ᱪᱤᱠᱤ ᱢᱟᱹᱱᱢᱤᱭᱟᱜ ᱢᱚᱪᱟᱠᱷᱚᱱ ᱯᱷᱚᱴᱮᱞ ᱟᱲᱟᱝ ᱤᱫᱤ ᱠᱟᱛᱮ ᱜᱮ ᱨᱚᱲᱫᱚ ᱦᱩᱭᱩᱜ ᱠᱷᱟᱹᱛᱤᱨ ᱨᱚᱲ ᱯᱟᱹᱨᱩᱠᱤᱭᱟᱹ ᱠᱚ ᱡᱟᱦᱟᱸ ᱨᱚᱲᱜᱮ ᱵᱟᱰᱟᱭ ᱞᱟᱹᱜᱤᱫᱛᱮ ᱟᱲᱟᱝ ᱤᱫᱤ ᱠᱟᱛᱮᱠᱚ ᱛᱩᱱᱠᱷᱤᱭᱟ᱾ ᱢᱮᱱᱠᱷᱟᱱ ᱟᱲᱟᱝ ᱫᱚ ᱢᱚᱪᱟ ᱠᱷᱚᱱ ᱚᱰᱚᱠ ᱠᱟᱛᱮ ᱢᱤᱫ ᱰᱚᱸᱰᱮᱠ ᱜᱮ ᱡᱟᱦᱟᱸᱢ ᱟᱸᱡᱚᱢᱟ ᱾ ᱚᱱᱟᱛᱮ ᱪᱤᱠᱤ ᱦᱚᱛᱮᱛᱮ ᱨᱚᱲᱴᱟᱝ ᱵᱤᱥᱛᱤ ᱜᱷᱟᱹᱲᱤᱠ ᱴᱟᱨᱦᱟᱣ ᱞᱟᱹᱜᱤᱫ ᱟᱹᱰᱤ ᱥᱮᱫᱟᱭ ᱠᱷᱚᱱᱜᱮ ᱠᱩᱨᱩᱢᱩᱴᱩ ᱫᱚ ᱢᱮᱱᱟᱜ ᱟ ᱾ ᱛᱚᱵᱮ ᱱᱚᱣᱟ ᱢᱟ ᱟᱹᱰᱤ ᱥᱟᱹᱨᱤ ᱠᱟᱛᱷᱟ ᱡᱮ ᱚᱞᱫᱚ ᱨᱚᱲ ᱮᱛᱚᱦᱚᱵᱚᱜ ᱨᱮᱭᱟᱝ ᱟᱹᱰᱤ ᱛᱟᱭᱚᱢ ᱜᱮ ᱚᱰᱚᱠ ᱟᱠᱟᱱᱟ ᱾ ᱪᱤᱠᱤᱠᱚ ᱢᱟᱹᱱᱢᱤ ᱛᱟᱞᱟᱨᱮ ᱛᱤᱥᱠᱷᱚᱱ ᱦᱮᱡ ᱮᱱᱟᱹᱚᱱᱟᱫᱚ ᱴᱷᱟᱹᱣᱠᱟᱹ ᱵᱟᱹᱱᱩᱜ ᱟ ᱾ ᱥᱮᱫᱟᱭ ᱦᱚᱲᱠᱚ ᱫᱷᱤᱨᱤ ᱠᱷᱚᱞᱠᱚᱨᱮ ᱪᱮᱬᱮ ᱪᱤᱯᱨᱩ ᱟᱨ ᱡᱤᱱᱛᱤ ᱯᱤᱯᱤᱲᱤ ᱥᱟᱶ ᱫᱟᱨᱮ ᱱᱟᱹᱬᱤᱠᱚ ᱡᱟᱦᱟᱸ ᱠᱚ ᱪᱤᱛᱟᱹᱨ ᱟᱠᱟᱫᱟᱹ ᱚᱱᱟ ᱯᱟᱸᱡᱟ ᱯᱟᱸᱡᱟᱛᱮ ᱵᱟᱝᱠᱷᱟᱱ ᱚᱡᱷᱟ ᱥᱚᱠᱷᱟ ᱠᱚᱣᱟᱜ ᱠᱷᱚᱸᱰ ᱵᱮᱱᱟᱣ ᱵᱮᱱᱟᱣ ᱛᱮ ᱪᱮᱫᱪᱚ ᱚᱱᱟ ᱠᱷᱚᱸᱰ ᱛᱟᱞᱟᱛᱮ ᱢᱮᱱ ᱥᱟᱱᱟ ᱟᱠᱟᱫ ᱠᱚᱣᱟ ᱟᱨ ᱪᱤᱠᱤ ᱫᱚᱠᱚ ᱚᱰᱚᱠ ᱡᱟᱦᱟᱸᱱ ᱟᱠᱟᱫᱟ ᱾ ᱯᱚᱱᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩᱶᱟᱜ ᱸᱵᱤᱫᱩ ᱪᱟᱱᱫᱟᱱᱛ ᱠᱷᱮᱞᱚᱸᱰᱨᱮ ᱚᱱᱟ ᱡᱤᱱᱤᱥ ᱜᱮ ᱧᱮᱞᱚᱜᱚᱜ ᱟ᱾ ᱫᱟᱜ ᱞᱩ ᱜᱷᱟᱴ ᱢᱮᱱ ᱞᱟᱹᱜᱤᱫᱼ ᱼᱵᱚᱠᱟᱜᱤ ᱮ ᱵᱮᱱᱟᱣ ᱚᱴᱚ ᱟᱠᱟᱫᱟ ᱟᱨ ᱛᱤᱠᱤᱱ ᱵᱮᱲᱟ ᱞᱟᱹᱜᱤᱫ ᱵᱟᱨᱭᱟ ᱛᱤ ᱨᱮᱭᱟᱜ ᱪᱤᱛᱟᱹᱨ ᱾
ᱱᱟᱜᱟᱢ ᱥᱮᱫᱵᱚ ᱵᱮᱸᱜᱮᱫᱽ ᱠᱷᱟᱱ ᱱᱤᱛ ᱦᱟᱹᱵᱤᱡ ᱯᱮ ᱞᱮᱠᱟᱱ ᱚᱞ ᱧᱟᱢ ᱟᱠᱟᱱᱟ ᱾ ᱤᱡᱤᱯᱴᱹ ᱥᱩᱢᱮᱨ ᱟᱨ ᱪᱤᱱ ᱠᱷᱚᱱ ᱡᱟᱦᱟᱸ ᱪᱤᱠᱤ ᱡᱟᱱᱟᱢ ᱮ ᱦᱟᱛᱟᱣ ᱞᱮᱜ ᱟ ᱚᱱᱟᱫᱚ ᱢᱤᱫ ᱫᱷᱟᱨᱟᱜ ᱟ ᱾ᱜᱨᱤᱠ ᱟᱨ ᱯᱷᱳᱱᱮᱥᱤᱭᱟᱱ ᱨᱤᱱ ᱠᱚ ᱤᱡᱤᱯᱴ ᱨᱮᱭᱟᱜ ᱪᱤᱠᱤ ᱠᱚ ᱟᱹᱨᱩ ᱠᱮᱫ ᱛᱟᱭᱚᱢ ᱮᱴᱟᱜ ᱨᱤᱱ ᱠᱚ ᱚᱱᱟᱠᱚ
