22
C. Cad a ċoisgean an seaċtṁaḋ aiṫne?
F. Aon níḋ de ċuid duine eile do ṫógáil nó do ċoimeád go h-aindleaġṫaċ; agus gaċ díogḃáil dá ndéintear do’n ċóṁarsa ’na strus.
C. Cad tá d’ḟiaċaiḃ orainn a ḋéanaṁ an tan a ḃíon cuid duine eile go neaṁḋlistineaċ againn?
F. Ní foláir dúinn é ṫaḃairt ṫar n-ais má’s féidir dúinn é, nó ní maiṫfar an peaca ḋúinn.
C. Cad a ċoisgean an t-oċtṁaḋ aiṫne?
F. Gaċ fiaḋnaise neaṁḟírinneaċ, breiṫeaṁntas anoban, bréaga, cúlċaint, agus tromaíḋeaċt.
C. Cad tá d’ḟiaċaiḃ ar an muintir a ṁasluíġean clú a gcóṁarsan?
F. Ní foláir dóiḃ a ndíoṫal do ḋéanaṁ ar an gclú do ċasaḋ, nó ní ṁaiṫfar an peacaḋ ḋóiḃ.
C. Cad a ċoisgean an naoṁaḋ aiṫne?
F. Gaċ smuíneaṁ toilṫeaṁail drúise, dúil ṁíġeanmnaíḋe, agus dlúṫócáidí, nó fáṫana, ċum smuínte truailiġṫe.
C. Cad a ċoisgean an deiċṁaḋ h-aiṫne?
F. Gaċ dúil neaṁḋlisdineaċ i gcuid ár gcóṁarsan.
Ceaċt a deiċ.
C. An ḃfuil sé ceangailte orainn mar an gcéadna aiṫeanta na h-Eaglaise do ċoimeád?
F. Tá, óir “an t-é ná h-éistean leis an Eaglais,” adeir Críosd, “creidig gurab ionan é agus an págánaċ nó an poiblicánaċ.”
C. Cá ṁéid aiṫne ṫug an Eaglais dúinn?
F. Sé h-aiṫeanta:—
- 1. Aifrion d’éisteaċt gaċ Doṁnaċ agus lá saoire.
- 2. Trosgaḋ agus tréiġnas do ḋéanaṁ ar na laeṫanta órduiġṫe.
- 3. Faoísdin do ḋéanaṁ i n-ár bpeacaíḃ, an ċuid is lúġa ḋé, uair sa mbliain.
- 4. Corp Críosd do ġlacaḋ um Ċáisg nó tímpal na Cásga.
