ಸಂಗೀತ, ತುಳು ಭಾಷೆ, ತುಳು ಸಂಸ್ಕೃತಿ ಇಂಚ ಮೂಜಿ ವಿಭಾಗೊಡು ಆರ್ ಮಳ್ತಿನ
ಬೇಲೆಳೆನ್ ನಮ ತೆರಿವೊನ್ನವು ಅಗತ್ಯದವು ಆದುಂಡು.
ಸಂಗೀತ ಕ್ಷೇತ್ತೊಡು : ಕ್ರೈಸ್ತೆರೆಗ್ ಸುರುತ್ತ ಪುಸ್ತಕ ಸತ್ಯವೇದ ಆಂಡ ರಡ್ಡನೆದವು ಸಂಗೀತ ಪುಸ್ತಕ. ಪ್ರತಿ ಕ್ರೈಸ್ತರೆ ಇಲ್ಲಲೆಡ್ ಒಂಜೊಂಜಿ ಸತ್ಯವೇದ ಬೊಕ್ಕ ಸಂಗೀತ ಪುಸ್ತಕ ಉಂಡು. ಜರ್ಮನ್ ಭಾಷೆಡಿತ್ತಿ ಸಂಗೀತೊಲು ಕನ್ನಡ, ತುಳು, ಬೊಕ್ಕ
ಮಲಯಾಳಂ ಭಾಷೆಲೆಗ್ ತರ್ಜುಮೆ ಆದ್ ಬಳಕೆಗ್ ಬತ್ತ್ ದ್ ಇತ್ತೆಲಾ ಬಳಕೆಡ್
ಉಂಡು.ತುಳುನಾಡ್ದ ಸಾಹಿತ್ಯ ಕ್ಷೇತ್ರೊಡು ಕೃಷಿ ಮಲ್ತಿ ಮಿಶನರಿಳು ಸಂಗೀತ
ಕ್ಷೇತ್ರೊಡುಲಾ ಮಸ್ತ್ ಸಾಹಿತ್ಯ ರಚನೆ ಮಲ್ತ್ದೆರ್. ಇತ್ತೆಲಾ ಕ್ರೈಸ್ತರೆಡ್ ಬಳಕೆಡುಪ್ಪು
ತುಳು ಗೀತೊಳೆ ಪುಸ್ತಕೊಡು 251 ತುಳು ಗೀತೆಳು ಉಂಡು. ಐಟ್ 168
ಗೀತೊಳೆನ್ ಮೆನ್ನರ್ ಬರೆತೆರ್ಡ 67 ಸಂಗೀತೊಳೆನ್ ಅಮ್ಮನ್, ಕೆಮರೆರ್, ವುರ್ಟ್,
ಬ್ರಿಗೆಲ್, ಬಾಜ್ಞೆ, ಬುನ್ಸ್ ಬರೆತೆರ್ 17 ಗೀತೊಳಲೆನ್ 5 ದೇಶಿಯೆರ್
ಬರೆತೆರ್.ಅತ್ತಂದೆ ನಾಲ್ ಗೀತೊಳೆನ್ ಮಿಶನರಿಳು ಬೊಕ್ಕ ದೇಶಿಯರ್ ಸೇರ್ದ್
ಮಳ್ತ್ದೆರ್. ಇತ್ತೆ ಬಳಕೆಡುಪ್ಪು ತುಳು ಗೀತೊಳೆ ಪುಸ್ತಕೊಡು 6 ಗೀತೊಳೆನ್ ಬ್ರಿಗೆಲ್
ರಚನೆ ಮಳ್ತದೆರ್.
ತುಳುತ್ತ ಸುರುತ್ತ ವ್ಯಾಕರಣ : A Grammar of the Tulu Language.: 1872ಟ್ ಬ್ರಿಗೆಲ್ ಬರೆತಿ ತುಳು ವ್ಯಾಕರಣ 139 ಪುಟೊಕ್ಕುಳೆನ್ ಹೊಂದುದುಂಡು. ಮುನ್ನುಡಿಡ್ ಈ ಪುಸ್ತಕ ಬೊಳ್ಪುಗು ಬರಿಯೆರೆ ಉಮೇದ್ ಕೊರಿ ಎ. ಸಿ. ಬರ್ನೆಲ್ (A. C. BURNELL) ರೆನ ಪುದರ್ನ್ ಮಾತ್ರಾ ತೋಜಾದರ್ ಅತ್ತಂದೆ ಬೇತೆ
ದಾಲಾ ವಿಷಯೊಡು ಬರೆತ್ಜೆರ್. ಈ ಬೂಕುನು Phonology, Etymology,
Syntax ಇಂಚ ಮೂಜಿ ವಿಭಾಗ ಮತ್ತೊಂದು ಐಟ್ ಮಸ್ತ್ ವಿಭಾಗೊಳೆಡ್
ಪೊರ್ಲುಡು ಮುಡತೆ, ಅನುಬಂದೊಡು ಬೆರೆಣೆರೆ ತುಳುತ್ತ ಮಾದರಿ,ತುಳುತ್ತ
ರಡ್ ಪದ್ಯ, ಅತ್ತಂದೆ 50 ತುಳು ಗಾದೆಳೆನ್ಲಾ ಕೊರ್ತೆರ್. ಬ್ರಿಗೆಲ್ರೆನ್ ತುಳು
ವ್ಯಾಕರಣದ ಬಗೆಟ್ ಮಸ್ತ್ ವಿದ್ವಾಂಸೆರ್ನಗುಲು ಆಧ್ಯಯನ ಮಲ್ತ್ರ್ದೆರ್ ಅತ್ತಂದೆ
ನನಲಾ ಐಟ್ ಅಧ್ಯಯನೊಗು ಎಗ್ಗೆಲು ಉಂಡು.ಬ್ರಿಗೆಲ್ನ ತುಳುವ್ಯಾಕರಣದ
ವಿಷಯೊಡು ಅವೆನ್ ಅಧ್ಯಯನ ಮಲ್ತ್ದ್ ಅವು ಎಂಚ ಯೋಗ್ಯದವು ಪಂಡ್ ದ್
ತೋಜಾದ್ ಕೊರಿನ ಹಿರಿಯ ವಿದ್ವಾಂಸೆರಾಯಿ ಡಾ.ಯು.ಪಿ. ಉಪಾಧ್ಯಾಯ ಬೊಕ್ಕ
ಡಾ.ಕೆ.ಕುಶಾಲಪ್ಪ ಗೌಡ ಮೊಗಳೆನ ಅಭಿಪ್ರಾಯೊನ್ ಮುಲ್ಪ ತುಳುತ್ತ ತರ್ಜುಮೆಡ್
ತೂವೊಲಿ.
50
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...