58
nga nanunukdaw ha mga pirok nga say linmiwan han una nga kamalig. An bag-o nga tulay, Puente Espana/9' binmulang ha iya mata; an kabalayan ha too nga pangpang han salog, nga nanhihisakot han kakawayanan ug kakahuyan, nga asya an natatapusan han Escolta ug tinitikangan han Isla de Romero, nakapahanumdom ha iya han mga mahalayahay nga kaagahon nga ilinalabay niya didto, sakay hin baluto, tikadto pagkarigos ha may Uliuli. Iginhihisugat niya in kadam’an nga mga sarakyan nga dinanas hin magpakaiipa nga mga pinadis nga kabayo nga gudti; sakay ha sakob in mga empleados nga namamaghingaturog, tingali tikadto ha ira pamuhatan, mga sundalo, mga insik nga mga pataraw’an ug daw kanan lurong an dag way, mga prayle nga magpakatarag-ob, mga kanonigo ug iba pa. Ha sakob hin usa nga makaruruyag nga victoria, isip niya iya nakita hi P. Damaso nga nagkukuriot, kundi adto linmahos na ngan yana pinakikitaw’an hiya ni Kapitan Tinong nga sakay hin usa nga karretela upod an iya asawa ngan han duduha nga anak nga daraga. Ha paghilugsong niya han tulay, an mga kabayo nanugong hin dadlagan say tadong an dalan ha Sabana/101 Ha wala an Fabrica de Tabacos ha Arroceros nga maaringasa pamation an hinulantog han kanan mga sigarreras panultog han dahon han tabako. Hinnumduman pa ni Ibar ra adton masungot nga baho nga kun naikalima na an uras ha kulop namamarag ha may Puente de Barcas ngan nakakahubog ha iya. An marugyaw nga mga karukayakan, an mga uyan-uyan ug mga karukatatawa hinnumamok la makapanumdom ha iya han baryo ha Lavapies didto ha Madrid ngan han agraway didto han mga sigarreras ngan han ira mga paggubot nga hin-uunungan han mga guindillas (11) ug iba pa. An Jardin Botanico(i:) nakakuha han mga malipayon nga hinumduman: an manunulay han pagtarutanding say ginmuop ha iya hunahuna ngan say nagladawan ha iya mga mata an mga Jardin Botanico ha Europa, didto han mga tuna nga nagkikinahanglan hin dako nga panalinguha ug damo nga salapi basi la umudlot in usa nga dahon ngan bumuklad in usa nga bukad, labot pa, an didto han ira mga sinakop nga tuna mag-uruupay pa ngani an mga tanaman, minangnuan hin inungod ngan tugot han bungto. Ipinaharayo ni Ibarra an iya mata ngan ngadto niya isiplat ha too ngan nakita niya ngadto dapit an kadaan nga Manila (I3)
