nakasiring nga an pakiana kasanggab-i. An kasanggab-i
amo an ira pagkita ngan hi Simoun. Karuyag hiya
maghatag hin kasayuran:
-Pagsusumatán ta ikáw,— nagsiring, —tungod kay hi Kapitán Tiyago masakit ngan labot pa nagtitinatapusan ako han Mata....
-Maupay kay waray ka kadto, nagsiring an propesor; kundi api ka hiton katig-uban han mga estudyantes?
-Nabayad ako han ikinabulan ko....
-Kun amo, sagdon ko ha imo: uli yaná ngahaw ngan gusia an ngatanán mo nga mga papel nga makakahatag ha imo hin kasalakban.
Hi Basilio pinmakurós han sugbong. Waray niya mga papeles, may ada niya mga apuntes ha clinica, amo la.
-Ngay an hi senyor Simoun....?
-Hi Simoun waráy labot hiní nga asunto, salamat sa Dios!- nagsiring an mediko; -iginkaigo nga sinamad hin waray sabutá kun hino ngan yaná nahigda. Diri; didá hiní may ibá nga mga tawo, ngan labí pa ngani kamagpakaharadlok.
Hi Basilio ginminhawa. Hi Simoun amo la an makakaamóng ha iya. Kundi nahanumdom kan Ginhaupan Tales.
-May mga tulisán?....
-Waray gad, puro la estudyantes.
Hi Basilio linungasán han kulba.
-Kay anó in nahanabó?- nagpasipara pagpakiana
-Nagpakaabát hin mga paskin nga magraot para han pamunuan, diri ka maaram? -Diín?
-C----! didto ha Unibersidad.
-Amo la?
-P----!Ano pa imo hito?- nagpakianá an katedratiko haros nauurit na; -an mga paskin sinisiring nga kanán mga estudyantes nga may katig-uban, kundi, saba!
Nagtitidaóp an katedratiko ha Patologia, nga amo in usa nga senyor nga pagkit'on bagá lugód in sakristan, diri bagá in mediko. Natungdan iní tungód han kagamhanan han Vice-Rector hin waray la pangarui nga magpakita hin ipinakakatakós ngan hin ipinakakaangay nga umurugop han corporación, gintatahapan nga tiktik
