33
guguliatan hin kinahubgan han iba. Ngan adto nga tigurang sugad an kahimo han iya amay, adto nga batan’on
sugad an panagway ha iya, ug an ngaran nga ginlilinuwas
han tigurang nga nagtatangis amo an iya ngaran!
Ini amo an nakikita ha iya atubangan han waray palad nga batan’on. Naparong an ngatanan nga suga dida
han balay nga tugbang, inmukoy an mga turunggon ug
an aringasa, kundi hi Ibarra nakakabati pa han naghihingutas nga tingog han iya amay nga nagbibiniling hin usa
nga anak ha iya katapusan nga pagginhawa.
An kamingaw ginmuop han bug-os nga Manila ug an
ngatanan daw sugad hin nanhingadto ha mga kamot han
kawarayan; an tugaok han manok hinbabatian nga iginkakasarusalyo han tuktok han mga urasan ha mga lingganayan ngan han mamingawon nga alerta!(:> han burigo
nga bantay ha kalsada; usa kapinit nga bulan nagtitikang
na paggimlat; ngatanan nanmamahuway na, oo, kay pati
hi Ibarra nahangangaturog na, guol, tingali dara han kasubo nga dinmangop ha iya hunahuna, o dara ba adto han
iya pag-abot.
Kundi an batan’on nga pransiskano nga hinkit'an ta
diri pa la maiha, nga nahadong ug waray yakanyakan ha
butnga han kamarugyaw didto han ruwang, waray kakaturog; nag-iinagma. Nanininangko han iya mga siko dida
han hangbuyan han tangbuanan ha iya sulod, an duason
ug magasa nga bayhon isinasarig dida han iya mga palad,
nagkikinita ngadto ha hirayo hin uusa nga bituon nga nagraranggat ha butnga han masirom nga langit. An bituon
nagtitikagutiay ngan unina nawara, an kawarad'on nga
bulan baga nagdulom, kundi an prayle waray gud pagkiwa
didto han iya hinmumutangan ; iya ginkikinita an kasidsiran han langit nga nagdadaparap tungod han burong han
kaagahon, ngadto dapit han patag ha Bagumbayan,(3) ngad
to dapit han dagat nga nakaturog pa.
An suruguon nga nagtawag ha iya purtahan pagsangpit ha iya kay basi magmisa, amo ha iya in nakapukaw
dida han iya pagtinungkuon.
Page:An-Kaduntan-Han-Bungto-ni-Jose-Rizal-1962.pdf/43
Jump to navigation
Jump to search
This page has not been proofread.