lakát kag nagsulod sa ganhaan. Duhá ka gwardya sibil ang nagpalapit sa iya nga namangkot sa iya kon anó ang iya luyag.
Nahangpan ni Basilio nga nagsayóp ang iya tikáng, apang indì
na siá makaisol
–Nagkarí akó sa pagpakigkità sa akon abyan nga si Makaraig, sabát niya sing matawhay. Ang mga gwardya nagtinulokáy.
–Hulát ka dirí,- hambal sa iya sang isá. –Hulát ka nga manaog ang kabo.
Kinagát ni Basilio ang iya mga bibíg, kag ang mga tinagâ ni Simoun nabatián niya liwát sa iya mga dulonggan. Nagkarí silá ayhan sa pagdakóp kay Makaraig? Nanghunâhonà siá, apang walâ siá magpangahás sa pagpamangkot sinâ.
Wala na siá maghulát sing madugay; sa amó nga tión nanaog si Makaraig nga nagsugilanon sing masinadyahon sa kabo, nga ang duhá ginsunód sang isá ka algwasil.
–Ngaa? Ikáw man, Basilio? - pamangkot niya.
–Nagkarí akó sa pagpakigkità sa imo....
Bilidhon nga pamatasan! silíng ni Makaraig nga nag. kadlaw. Sa mga panahón sang kalinóng, naglikáw ka sa amon...
Ang Kabo namangkot kay Basilio sang iya ngalan, kag tinan-aw niya ang isa ka lista.
–Tumoluon sa Pagka-manogbulong, dalan Anloague? pamangkot sang kabo.
Kinagát ni Basilio ang iya mga bibíg.
–Ginlwás mo kami sa kahiól sa pagkadto sa imo, sug pon sang kabo, nga binutáng niya ang iya kamót sa iya abaga. -Bilanggùón ka namon!
–Nano? Akó man?
Si Makaraig tumalangkaw.
–Ayáw ka pagsakò, abyan; masakáy kitá sa kotse, kag sugiran ko ikaw nahanungód sang panihapon kagab-i. Kag sa hulag nga malipayon kaayo, nga daw yarà silá sa sulód sang iya baláy, gin-agda niya ang kabulig nga tagdakóp kag ang kabo nga magsakà sa kotse nga naghulát sa ila sa ganhaan.
–Sa Pangulohán Sibil! -silíng niya sa kotsero.
