬦᬾᬄᬕ᭄ᬥᭀᬂᬢᬸᬫ᭄ᬧᬂ᭞᭒᭞ᬧᬗᬲ᭄ᬣᬦᬦᬶᬭᬪᬝᬵᬭᬳ᭄ᬬᬂᬩ᭄ᬭᬵᬳ᭄ᬫᬵᬯᬶ
ᬱ᭄ᬡᬸ᭞ᬯᬦᬾᬄᬓᬫᬸᬮᬦ᭄ᬫᬭᭀᬂ᭞᭓᭞ᬧᬗᬲ᭄ᬣᬦᬦᬶᬭᬳ᭄ᬬᬂᬢ᭄ᬭᬶᬧᬸᬭᬸᬱᬵ᭞ᬩ᭄ᬭᬵᬳ᭄ᬫᬵ᭞ᬯᬶᬱ᭄ᬡᬸ᭞ᬇᬰ᭄ᬯᬭᬵ᭞ᬭᬶᬓᬮᬳᬢ᭄ᬫᬸᬢᬶᬕᬵ᭟ᬫ᭄ᬯᬄᬩᬩᬢᬸᬭᬦ᭄ᬭᭀᬂ᭞᭒᭞ᬧᬗᬲ᭄ᬣᬦᬦᬶᬭᬲᬗ᭄ᬳ᭄ᬬᬂᬅᬓᬰ᭞ᬳᬢ᭄ᬫᬸᬮᬯᬦ᭄ᬲᬗ᭄ᬳ᭄ᬬᬂᬇ
ᬪᬸᬧ᭄ᬭᬢᬶᬯᬶ᭞ᬬᬢᬓᬂᬲᬶᬦᬗ᭄ᬕᬸᬄᬫᬾᬫᬾᬩᬧᬵ᭞ᬗᬯᬶᬚᬶᬮᬓᭂᬦ᭄ᬳᬫᬺᬢ᭄ᬢᬲᬶᬯᬫ᭄ᬩᬵ᭞ᬗ᭞ᬤ᭄ᬯᬶᬨᬮᬵ᭟ᬫ᭄ᬯᬄᬭᬶᬂᬫᬥ᭄ᬬ᭞ᬗ᭞ᬧᬲᬫ᭄ᬯᬦᬵᬕᬸᬂ᭞ᬢᬸᬭᬸᬦᬦ᭄ᬪᬝᬵᬭᬓᬩᬾᬄ᭟ᬮᬯᬦ᭄ᬫᬸᬯᬄᬳᬗᬯᬾᬧᬗᬲ᭄ᬣᬦᬦ᭄ᬓᬯᬶᬢᬦ᭄ᬭᬶᬂᬚᬩᬬ
ᬦ᭄ᬩᬩᬢᬸᬭᬦ᭄ᬭᭀᬂ᭞᭒᭞ᬮᬦᬂᬯᬤᭀᬦ᭄᭞ᬬᬢᬲᬶᬦᬗ᭄ᬕᬸᬄᬳᬸᬗ᭄ᬕ᭄ᬯᬦ᭄ᬬᬳᬸᬫᬋᬓᬶᬂᬳ᭄ᬬᬂ᭞ᬧᬶᬯ᭄ᬓᬲᬶᬭᬲᬂᬲᬶᬤ᭄ᬥᬵᬯᬲ᭄ᬍᬧᬲ᭄᭟ᬫ᭄ᬯᬄᬩᬩᬢᬸᬭᬦ᭄ᬭᭀᬂᬢᬶᬕᬵ᭞ᬧᬗᬲ᭄ᬣᬦᬦᬶᬭᬲᬗ᭄ᬳ᭄ᬬᬂᬢᬶᬕᬰᬓ᭄ᬢᬶ᭞ᬧᬸᬧᬸᬢ᭄ᬓᬢ᭄ᬓᬾᬂ
[᭖᭐ 60A]
ᬲ᭄ᬥᬳᬦ᭄ᬢᬓ᭄ᬱᬸᬧᬗᬧᬶᬢ᭄ᬮᬯᬂ᭞ᬫ᭄ᬯᬄᬭᬶᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬢ᭄ᬓᬾᬂᬧᬹᬭᬵ᭞ᬯ᭄ᬓᬲᬦ᭄ᬭᬶᬂᬧᬹᬭᬦᬶᬓᬵᬳᬦᬫᭂᬡ᭄ᬝᬶᬓ᭄ᬓᬬᬸᬇᬋᬂ᭞ᬫᬓᬘᬶᬳ᭄ᬦᬵ᭞ᬓᬬᬯᬭᬯᬭᬄᬲᬂᬯᬸᬲᬼᬧᬲᬶᬂᬗᬹᬦᬶ᭞ᬬᬢᬫᬃᬫ᭄ᬫᬦ᭄ᬬᬳᬶᬦᬭᬦᬦ᭄ᬧᬹᬭᬓᬬᬸᬲᬼᬫ᭄ᬢᬶᬦᭂᬫ᭄ᬯ᭠
ᬓᭂᬦ᭄ᬫᬗ᭄ᬓᬾ᭞ᬓᬢᬢ᭄ᬯᬦᬶᬓᬂᬓᬬᬸ᭞ᬗ᭞ᬘᬮᬕᬶᬇᬋᬂ᭟ᬓᬸᬦᬂᬭᬶᬧᬸᬧᬸᬢᬶᬂᬧᬹᬭ᭞ᬦ᭄ᬳᭂᬃᬳᬗᬢᬹᬭᬓᭂᬦ᭄ᬓᬃᬬ᭄ᬬᬵ᭞ᬗ᭞ᬫᬲᬲᬧᬸᬄ᭞ᬫ᭄ᬮᬲ᭄ᬧᬲ᭄᭞ᬧᬸᬧᬸᬢ᭄ᬲᬳᬗᭂᬦ᭄ᬢᭂᬕ᭄ᬮᬶᬗ᭄ᬕᬶᬄ᭞ᬫᬗ᭄ᬓᬦᬓᬢᬢ᭄ᬯᬦ᭄ᬬ᭞ᬭᬶᬗᬹᬦᬶ᭟ᬫ᭄ᬯᬄᬯᬸᬲᬶᬂᬲᬫᬗ᭄ᬓᬦ᭞ᬫ᭄ᬯᬄᬲᬶᬭ
ᬲᬂᬫ᭄ᬧᬸᬚᬬᬇᬋᬂᬧᬧᬋᬂᬮᬯᬦ᭄ᬲᬦᬓ᭄ᬲᬸᬢᬧᭀᬢ᭄ᬭᬓᬵᬓᬩᬾᬄ᭞ᬳᬦᬗᬸᬦ᭄ᬓᬳ᭄ᬬᬗᬦ᭄ᬳᬶᬦᬭᬦᬦ᭄ᬧᬹᬭᬚᬢᬶ᭞ᬫᬓᬘᬶᬳ᭄ᬦᬦᬶᬂᬚᬢᬶ᭞ᬯᬯᬗᬸᬦᬦ᭄ᬫᬦᬶᬭᬵ᭞ᬲᬶᬦᬶᬯᬶᬤᬾᬦᬶᬂᬯ᭄ᬯᬂᬩᬮᬶᬓᬩᬾᬄ᭞ᬓᬢᬢ᭄ᬯᬦ᭄ᬬ᭞ᬯ᭄ᬓᬲ᭄ᬬ
ᬦ᭄ᬳᬦᬲᬳᬦᬦᬶᬂᬯ᭄ᬯᬂ᭞ᬓᬵᬮᬦ᭄ᬬᬳᬦᬗᬸᬦᬓᭂᬦ᭄ᬓᬃᬬ᭄ᬬ᭞ᬫᬳᬬᬸᬪᬝᬵᬭᬦᬸᬳᬸᬃᬢᬶᬃᬢ᭄ᬢᬓᬫᬡ᭄ᬥᬮᬸ᭞ᬯ᭄ᬦᬂᬲᬦ᭄ᬢᬦᬦ᭄ᬫᬦᬶᬭᬳᬲᬶᬂᬯ᭄ᬭᬸᬄᬭᬶᬗᬚᬶᬧᬹᬭᬦ᭞ᬳᬗᬱ᭄ᬝᬯᬗᬢᬸᬭᬦᬯᬶᬥᬶᬯᬶᬥᬦ᭞ᬗᬱ᭄ᬝᬯᬪᬝᬵᬭᬶᬕᬗ᭄ᬕᬵ
Page:Bali-lontar-babad-pasek-kayu-selem-02-250ppi.pdf/60
This page has been proofread.
