luha. Ikinibang an kadam'an ngan nanmarát an ira
mga barahibo. Diri, diri adto kay paguwá la, diri kay
bunga la hin yawyaw; adto nga ulo nasugad agi hin
paghiunong ngan an iginsisinumat amo an kalugaringon
niya nga kaagi.
-Hay! nagsisiríng, ginmios hin mabiduon;-nahagugma ako hin usa nga daraga, nga anák hin usa nga padi, uray sugad han silaw, sugad han loto nga pagbubuklad pa la! An batan'on nga padi ha Abydos* naiipa ha iya liwát ngan nagtukod hin samok ginamit an akon ngaran ngan in akon mga papiros nga iya nakuha didto han akon higugmaon. Nagtikáng an karibók igo nga hi Cambyses naabót tikang didto han dinimalas nga iya kampanya. Iginsumbong ako nga say nagribók, nabilanggo ako ngan han pakakalagíw ko ginlanat ako ngan didto ako pataya ha danaw ha Moeris... Ginkikita ko tikang didto ha lain nga kinabuhi nga nagdadaóg an limbong, kinikita ko an padi ha Abydos nga naghuhupól adlaw gab-i han uray nga babayi nga dinmangóp ha singbahan ni Isis didto ha puro ha Philoe... ginkikita ko nga iya ginlalanat pati didto han mga ilarom han tuna, ngan iya ginlulurong hin kahadlok ug mga kasakit, daw sugad hin dako kaupay nga kabóg nga naghahagad hin buság nga sarapati... Ah, padi, padi ha Abydos! Mabalik ako nganhi ha kinabuhi basi ko igpasangyaw iton imo mga buhat nga maraot, nga kahagos hin kamaihaan nga tuig nga paghilom akon ka igbabayabáy nga nagpatay, tampalasan han tuluuhan, ngan mabutangbutang!
Usa nga harahara nga mamará, tikang ha linubngan, say sinmunód hini nga mga pulong hamtang in usa nga tingog nga an tuman nga binabati nabatón:
-Diri; paid gad man!...
Amo hi P. Salvi nga hinrág'an han kahadlok naunát han mga kamót ngan natutumba.
-Inaanó hi V. R. P. Salvi? Inabót ka hin sakit?- nagpakianá hi P. Irene.
-An kapasó ha ruwáng..
-An baho nga mamiruminatay nga dinhi nagigin- hawa.
- Nakamatay! tampalasan han tuluuhan, mabutangbutang! -nagyiyinakan pa an ulo; -iginsusumbong ko ikaw nga nakamatay, nakamatay, nakamatay! Ngan dagos liwat hibabatií an harahara nga ma-
