An magturutdo ha liburan ngan hin kakatluan nga kabataan nanhuhugpong hin mga bukad, nan-guguos hin mga bandira ha katapusan hin mga kawayan nga pinanmumutos hin mga pinabutulbutol nga busag nga panapton.
— Talinguhaa niyo nga magmaupay an pagsurat han mga kurit! nagtutugon hiya han parapamadlis. —Mapakanhi an Alkalde ngan magtatambong in damo nga kapadian, tingali pumakanhi an Kapitan Heneral nga hahani yana ha lalawigan! Hikit'an ngani nira nga mag-upay kamo managbuhat bangin kamo dayawon.
— Ngan tatagan kami hin pizarra?....
— Bangin la! Kundi hi senyor Ibarra nagpatugon na hin usa ngadto ha Manila. Buwas maabot in ipanhahatag ha iyo nga suhol... Kundi ibutang la niyo anay iton iyo mga bukad ha tubig, buwas na kita panhuhugpong, pagdara pa kamo hin damo nga bukad kay kinahanglan nga maluob an lamisa; an mga bukad nakakalipay ha pagkita.
— Hi itay magdadara buwas hin bukad hin baino ngan hin usa kasinglot nga marol.
— An akon amay nagdara hin usa kakariton nga baras waray ngani baydi.
— An akon bata nagsaad pagsuhol hin usa nga magturutdo-nasiring an umangkon ni Kapitan Basilio..
Matuod man gud, an panalinguha ni Ibarra kinarawat han ngatanan. An padi nangaro nga say hiya in manganak ug bumindisyon han pagbutang han siyahan nga bato nga hananabo han katapusan nga adlaw han patron ug asya an magiginlabi kamakatarag-ob nga adlaw. Bisan an kuwadhutor pinmaharani hin hialang kan Ibarra ngan nagsaad hin pag-amot han makarawat niya nga salapi ha mga misa, tubangan la mahuman an balay. lini pa, hi Hermana Rufa, an salapian ug kuripot nga babayi, nagsiring nga kun pagkulangan hin salapi maglalakaton hiya ha kaburubungtuhan pagpakilimos basta baydan an iya biyahi ngan pagkaon ug iba pa. Hi Ibarra nagpasalamat ngan binmaton:
-Waray ta makukuha nga dako nga himurulsan kay diri ako salapian ngan ini nga balay diri singbahan. Labot pa, waray ako pagsaad nga titindugon ko ini hin salapi hin iba nga tawo.
An kaulitawhan, an mga magturuon nga tikang ha Manila nga nagpakada pagduaw han patron, nagdadayaw ug nagsusubad ha iya; kundi, sugad gihapon han nahana-
