ᱥᱟᱶᱦᱮᱫ ᱛᱮᱛᱮᱫ
ᱠᱷᱚᱫᱽ ᱨᱮᱭᱟᱜ ᱚᱱᱚᱞ ᱠᱚ ᱧᱮᱞ ᱫᱚ ᱧᱮᱞ ᱵᱟᱲᱟᱭ ᱠᱟᱱ ᱜᱮᱭᱟ ᱤᱠᱷᱟᱹᱱ ᱤᱱᱟᱹᱜ ᱛᱮᱫᱚ ᱥᱚᱜ ᱥᱮᱴᱮᱡ ᱥᱟᱶᱦᱮᱫ ᱫᱚ ᱚᱦᱚᱜᱮ ᱠᱤᱥᱟᱹᱬ ᱠᱚᱜᱼᱟ ᱾ ᱥᱚᱢᱵᱤᱫᱷᱟᱱ ᱨᱮ ᱥᱟᱰᱟᱲᱤ ᱯᱟᱹᱨᱥᱤ ᱦᱟᱛᱟᱣ ᱮᱱ ᱛᱟᱭᱚᱢ ᱠᱮᱱᱫᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱨᱮᱦᱚᱸ ᱥᱟᱱᱛᱟᱲᱤ ᱯᱟᱹᱨᱥᱤ ᱴᱷᱟᱶ ᱮ ᱧᱟᱢ ᱠᱮᱫᱟ ᱾ ᱚᱱᱰᱮᱱᱟᱜ ᱠᱟᱹᱢᱤ ᱦᱚᱨᱟᱠᱚ ᱦᱚᱛᱮᱛᱮ ᱥᱚᱜ ᱥᱮᱴᱮᱡ ᱠᱟᱹᱢᱤ ᱫᱚ ᱞᱟᱦᱟᱜ ᱠᱟᱱ ᱛᱟᱵᱚᱱᱟ ᱾ ᱮᱠᱟᱰᱮᱢᱤ ᱭᱟᱜ ᱥᱚᱦᱚᱫ ᱛᱮ ᱠᱷᱮᱞᱚᱸᱰ ᱥᱟᱶᱦᱮᱫ,ᱚᱱᱚᱞ ᱥᱟᱶᱦᱮᱫ ᱤᱫᱤ ᱠᱟᱛᱮ ᱜᱟᱞᱚᱪ ᱠᱚᱫᱚ ᱦᱩᱭ ᱵᱟᱲᱟ ᱟᱠᱟᱱᱟ ᱟᱨ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱦᱚᱛᱮᱛᱮ ᱯᱟᱨᱥᱟᱞᱚᱜ ᱠᱟᱱ `ᱢᱟᱱᱛᱟᱨ` ᱯᱟᱛᱷᱟᱢ ᱨᱮ ᱚᱱᱟᱠᱚ ᱥᱟᱢᱴᱟᱣ ᱠᱟᱛᱮ ᱪᱷᱟᱯᱟ ᱥᱚᱫᱚᱨ ᱟᱠᱟᱱᱟ ᱾ ᱛᱚᱵᱮ ᱱᱚᱱᱰᱮᱫᱚ ᱥᱚᱜ ᱥᱮᱴᱮᱡ ᱯᱚᱛᱚᱵ ᱠᱚ ᱪᱷᱟᱯᱟ ᱥᱚᱫᱚᱨ ᱟᱠᱟᱫ ᱚᱱᱚᱞᱤᱭᱟᱹ ᱠᱚᱣᱟᱜ ᱠᱟᱛᱷᱟ ᱜᱮ ᱪᱟᱨᱪᱟ ᱭᱮᱱᱟ ᱾ ᱪᱮᱫᱟᱜ ᱪᱮ ᱥᱚᱜ ᱥᱮᱴᱮᱡ ᱥᱟᱶᱦᱮᱫ ᱥᱟᱶ ᱫᱚ ᱩᱱᱠᱩ ᱵᱷᱟᱹᱜᱤ ᱞᱮᱠᱟ ᱡᱚᱲᱟᱣ ᱢᱮᱱᱟᱜ ᱠᱚᱣᱟ ᱾
ᱢᱚᱦᱟᱫᱮᱵᱽ ᱦᱟᱸᱥᱫᱟᱜ ᱺᱼ
ᱢᱚᱦᱟᱫᱮᱵᱽ ᱦᱟᱸᱥᱫᱟᱜ ᱫᱚ ᱢᱤᱫ ᱜᱟᱹᱠᱷᱩᱲ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱠᱷᱟᱹᱞᱤ ᱚᱱᱚᱞᱤᱭᱟᱹ ᱥᱩᱠᱢᱩᱝ ᱢᱮᱱ ᱞᱮᱠᱷᱟᱱ ᱫᱚ ᱵᱟᱭ ᱜᱟᱱᱚᱜᱼᱟ ᱢᱤᱫ ᱵᱷᱟᱹᱜᱤ ᱥᱟᱯᱲᱮᱫ ᱪᱮ ᱥᱟᱯᱮᱟᱣᱤᱡ ᱠᱟᱱᱟᱭ ᱱᱚᱣᱟ ᱥᱟᱯᱲᱟᱣ ᱠᱟᱹᱢᱤ ᱡᱟᱦᱟᱸᱭ ᱠᱟᱹᱢᱤᱭᱟ ᱩᱱᱤ ᱫᱚ ᱥᱚᱜ ᱥᱮᱴᱮᱡᱤᱡ ᱢᱮᱱᱛᱮ ᱩᱨᱩᱢ ᱜᱚᱫᱚᱜ ᱜᱮᱭᱟᱭ ᱛᱚᱵᱮ ᱦᱟᱸᱥᱫᱟᱜ ᱜᱚᱢᱠᱮ ᱫᱚ ᱥᱟᱶᱦᱮᱫ ᱥᱟᱠᱟᱢ ᱥᱟᱯᱲᱟᱣᱤᱡ ᱞᱮᱠᱟᱛᱮ ᱵᱷᱟᱹᱜᱤ ᱩᱨᱩᱢ ᱛᱟᱭ ᱢᱮᱱᱟᱜᱼᱟ ᱾ ᱟᱡᱫᱚ ᱛᱮᱛᱨᱮ, ᱥᱩᱥᱟᱹᱨ ᱰᱟᱦᱟᱨ,ᱠᱚᱞᱚᱢ ᱮᱢᱟᱱ ᱥᱟᱠᱟᱢ ᱫᱚ ᱥᱚᱽᱱᱛᱟᱲᱤ ᱛᱮ ᱟᱨ ᱟᱹᱫᱤᱵᱟᱹᱥᱤ ᱥᱚᱢᱵᱟᱫᱽ, ᱟᱹᱫᱤᱵᱟᱹᱥᱤ ᱵᱟᱨᱛᱟ ᱫᱚ ᱵᱟᱝᱞᱟ
