[᭑᭒ 12B]
᭑᭒
ᬓᬂᬲ᭄ᬢ᭄ᬭᬷᬗᬭᬦ᭄ᬦᬶᬲᭂᬮᭀᬓᬵ᭟ᬬᬢᬓᬩᬾᬄᬓᬧᬺᬡᬄᬳᬫᬶᬲᬦ᭄᭞ᬗ᭟ᬲᬶᬮᬶᬄᬳᬮᬧ᭄᭞ᬲᬶᬮᬶᬄᬲᭂᬫ᭄ᬩᬄ᭟᭐᭟ᬫ᭄ᬯᬄᬳᬶᬜᬸᬄᬕᬥᬶᬂᬫᬮᬶᬄᬕᬗᬮᬧ᭄ᬫᬶᬲᬦᬾᬓᬂᬇᬗᬭᬡᬦ᭄ᬦᬶᬮᭀᬓᬵ᭟ᬓᬸᬦᬂᬳᬶᬲ᭄ᬮᭀᬓᬵ᭞ᬓᬳᬮ
ᬧ᭄ᬤᬾᬓᬶᬕᬥᬶᬗᬦ᭄᭞ᬅᬲᬸᬢᬵ᭞᭕᭞ᬲ᭄ᬢ᭄ᬭᬷ᭞᭒᭞ᬚᬮᬸ᭞᭓᭟ᬫ᭄ᬯᬄᬳᬶᬜᬸᬄᬕᬥᬶᬂᬅᬲᬸᬢ᭞᭔᭞ᬚᬮᬸᬲ᭄ᬢ᭄ᬭᬷ᭟ᬚᬮᬸ᭞᭒᭞ᬲ᭄ᬢ᭄ᬭᬶ᭞᭒᭟ᬓᬸᬦᬂᬲᬶᬭᬓᬶᬯᬬᬳᬦ᭄ᬢᬫ᭄ᬧᬮᬦ᭄᭞ᬢᬍᬃᬲᬵᬫ᭄ᬧᬸᬦ᭄ᬅᬲᬸᬢ᭞᭕᭞ᬤᬶᬭᬶ᭟ᬚᬮᬸ᭞᭓᭞ᬲ᭄ᬢ᭄ᬭᬶ᭞᭒᭟
ᬭᬶᬯ᭄ᬓᬲᬦ᭄ᬧᬥᬯᬺᬤ᭄ᬥᬶᬲᬦ᭄ᬢᬦ᭞ᬧ᭄ᬯᬲᬶᬭᬵ᭞ᬢᬦᬶᬧᬮᬶᬧᬮ᭄᭞ᬧᬥᬲᬶᬮᬶᬄᬳᬮᬧ᭄᭞ᬅᬫᬶᬲᬦ᭄ᬳᬫᬶᬦ᭄ᬤᭀᬦ᭄᭞ᬤᬸᬓᬶᬂᬫᬗ᭄ᬓᬲᭀᬯᬂᬲᭀᬯᬂᬲᭀᬯᬦᬶᬂᬫᬦᬸᬱᬵᬲᬫᬧᬥᬇᬋᬂ᭟ᬢᬦ᭄ᬳᬦᬧ᭄ᬢᬓ᭄ᬦ᭄ᬬᬵ᭞ᬯ᭄ᬦᬂᬇᬗᬸᬘᬧᬸᬘᬧ᭄
ᬮᬯᬦ᭄ᬤᬾᬯᬵ᭞ᬇᬓᬸᬫᬶᬫᬶᬢᬦᬶᬂᬯ᭄ᬯᬂᬯ᭄ᬭᬸᬳᬵᬕᬯᬾᬚᬗ᭄ᬕᬮᬧᬕᬕᬦ᭄᭞ᬅᬫ᭄ᬩᬩᬓᬶᬦ᭄ᬗᬮ᭄ᬕᬮ᭄᭞ᬗ᭟ᬅᬦᬦ᭄ᬤᬸᬃᬲᬚᬮ᭄ᬯᬶᬭᬶᬂᬨᬮᬩᬸᬗ᭄ᬓᬄ᭞ᬨᬮᬫᬸᬮ᭞ᬫ᭄ᬯᬂᬕᬕᬵ᭞ᬲᬃᬯ᭄ᬯᬯᬶᬚᬵ᭞ᬢᬦ᭄ᬓᬝᬵᬓ᭄ᬦᬓᬋᬱ᭄ᬝ᭄ᬬᬦᬶᬂᬢᬢᬦ᭄ᬤᬸ
[᭑᭓ 13A]
ᬭᬦ᭄ᬬᬓᬩᬾᬄ᭞ᬇᬦᬶᬯᬾᬄᬓᬓᬸᬩᭀᬦᬦ᭄ᬬ᭞ᬢᬦ᭄ᬓᬸᬭᬗᬶᬂᬧᬗᬦ᭄ᬓᬶᬦᬹᬫ᭄᭞ᬦ᭄ᬤ᭄ᬬᬤᬸᬫᬾᬄᬦ᭄ᬬᬦ᭄᭞ᬅᬧᬦ᭄ᬤᬾᬯᬤᬳᬢᬶᬂᬅᬲᬶᬄ᭞ᬅᬗᬚᬭᬓᭂᬦ᭄ᬳᬶᬫᬦᬹᬱᬵᬮᬾᬓᬵ᭞ᬫᬗ᭄ᬓᬦᬓᬧ᭄ᬭᬥᬢᬦ᭄ᬬ᭟᭐᭟ᬇᬦᬶᬓᬵᬮᬦᬶᬭᬪᬝᬵᬭᬓ
ᬲᬸᬳᬸᬦ᭄᭞ᬮᬸᬗ᭄ᬳᬵᬅᬲᬲᬜ᭄ᬚᬦ᭄ᬫᬭᬶᬂᬚᬗ᭄ᬕᬮᬧᬕᬕᬦ᭄᭞ᬫ᭄ᬯᬂᬓᬓᬸᬩᭀᬦᬦ᭄᭞ᬮᬸᬫᬶᬳᬢ᭄ᬓᬭᬫ᭄ᬬᬦᬶᬂᬯᬦᬵᬘᬮᬵ᭞ᬅᬧᬦ᭄ᬯᬸᬲ᭄ᬤᬤᬶᬧᬸᬦᬂᬢᬢᬦ᭄ᬤᬸᬭᬦ᭄᭞ᬲᬃᬯ᭄ᬯᬫᬍᬝᬶᬓ᭄᭞ᬅᬋᬡᭂᬲ᭄ᬢᬂᬢᬢᬦ᭄ᬤᬸᬭᬦ᭄᭞ᬤᬤᬶᬓᬢᬶ᭠
ᬗ᭄ᬳᬮᬦ᭄ᬪᬝᬵᬭᬤᬾᬦᬶᬓᬂᬯ᭄ᬯᬂ᭞ᬅᬩ᭄ᬬᬕᬢᬳᬸᬫᬢᬹᬃᬧᬸᬦᬂᬯᭀᬂ᭞ᬅᬧᬮ᭄ᬯᬶᬃᬦ᭄ᬬᬦᬶᬳᬦ᭄᭟ᬲᬶᬗ᭄ᬕᬶᬄᬧᬦ᭄ᬤᬾᬯᬮᬸᬗ᭄ᬳᬵᬳᬶᬗᭂᬡ᭄ᬥᬶᬫᬗ᭄ᬓᬾ᭟ᬫᬦᬶᬭᬫᬶᬥᭂᬃᬅᬲᬲᬜ᭄ᬚᬦ᭄᭞ᬅᬧ᭄ᬢ᭄ᬬᬢᬸᬫᬶᬗ᭄ᬳᬮᬶᬢᬂᬢᬦ᭄ᬤᬸᬭᬦ᭄᭟ᬳᬢᬹᬃᬧᬸᬦᬂ
ᬯ᭄ᬯᬂ᭟ᬲᬶᬗ᭄ᬕᬶᬄᬬᬦ᭄ᬫᬗ᭄ᬓᬦᬵ᭞ᬓᬯᬸᬮᬲᬸᬓᬳᬗᬢᭂᬭᬓᭂᬦ᭄᭞ᬲᬤᬕᬶᬂᬧᬩ᭄ᬬᬦᬦ᭄ᬢᬗ᭄ᬳᬸᬮᬸᬦ᭄᭞ᬲᬭᬳᬲ᭄ᬬᬦᬶᬂᬳ᭄ᬬᬸᬦ᭄ᬧᬤᬸᬓᬇᬧᬦ᭄ᬤᬾᬯᬵ᭟ᬳᬸᬫ᭄ᬦᭂᬂᬢᬪᬝᬵᬭ᭞ᬓᬳᬥᬂᬓᬭᬸᬇᬤᬾᬦᬶᬂᬓᬶᬩᬮ᭄ᬯᬦ᭄᭞
Page:Bali-lontar-babad-pasek-kayu-selem-02-250ppi.pdf/13
This page has been proofread.
