kipapasen to, sakey a toon maptek a panagnunot, maong tan mapangasi, kasabisabi tonin lamang gapoan dalan kongkongan, insan da ni nimet elekan ed beneg: 'Sinyor Gobernador, agyo kabat so walna ray indio; déralen yo ran palamlaman, Sinyor Gobernador; mas maong no manpíya kayod kinen pulano, kinen zutano (1) etc. . . . . Tan manlapod si Gobernador et agton tua kabat so bansá ya say isip to warin kawalaan to et diad América; insan sakey ni too met a makabos a wala
ray kukulangan to tan kakapuyan to ya singa anggan siopan too, manisia met la. Sakey met ni, nanunotan to met a nanlingetan to tan nanirapan ton maong so impangala toy betang to diad Pilipinas, a taltaloy taon nimet so panayam to dia, insan ontatatken la, kanian
makapoy lay pasirsirayew kuanto met lad isip tod satan, no agta nakaukolan lay mannunot ed arapen: singa bilang sakey a marakep ya abong ed Madrid, sakey met ya ayaman ed paway na báley, tan pilak a say anapen to et sarag lan panbilay a mankanawnawa ed siudad a panaayamay Ari, sikatoyay nakaukolan ton ánapen tan tiponen legan to diad Pilipinas. Mairap met ya onkerew itayoy milagro, ag met nayarin alagden tayó ya say sakey a toon onsabí dian balobalo ya dápo, ya anggapoy kabkabat to, tan linma dia labat a say nunot to et manpayaman insan la ompawil a tampol, et panpelengan ton iyan ed uló toy kaabigay bansá. Anto bilang so walad sikato ed pisasalamat ono pandansak na sakey a báley ya agto kabkabat, sakey a báley ya andid sikato ray pannodnunotan to, tan andi rad may aaroen ton totoo ey? Say dayew ta piano makapaliket nakaukolan a nibeliaw a narengel day papablien tayo ran totoo, diad
simpok na díli tayon abong ono diad Dálin tayon nianakan a mangiatol ed laman tayon manmaliw a dabok: pilalek tayo ya say dayew et ag onalis ya ondapo ed tapew na lubok tayo, ta piano napapetang na sinag to so betel na patey, ta piano ag itayo napaandi ya aminpinsan, ta piano walay natilak a pannodnunotan ed sikatayo. Anggapo yan niiter tayon tumang ed saray onsasabí dian manasikasod bansá tan mangitunton ed bilay day totoo ed maong ya arapen. Tan say lalo nin makaparpairap na linawa so no nakakalkalnaan da lan natalusan so walna ray totoo dia, saray nakaukolan da
(1) Sikarayan salita so isasandi ya pangitoro ed toto no ag amta onó ag la labay a bitlaey ngaran da.
