ಕೊರ್ತೆರ್.ಬ್ರಿಗೆಲ್‌ರೆನ್ ತುಳು ವ್ಯಾಕರಣದ ಬಗೆಟ್‌ ಮಸ್ತ್ ವಿದ್ವಾಂಸೆರ್‌ನಗುಲು ಆಧ್ಯಯನ ಮಲ್ತ್ ದ್ ಪುಗರ್ದೆರ್. ಡೆಲ್ಲಿದ ಎಷ್ಯನ್ ಎಜುಕೇಶನಲ್ ಸರ್ವಿಸ್ ಸಂಸ್ಥೆ ಪಿರ ಅಚ್ಚಿ ಮಲ್ತ್ ದೆರ್ 2019 ಟೈ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಡ್ ಈ ಬೂಕು ಎ.ವಿ. ನಾವಡೆರೆ ಪ್ರಸ್ತಾವನೆದೊಟ್ಟುಗು ಮರು ಮುದ್ರಣ ಆಂಡ್ ಅತ್ತಂದೆ ಪಿಡಿಎಫ್ ಮಾದರಿ, ಅಂತರ್‌ಜಾಲೊಡುಲಾ ತಿಕ್ಕುನೆಡ್ ಇತ್ತೆಲಾ ಬಳಕೆಡ್ ಉಂಡು.
ನಿಘಂಟು:- 1854 1858ಮುಟ್ಟ ಉಡುಪಿಡ್ ಮಿಶನರಿ ಆದಿತ್ತಿ ಜಿ.ಕೆಮರ ಪನ್ಪಿನಾರ್ ತುಳು ನಿಘಂಟ್‌ಗಾದ್ 2000 ಶಬ್ದೊಲೆನ್ ಸಂಗ್ರಹ ಮಲ್ತದ್ ದೀದಿತ್ತೆರ್. ಅಗಸ್ಟ್ ಮೆನ್ನರ್ ಪನ್ಸಿ ಮಿಶನರಿ ಅವೆನ್ ದುಂಬರಿತ್‌ದ್ 1886ಟ್ಟ್ ತುಳು ಇಂಗ್ಲಿಷ್ ನಿಘಂಟು, 1888 ಡು ಇಂಗ್ಲಿಷ್ ತುಳು ನಿಘಂಟು ತಯಾರ್ ಮಲ್ತ್ ದ್ ಪ್ರಕಟ ಮಲ್ತೆರ್. ನೆಟ್ 20,000 ಶಬ್ಬೊಲು ಉಂಡು. ಉಂದೆನ್ ತಯಾರ್ ಮಲ್ಪೆರೆ ದೇಶೀಯೆರಾಯಿನ ಕಾಪುದ ಮಧ್ವರಾಯರ್, ಮೂಲ್ಕಿದ ಸೀತರಾಮೆ‌ರ್, ಕುಡ್ಲದ ಸರ್ವೋತ್ತಮ ಪೈ, ಇಸ್ರಾಯೇಲ್ ಆರೋನ್ಸ್, ಶಿವರಾವ್‌ ಇಂಚಿತ್ತಿನಕುಲೆನ ಸಹಾಯ ಪಡೆತೆರ್ ಪಂಡ್ಸ್ ಮುನ್ನುಡಿಡ್ ಬರೆತೆ‌ರ್. ಈ ರಡ್ಡ್ ನಿಘಂಟನ್ ಡೆಲ್ಲಿದ ಎಷ್ಯನ್ ಎಜುಕೇಶನಲ್ ಸರ್ವಿಸ್ ಸಂಸ್ಥೆ ಪಿರ ಅಚ್ಚಿ ಮಲ್ತೆರ್ ಅತ್ತಂದೆ ಪಿಡಿಎಫ್ ಮಾದರಿಡ್ ಅಂತರ್‌ಜಾಲೊಡುಲಾ ತಿಕ್ಕುಂಡು. ಅಂಚಾದ್ ಉಂದೆನ್ ಇತ್ತೆಲಾ ಬಳಕೆ ಮಲ್ತೊಂದುಲ್ಲೆರ್ . ಈ ರಡ್ಡ್ ನಿಘಂಟುಲು ತುಳುತ್ತ ಸುರುತ್ತ ನಿಘಂಟುಲು ಪನ್ಪಿ ಪುಗರ್ತೆನ್ ಪಡೆತ್ತ್ಂಡ್. 1915ಡ್ ದೇಶೀಯರಾಯಿನ ಆರ್. ಟಿ. ಮಾಬೆನ್ ಪನ್ಪಿನರೆಡ್ಡ್ ಕನ್ನಡ-ತುಳು-ಇಂಗ್ಲಿಷ್ ಭಾಷಾಮಂಜರಿ ಪನ್ಪಿ ಬೂಕು ಪ್ರಕಟ ಅತ್‌ಂಡ್. ಉಂದು ಸಂಭಾಷನೆದ ರೂಪೊಡು ಇತ್ತ ತುಳು ಬಾಷೆನ್ ಇತರ ಬಾಸೆಲೆಡ್ ಕಲ್ಪುನ ಪುಸ್ತಕ ಆದುಂಡು.
ಪ್ರಾಥಮಿಕ ಶಿಕ್ಷಣ:- ತುಳುನಾಡ್‌ದ ಅಪ್ಪೆಬಾಸೆ ಆಯಿ ತುಳುಟ್ಟೇ ಶಿಕ್ಷಣ ಕೊರೊಡು ಪನ್ಪಿ ನಿಲೆಟ್ ಬಾಸೆಲ್ ಮಿಶನ್‌ದಕುಲು ತುಳು ಪಾಟೊಲೆ ದುಂಬುದ ಪುಸ್ತಕ(1862) ತುಳು ಪಾಲ್ಗೊಲೆ ರಡ್ಡನೆ ಪುಸ್ತಕ(1862) ತುಳು ಅಕ್ಷರ ಮಾಲೆ(1890) ಈ ಮೂಜಿ ಬೂಕುಲೆನ್ ಪ್ರಕಟ ಮಲ್ತೆರ್ ಅತ್ತಂದೆ ತುಳುನಾಡ್‌ದ ಶಾಲೆಲೆಡ್ ತುಳು ಕಲ್ಪೆರೆಲಾ ಸುರು ಆಂಡ್. ಆಂಡ ತುಳುವರೇ ಎಂಕಲೆಗ್ ಆಡಳಿತ ಬಾಸೆಡ್ ಶಿಕ್ಷಣ ಬೋಡು,
