46
mahugot nga pag-aradman bahin ha tuluuhan. Luhaon an mga mata nanamilit hiya kan P. Damaso ug han iya asya la nga sangkay nga iginkauyag-uyag tikang han kabata, kan Crisostomo Ibarra, nga waray kaiha gumikan man ngadto ha Europa. Didto hadton kombento nga tigduha kapilo an rihas han mga hangawan ngan binantayan pa han Madre-Escucha,(3s) nag-ukoy hiya hin kanan pito katuig. Hi D. Rafael ngan hi Kapitan Tiyago, an tagsa ha ira may lain la nga ginsisidngan, han pag-abat han pagsiayon han duha nga batan’on nagsabot hin pagbalata han ira magkasi anak ug nagtukod hin usa nga ira katig-uban. Ini nga nahanabo ha mga pira katuig tikang nagikan an ba tan’on nga Ibarra, ginkalipayan hin duha nga kasingkasing(36) nga nagkakaantaw ha magkasi katapusan han kalibutan ug ha magkalain nga kahimtangan.
VII. PAGSIHIGUGMA An siday han mga siday.(1) Sayo pa hadto nga aga nga maningba hira Dada Isa bel ngan hi Maria Clara: an daraga makaruruyag kaupay an pamanapton ngan may bughaw nga kuwintas nga isinasangbod ha iya butkon sugad hin panglay, ngan an tigurang may salaming ha mata kay magbabasa han “Ancora de Salvacion”(2) hamtang magmimisa. Igo la nga nawawara an padi dida han misahan, an daraga nagmugo dayon hin pakipanguli dungan an paghipausa ug kasina han iya maupay nga dada kay an iya hunahuna nga an iya umangkon makidiyos ngan makipangadion sugad hin usa nga mongha. Nagnginurutob, binmuhat an tigurang ngan mangudos. “Ah!, igpapasaylo na gad la ito han maupay nga Dios nga nakilala han kasingkasing han kadaragan’an hin mauruupay ha imo, Dada Isa bel”, angay kunta adto hiya batunon, pag-utod han iya mahugot ngan kinag-anak nga mga laygay. Yana tima na pamahaw ug hi Maria Clara, pagliaw han iya kairas, naghihilangkag paghimo hin usa nga supot nga seda; ngan an dada man, kay buot maghawan han mahugaw nga agi han pagkadamudamo hin tawo kakulop, kinmapot hin paspas nga barahibo. Hi Kapitan Tiyago nag-uuliskay ug nagbabasa hin mga kapapilan. An tagsa nga kanuog ha kalsada, an tagsa nga sarakyan
