1st
—diri ako nagsusugo!
Han pag-ililingkod na ni Fr. Sibyla, waray na pag-aasa
hadto nga mga pamaribad, iginkabulang hiya bin paniplat
han tenyente. Sugad han pagsabot han mga prayle didto
ha Pilipinas, an gihataasi in tungod nga militar habubo pa
kaupay hin usa nga lego nga parapangalayo/4’ Cedant arma
togae(5), an pulong ni Ciceron didto ha Senado Romano;
cedant arma cottae(6) an pulong han mga prayle didto ha
Pilipinas. Kundi, tungod kay hi Fr. Sibyla usa nga tawo
nga may pamatasan, namulong:
—Sr. Tenyente, iini kita ha kalibutan ngan diri ha
sakob hin singbahan; ini nga lingkuran nahatutungod ha
imo.
Kundi dida han iya tingog inaabat nga bisan ha kali
butan hiya an angay lumingkod. An tenyente, tungod
ada kay diri na buot mabantad, kun diri man ada buot nga
pagbutngaon hin duha nga prayle, namaribad hin halipot.
Waray hino man han nag-aagaw han lingkuran may nahanumdom han tagbalay. Hi Ibarra asay nakasiplat nga naghihipahiyom, nagkikinita han sigunahay.
—Uy ada, D. Santiago! Diri ka natampo ha amon?
Kundi ngatanan na an lingkuran pinanlilingkuran. Hi
Luculo diri natangka ha pangaon didto ha balay ni Luculo..(7)
—Lingkod, ayaw la pagbuhat! — pulong ni Kapitan
Tiyago nga naduon ha sugbong ni Ibarra. —Ini nga panagtawo halad ko ha Mahal nga Birhen pagpasalamat han
imo pag-abot. Oy! dad’a ngadi an tinola!(8) Nagpaluto ako
hin tinola kay maiha ka na hito nga waray pakakatilaw.
Idinurot in usa nga sopera nga nag-aaso pa. An dominiko, katima ngurob han Benedicite(9) nga baga waray
ngani may nakasabot, nagtikang pagbahinbahin ban sulod
han sopera.
Kundi tungod ada hin pagsayop, kun tungod ba hin
iba nga hinpatungdan, say nahabahin kan P. Damaso an
pinggan nga, ha butnga hin damo nga upo ngan diri harumamay nga sabaw, may naglalangoy nga uusa kautod
nga nabasbasan nga liog ngan hin uusa kapinit nga makugnot nga pako hin manok, ba man an iba namamagkinaon
na hin mga paa ug mga unod ha dughan, labi na hi Ibarra
kay say nabahinan han batikulon ngan han atay. An pransiskano nga inmabat hadto ngatanan nagdaot an kaburut’on," ginkunot an mga tinip-ak nga upo, hinmigop hin gu-
Page:An-Kaduntan-Han-Bungto-ni-Jose-Rizal-1962.pdf/29
Jump to navigation
Jump to search
This page has not been proofread.