boeăghi, dări pangkat pon pansijoen , radjhekkè ampon korang, bădhållǎ tjoma sakonè', mèlana kappra mangghi kamalaratan.
40.Kakowatan ampon korang, ora'na kendoer sakalè, tapè mongghoe padhă'ărră, magghoen terro ta' ètampèk, mala abă’na rogi , paḍă onjèl ghighièpon ta' abit padă tjolpak, abăli kadhi ghi' kènè', ghighi ngolngol pangaèlla mot-kelmotan.
41. Mon ta' èpèkkèr ghǎpnèka, bi' orèng dări samangkèn, tanto kasta di-boedina, Dhin Hardjă saè kaandhi , karana njata saè, abă'na salamet saos, maskè slèrana songkan, tapè ta' njanḍhăng ta' mangghi, sossa sareng malarat bhab pangorèpan.
42. Tjarèta Birăsantana, samangkèn băli'i polè, dhǎddhi tjontona rèng bănnja', bhabhănḍhingan ka rèng doemè', orèng prèmpen tor saè, ta' poron alombhăr napso, sareng lowar langngè'na, ta' poron èalem orèng, kadhăddhiannèpon mangghi kasennengngan .
43. Rèng laèn njonnat ana'na, èarak arèng-pangèrèng, njopprè sennengnga atèna, terro èalemma orèng, èkotja' orèng soghi, tapè sanjatana palsoe, dhinèng Birăsantana, ta' lèboer èalem orèng, sabab aba'na mèkkèr kadhǎddhiǎnna.
44. Naddjhăn pèrak naddjhăn bhoenga, lamon dhăddhina èbingkèng, kongsè maèlang bengkona, partjoma ta' mèghoenaè, sapnèka Biră mèkkèr, èngettanna landjhăng ongghoe, mèlaèpon abă'na, njonnat ana'na lalakè', ta' poron sakalè ngangghoej karammèan.
45.Naddjhăn èpasapanèka, tapè dhăddhina ma' saè, sala met ta' pa-ponapa, ana'èpon tolos saè, rèng towana ta' bhlǎi ; padă bărǎs slamet terros, tolos ta' andi' otang, rèng towana senneng pèkkèr, nangalè ana' slamet ta' karogiăn.
ARTATÈ.
46. Samangkèn ghantè tembhăng artatè, ¡Alnasan orèng sè tjè' saèna, saabiddhă lèboer akor, lakona podjhoer saos, bhab panjarèèpon radjhekkè, asalla orèng mlarat, kantos dhǎddhi mampo, marghǎ bhădjheng sareng tjakang, onèng ngator klowar-maso'na radjhekkè, napsona ta' èlombhăr.
47. Tjoma bădă tjalèna sakonè' , Alnasan ghaḍhoeăn pèkkèr posang, kongsè dhăddhi korang saè, marghă partjadjă ongghoe, ka parkara sè găib-găib, dhăddhina pas tjalaka', krana maèn kartoe , sabab korang pangadjhărăn , ghi' korang pamangghina sè lerres saè, slèsèr sareng aghama.
