232
wali; salamat hini, mahihimo ta yana hin paghipahayag in usa hadton mga pamurulungon ha singbahan didto hadto nga mga nayon.
XXXII
AN WALI.
Hi Fr. Damaso nagtikang hin pamulong ha gutiay la nga tingog:
—“Et spiritum tuum bonum dedisti, qui doceret eos, et manna tuum non prohibuiste ab ore eorum, et aquam dedisti eis in siti.” “Ngan itinubyan mo ha ira an imo kalag nga mapinairon basi ha ira makagtutdo, ngan waray mo kuhaa ha ira baba an imo mana, ngan tinagan mo hira hin tubig ha ira kauhaw.’’ Mga pulong sa Dios nga ginluwas ha baba ni Esdras, Basahan II, bahin ix, rumbay nga ika-20.”
Hi P. Sibyla sinmiplat hin paghitingala han magwarali; hi P. Manuel iginduruas ngan tinmulon hin laway:(1) mauruupay adto han iya wali.
Tingali sinmabot hi P. Damaso, tingali kun pagaw man liwat, kay nag-inigham nakadamo ngan mangalinduon han duha nga kamot dida han hangbuyan han diyusnon nga pamulunganan. An Espiritu Santo nahatutungod ha iya ulo, bag-o pa nga pinintaran: mabusag ngan mahinis, limbaon an tuka ngan mga tiil.
—Gilalabawi nga ginoo (an alkalde), mga magtadong kaupay nga kapadian, mga binunyagan, kabugtuan kan Jesucristo!
Dinhi inmukoy hin maiha, itinara an paniplat han bugos nga ruwang han mamarati ngan inmayon han ira kahilom ug panalinga.
An siyahan nga bahin han wali kinatsila, ngan tinagalog an katapusan: loquebantur omnes linguas(2)
-Katapos han mga pagdayig ngan katima hin dalikyat nga paghilom, inmunat hin makatarag-ob nga waklit han iya kamot ngadto ha altar, dungan an pagbuslunga han Alcalde han iya mga mata: katima kuguson hin hinayhinay an iya mga butkon, waray pinulong nga bisan ano, sunod kumiwa hin tigda, ihinilay an ulo ngadto ha luyo, tudlukon an ganghaan nga haluag, dapit pinaulipad hin tigda an palad, nga pinakasiring han mga tanod nga sugo adto papanaklob
