235
santo nga nahapapahungat tungod han kadam'an nga kama-
tuuran waray na hinunumdom hin pagsulsog ha iya kun
waray niya babantara han iya tiil.
—Iito dayag, patente ha iyo mga mata an pangilal'an hini nga human ngan madig-on nga kamatuuran nga dayon ha pangatadungan! Dayag ito nga adlaw han mga katadong, ngan nasiring ako nga adlaw, diri bulan, kay waray himurulsan nga dako nga lumambrag an bulan ha butnga han gab-i: ha tuna han mga buta, an uusa la in mata amo an hadi;(3) kun gab-i makakahimo paglambrag in usa nga suga, usa nga bituunay: an dako nga himurulsan asya an pakahimo hin paglambrag bisan ha butnga han kalambragan, sugad han binubuhat han adlaw: asya man ito an paglambrag ni Hermano Diego, bisan ha butnga han gidadagkui nga mga santos! lito dayag ha iyo mga mata, ha iyo waray pagtoo nga mga mata, an tuhay nga binuhat han Gihahataasi, basi magupong an mga dagko dinhi ha tuna, oo, mga kabugtuan ko dayag ha iyo, patente, patente ha iyo ngatanan, patente!
May usa katawo nga binmuhat, ginduduas ngan nangungurog, tinmago didto hin usa nga kumpisalan. Usa hiya nga parabaligya hin mga alaksiw nga nakadto naghihingaturog ug nag-inop nga kinadto hiya han mga karabineros pangaro han patente nga waray pa niya kalukat. Damo in nasiring nga waray ini nga tawo gumuwa didto han tinataguan ngada han kahuman han wali.
—Mapinaubsanon ug mahilom nga santo, iton imo krus nga kahoy, —an dara han ladawan salapi —iton imo ubos nga abito nakakapadungog han dako nga Francisco nga aton amay ug aton susgaranan! Kami nagpapadamo han mga sumusunod ha imo ha bug-os nga kalibutan, ha ngatanan nga kapiliwan, ha mga siyudad, ha kaburubungtuhan, hin waray pili han busag dida han itom; —linukoy han Alcalde an pagginhawa-nag-aantos han mga kakablasan ug mga kakurian an mga tulin mo ha pagtoo ug ha pagtuman sa Dios nga andam ha pag-awayan, Ah! nakaginhawa an Alcalde, —nga asya an sinasarigan nga diri humilig an kalibutan ug diri mahulog ngadto ha kahiladman han mga karat'an!
An mga mamarati, pati hi Kapitan Tiyago, ipinamamaghinuyam na hin dinaginot. Hi Maria Clara waray pamamati han wali; maaram nga hi Ibarra nakada ha harani
