73
usa nga pilosopo dida ha bungto, an nakukulang ha kadamo nalabis ha kadako; bisan la, diri gihapon hiya dida hini ginmamaraot. An mga pagpuasa ug paglihi, kay nakakaiban han iya dugo, say ha iya napaaringit ngan, siring pa han mga tawo, nakakapuno hin hangin han iya ulo. Dida hini, an mga bungkog han mga tanod diri na nakakasabot kun in usa nga padi nagpupuasa o nagbubusog hin duro.
An kaaway gud la hini nga kagahuman nga kalagnon, nga may hilig hin pagkalawasnon, amo an alperes. Asya gud la, kay an kababayin’an nasiring nga an manunulay nahadlok na gud ha iya kay hadto hin usa kaadlaw nga an yawa nagpasipara pagsulay ha iya, iya hindakpan, iginguos niya dida han tuko han katre ngan pagdagwusan han iya bakgong, unina na buhii han kahagos hin siyam kaad law. Dida hini, kaiya nga an bisan hino nga umilob pa pakigkaaway ha iya nahababantog ha bungto nga labi pa ka maraot han manunulay, salit an alperes asya ini an bantog. An iya asawa, usa nga lagas nga ginang nga pilipinhon, nga duro nga napintar han nawong, ginngangaranan kan Da. Consolacion; tinatawag hiya han iya bana ngan han iba nga mga tawo hin lain nga ngaran.(6) An alperes dida la ngahaw ha iya lawas, ha paghinubog hin duro,(7) bubulos han iya maraot nga pakaasawa; ha pagsugo han mga sundalo nga mag-ehersisyo ha kasirakan, hiya aadto ha kalindungan, kun diri man, ngan ini asya an masukot, gindadabal an iya asawa(8) nga bisan la diri amo an kordero sa Dios nga nakakakuha han mga sala han bisan hino, tingali amo an makaiban han iya mga pag-antos didto ha Purgatoryo, kun pananglit hiya hangadto, kay ini ginruruhaduhaan han mga magpakidiyos. An alperes ngan han iya asawa, baga dapit uyag la nira, nagdadabalay hin waray kaluoy, igo la nga paghatag han ira mga higrani hin kiritaon nga diri binaydan: usa nga paguwa nga tiningugan ngan inarugan hin mga instrument©,<c-) may mahinay may makusog, bulig an upat nira nga kamot ngan upod pa an mga tiil. Pag-aabot hini nga mga aringasa ha mga talinga ni P. Salvi, ini nahakakatawa ngan nangungudos, dagos unina pangangadi hin usa nga “Amay namon”; ginngangaranan hiya hin pilyagot, patootoo, hakog hin salapi, karliston,(10) hiya natawa la liwat ngan nadugang pangadi. Kanunay igsusumaton han alperes han tigpira nga kakatsilaan nga
(
