13
upay ngani lugod nga binalhin hin bungto . . . —Ano nga naghingaupay! Lunlon nawawara dida ha pagbalhin . . . iton kapapilan . . . iton mga , , , iton ngatanan nga naghihiwakatwakat?— binmaton hi Fr. Damaso nag-uurung-urong tungod han diri pakapugong han iya kasinahon. Waray kaiha bumalik liwat an siyahan nga pagkaarangay didto hadto nga alirong. May nagkaabot pa nga iba nga mga tawo; may usa nga lagas nga katsila, piol, kanan makiaangayon an kahimo, nasarig paglakat ha butkon hin usa nga lagas nga babayi nga pilipinhon nga damo an pakurong, madakmol an pulbos ngan kinatsila an pamanapton. Ginhatagan hira hin sinangkayanon nga katalahuran han nag-aalirong; hi Dr. de Espadana ngan han iya asawa, hi doctora Da. Victorina(25) tinmampo pagkalingkod didto han aton mga kilala. May ada man didto mga manunurat ha pahayagan ngan hin mga almasenero nga namamaggipatahudtahod ug naghihiruhimangraw ha mga kapiliwan tungod han diri panhitultol kun ano an sadang buhaton. —Kundi, diri ka makakahimo, Sr. Laruja, pagsumat ha akon kun tipaunano an dagway hiton tagbalay?— nagpakiana an mabulaw nga batan’on, —Waray pa ako ha iya igkakilala. —Linmusad man kuno; waray pa man liwat ako ha iya kita. —Dinhi waray kinahanglan hin mga parupakilalaj— binmaton hi Fr. Damaso. —Hi Santiago maupay nga tawo, —Usa nga tawo nga waray say hauna paghimo han pulbura,(26) — sinmumpay hi Laruja. —Liwat ikaw, St. de Laruja! —sinmagbang hin dapit mayanganga nga suson hi Da. Victorina, nagpipinaypayon. —Uunanhon nga say mahauna paghimo kay nasiring man nga an kainsikan asya in una maghimo han pulbura, maiha na nga mga tuig? —An kainsikan? Ano ka, nalulurong?— nakasumpay hi Fr. Damaso. —Luya dida! Usa nga pransiskano, usa nga sakop han akon Orden, amo an nahauna paghimo, hi Fr. ambot kun hino adto nga Savalls ha siglo. . . ikapito! —Usa nga pransiskano! Tingali namagwawali ha China ito nga P. Savalls,—binmaton an ginang nga diri nadadalidali pagpaumaya.
