Page:An-Kaduntan-Han-Bungto-ni-Jose-Rizal-1962.pdf/45

35 la nga hinumduman niya didto hito nga bungtot danay didto mag-ukoy hiya bin tinagduha kabulan ikinatuig. Hi Kapitan Tiyago may damo nga balay ha mga dalan Santo Cristo, Anloague ngan Del Rosario. An pagpalit hin apyan ginpapakabuhian niya ngan hin usa nga insik ngan diri ta na angay asuyon nga dako an ira nakukuha nga pulos. Hiya an nagpapakaon han mga binilanggo ha Bilibid ug hiya man an nagpapadulong hin sakati(3) ngadto han dagko nga kabalayan ha Manila, kaiya nga ngatanan ini sinabutan ngadaan. Iginkakaupay han ngatanan nga punuan, may kinaiya nga aram ha pagpakabuhi, batid, mahumok in kaburut’on ngan gamhanon hin pagsulod pamakabuhi dida hiton mga kinahanglanon han iba, hiya la an makaharadlok nga iginkakasibang hin usa nga sinisiring nga hi Perez dida ha panalapi ug pamaligya hin katungdanan, o pamunuanan, nga kanunay kanan Gobyemo Ha Pilipinas itinatapod ha kamot han iba nga tawo. Salit ha panahon nga nanhihinabo ini nga mga kaagi, hi Kapitan Tiyago asya in uusa nga tawo nga himyang ug malipayon, tubtob han kahihimyangan ug kalilipayan hin usa katawo nga gutiay in ulo didto hadto nga mga tuna: manggaranon, iginkakaupay han Dios, han Gobyerno ngan han mga tawo. Nga iginkakaupay han Dios, waray ruhaduha, haros usa nga tuluuhan: waray hinpapatungdan kun ano nga igkakaaway han maupay in kaburut’on nga Dios, kun ha tuna maupay in kamutangan, waray ha iya paglalabot ngan waray ha iya pakakautang hin salapi. Waray pa gud niya ihangad ha Iya an iya mga pag-ampo bisan ha mga uras nga dagko han iya kasuruk’an; hiya manggaran ngan an iya salapi amo an nag-aampo sa Dios ha iya; mahatungod han mga pamisa ug mga pangamuyo, ginlarang sa Dios an mga gamhanan ug hagtaas in buot nga kapadian; maha­ tungod hin mga pangadion ug mga rosaryo, ginlarang sa Dios han diri Niya matupngan nga kamaupay an mga kablas basi ha kaupayan han mga riko; mga kablas nga ha tig-usa kapisos nailob pangadi bisan napulo kag-unom nga misteryo ngan magahom pagbasa han ngatanan nga mga marahalon nga basahan pati an Biblia han mga Hebreo kun dugangdugangan hin bayad; usahay, kun aada hiya hin dako nga kakurian ngan nagkikinahanglan hiya hin mga kaluoy tikang ha Lan git ug waray niya nadadalidali bisan na man