225
XXXI.
DIDTO HA SINGBAHAN
Naghuhuot an kamalig nga iginpahamtang han nga tawo nga balay han Magburuhat han ngatanan nga butang.
Naggigipadarudaisog, naggigipaipit-ipit, naggigipahinis- hinis, nagpapakaluwas hin "agi!" an talagsa nga naguwa ug an kadam'an nga nasulod. Harayo pa inuunat na an ka- mot paghinuhulusan han mga tudlo dida han tubig nga bendita, kundi pagkakaduwas may nahauuna nga kadam'an, kinukuro liwat an kamot: dida hini nababati in kuligi, usa nga babayi nga hintamakan nabuyayaw, kundi nagpapa- dayon la an patirutikwang. An pira nga katigurangan nga nagpakatunlob han ira mga tudlo didto hadto nga tubig nga daw tikang ha lam-aw, nga pinanhunawan han ngatanan nga taghimungto, labot la han diri didtuanon, naninihog hadto nga tubig, dara han pagdiyos, han ira tangkugo, han alimpupuro, han agtang, han irong, han sulang, han dughan ngan han pusod, kay ira ginmamatuuran nga ma- giginmarahalon an bahin han lawas nga pinanhirugan ngan diri na hira pagsusuulan hin tiyan ngan hin ulo, diri magsusugpa ngan diri dudusulan. An mga batan'on, tu- ngod ada kay waray pa mga sakit, kun tingali man diri natu- od han gahom hadto nga tubig, an tuman la nga nanhuhulos han katapusan han ira tudlo, basi la mawaray igmugo ha ira han mga magpakidiyos, ngan ira kulaos tinutudlok an ira agtang, kundi diri sinasapingan. Tingali may daraga nga nakakasiring: "Oo, bendita gad ito, bisan pa ito ano, kundi kamalubog!..."
An tuman nga may giniginhawa; mapaso didto ha sa- kob ngan say namamarag an baho han mananap nga du- duha in kamot; kundi an magwarali ikapagpapahimulos hadto ngatanan nga kakurian: an iya wali ginbaydan han bungto hin duha kagatos kalim'an kapisos. An tigurang nga Tasyo nagsiring:
—Duha kagatos kalim'an kapisos ha usa nga wali! Uusa la katawo ngan makakausa la! Ikatulo kabahin han bayad han mga komedyante nga mananagguol ha sulod hin tutulo kagab-i... Salapian gad man gud ada kamo hin duro!
—Ano in labot hito hiton komedya? —pinmakiana, nabibigit, an uuriton nga puno han mga Hermanos han V. O. T. —Tungod hiton komedya nanhihingadto an mga
