Hi Simoun linmukso pagbuhát ngan kurusan an batan'on.
-Namatay?-pinmakiana hin makaharadlok nga tingog.
-Kanina han kulóp ha mga ikaunom an takna; yaná bangin...
-Diri matuod!-nasina hi Simoun ginduduas ngan nanhihingás. -Diri matuod! Hi Maria Clara buhi, hi Maria Clara kinahanglan mabuhi. Usá ito nga kanán matalaw pamaribad... Waray kamatáy ngan yaná nga gab-i babawion ko ha iya kabilanggo, kun diri, buwás han aga mapatay ka!
Hi Basilio pinmakuró han sugbong.
-May pipirá na kaadlaw nga masakit ngan pina- kadto ako ha kombento pangaro hin notisya. Iya, kitaa inin surát ni P. Salvi nga dará ni P. Irene. Hi Kapitan Tiyago nagtinuok han bug-os nga gab-i, naghinarok ngan nagpinangaró hin pasaylo han retrato han iya anák katima magtinabako hin patakas han apyan... Kanina han kulop gintuktukan hin aguniyas.
-Oh! nakasiríng hi Simoun ngan kaptan an iya ulo han duhá nga kamót ngan mag-inukoy.
-Nahanumdom nga nakabati hiyá hin dublas hin aguniyas hamtang hiya naglilinibotlibot han kombento.
-Namatay! nagmugó hin gutiay nga tingog daw sugad hin nakikihimangraw hin usá nga lambong. -Namatay! Namatay hin waray ko anay makita, na- matáy waray sabot nga buhi ako tungód la ha iya, namatay ha pag-antos!...
Ngan tungod kay binmati hin uranos nga makali- lisang, uranos nga may mga buhawi ug mga dalugdog kundi waray bisan usa katuró nga tubig, pagtangis nga waray luha, guliat nga waray mga pulong, nga nagha- haguróng ha sakób han iya dughan ngan mabulos na sugad hin tunáw nga kalayo nga mag-aawás ha gang- gang han bulkan nga maiha na nga napupugngan, lin- makát hin tigda didá han sulód. Hinbatián ni Basilio nga linmusad han hagdan hin diri sarama nga pitád, naghihiparupakdol; hinbatián niya in pinugngan nga guliat, guliat nga daw pagpasabót nga tiharani an ka- matayon, kay tingog nga halarom, dimasagpo, kanán himaratyon, nga nakapabuhát han batan'on didá han iya lingkuran, ginpupurud-as ngan kinukulba, kundi hinbatián niya an mga pitád nga nagtitikawara ngan an
