asin day camí tinotogotan can doros na macalacao pa, nagsaracay cami sa caguiriran nin Creta, sa catogñod nin Salmón:
8 asin nagsacay camí na nag-iinguilid ta mapauot na gayo, asin dominoong camí sa sarong lugar na inaapod na Marahay na Dorogñan, caharani dumán an ciudad nin Lasea.
9 Asin pacalihis nin halauig na panahon, asin macatacot-tacotna an pagsacay, huli ta nacalihis na an pag-aayuno, tinarmán sinda ni Pablo,
10 na sinabihan sinda, Magña cagurangnan. Nahihiling co, na an pagsacay na ini magtatao nin magña casaquitan asin dacol an mauauara, bacô sana an magña lunad asin an sacayán, cundî an satô man na magña buhay.
11 Alagad an capitán orog pang pinaniuiualâan an piloto asin an tagsadiri nin sacayán qui sa sinabi ni Pablo.
12 Asin huli ta bacong marahay pag-ontocan sa tig-lipot an dorogñan, an magña iba nagharatol na magsaracay guiraray magpoón dihan, tibaad pa mangyaring macadoong sa Fenix, asin omontoc dumán sa tig-lipot, saro nin magña dorogñan nin Creta, na minaatubang sa habagatan asin sa amihanan.
13 Asin cun minahoyop nin maluya an timog, an paghonân ninda na nacuá na ninda an saindang minamauot; binobotong ninda an magña bontogon* nagparapainguilid saná sinda sa tampi nin Creta,
14 Tará day nahaloy, hinampác an sacayán nin sarong baguióng-doros, na inaapod na Euroclidon.
15 Asin can ipinapadpad an sacayán, na day nacacaatubang sa doros, itinogot mi na nasa, asin pinabayaan mi na darhon camí.
16 Asin sa pagdalagan can sacayán na nag-iinguilid sa sarong sadang na porot na inaapod na Clauda, baga ming madaog an bote.
17 Asin can icaitâas na, guinagamit an magña palacao, binogcos an sacayán; asin sa tacot na tibaad mapabonggo sa cabaybayan nin Sirte, linocot ninda an magña layag, asin sa siring na bagay napadará sinda sa doros.
* Anclas haraning gayo sa daga. * Isleta.
