nahuna han ngatanán nga naaabót han iya kamót....
Ito dayág kaupay!
-Dale bola! Pakitaa ako mausá nga buhat, nga- rani mausa nga buhat!- nasinggaak hi Sandoval; -ayaw kitá hiton mga balingkutay nga waray hinungdan, hitón mga pulong nga hangin la in dará ngan say ta atubangá an mga buhat, nasiring upod in kilos nga angayan.
-Mga buhat, senyores, mga buhat; an diri mga buhat hilangkag la nga diri ko buót ngaranan nga kanan pilibustero.
Hi Pecson nahakakatawá bagá in lurong ngan nabul-ang:
-Iitó na an pilibusterismo! Diri kita makakahimo pagbalingkot hin diri ta updan hin mga sukmat?
Hi Sandoval nariwa, nangangaro hin mga buhat ngan nagmalahimó hin usa nga diskurso.
-Adá; di pa la maiha nga may adá kalipungan hin mga partikular ngan hin pirá nga prayle, ngan an General nga nalingkod-saliwan naghukóm nga an Provincial han Orden nga may kalipungan say magsentensya,―nagbatón hi Pecson.
Ngan magtinawa liwát sugad hin adto nga butáng waray la data. Nagpulóng hin mga ngaran, mga petsa ngan nagsaad pagdara hin mga dokumento nga pangi- ngilal'an kun inunano an paggawad han paghukóm nga matadong.
-Kundi, ano in pasisikaran, sumati daw ako, ano in ira pasisikaran hin diri pagtugot hiton dayág ha mga matá nga dako kaupay nga himurulsan ngan kasuruk'an? nagpakianá hi Sandoval.
Hi Pecson pinmakuró han sugbong.
-Kay namimiligro an kamutangan han tuna nga natawhan... binmatón hin tingog nga kanán abogado nga nagbabasa hin usa nga alegato.
-Itó ngahaw in golpe! Anó in labot han kamutangan han tuna nga natawhan didá han mga lagdaan han sintaxis?
-May mga doktores han Santa Madre Iglesia... Kalibutan ko man? Tingali nagkakahadlok nga magpakasantop kitá han mga balaod ngan aton_pagsugton... Ano na in hananabó han Pilipinas ha adlaw nga kitá magkasarabot?
Hi Sandoval waray hiaayuní han turon han hiru-
