ಮಹಾತ್ಮ ಗಾಂದಿ ವೇದವಾಕ್ಯ ಆಯಿನ ಗ್ರಾಮೋದ್ಯೋಗ ನಮ್ಮ ಬ‌ದ್ಕ್ನ್ ಒರಿಪಾವು ಪಂಡ್‌ಂಡ ತಪ್ಪಾವಂದ್‌.
ಬಸವಣ್ಣನ ಅನುಭವಮಂಟಪೊಡು ಕಲಿ ಮಾರುನ ಒರಿ ಶರಣನ ವಿಚಾರ
ಬಪ್ಪುಂಡು. ಬಸವಣ್ಣಗ್ಲಾ ಕಲಿ ಮಾರುನಾಯಗ್‌ ಒಲ್ತ ಸಮ್ಮಂಧ ಪನ್ರಿ ಪ್ರಶ್ನೆ
ನಮಡ ಬರಿಯೆರೆ ಸಾದ್ಯ ಉಂಡು. ಬಸವಣ್ಣೆ ಕಟ್ಟಿನ ಅನುಭವ ಮಂಟಪ ಜಾತಿ,
ಬಣ್ಣ, ಲಿಂಗ, ಬೇದೊಲೆನ್ ದೆತ್ತ್ದ್ ಪಾಡ್ದ ದ್ ಎಡ್ಡೆ ಮನಸ್ಸದ ಸಮಾಜೊನು
ನಿರ್ಮಾಣ ಮಲ್ಲುನ ಕಲ್ಪನೆನ್ ನಂಕ್ ತೋಜಾದ್ ಕೊರುಂಡು. ಉದ್ಯೋಗೊಡ್ಡು
ನರಮಾನಿನ್ ಲಪ್ಪೆರೆ ಆವಂದ್. ವಾ ಉದ್ಯೋಗ ಆಂಡಲಾ ಅವು ಶ್ರೇಶ್ಟದವು.
ನೂಲುದ ಬೇಲೆದ ನುಲಿಯ ಚಂದಯ್ಯ, ಕಣಕ್ ಮಾರುನ ಮೋಳಿಗೆ ಮಾರಯ್ಯ,
ಸಮಗಾರೆ ಹರಳಯ್ಯ, ಸುಂಕದ ಬಂಕಣ್ಣ, ಮಡಿವಾಳೆ ಮಾಚಿತಂದೆ, ಅಂಬಿಗರ
ಚೌಡಯ್ಯ, ಹೆಂಡದ ಮಾರಯ್ಯ, ಇಂಚ ಮಾತ ವೃತ್ತಿಲೆಗ್ ಐತ್ತವೇ ಬಿಲೆ ಇತ್ತಂಡ್.
ಕುಲ ಕಸುಬು ಇಜ್ಜಾಂಡ ಉಪ ಕಸುಬುಲು ಹೆಚ್ಚ ಬಂಡವಾಳ ದಾಂತೆ
ಮಲ್ಪುನವು, ಐಕ್ ಬೋಡಿತ್ತಿ ಕಚ್ಚಾ ವಸ್ತುಲು ಪಿದಯಿಡ್ಸ್ ಬಲ್ಪನವು ಅತ್ತೆ ನಮ್ಮಲೆ
ತಿಕ್ಕುನವು, ಮಾರಾಟೊಗುಲಾ ಪಿದಯಿ ಕೊನೊದು ಮಾರೊಡಿಂದಿಜ್ಜಿ. ನಮ್ಮಲೆ
ಮಾರೊಲಿ, ಆರೋಗ್ಯ ದೃಷ್ಟಿಡ್ ನಮ ಮಲ್ತಿನ ಏತ್ ಎಡ್ಡೆನಾ ಅಂಚನೇ ನಮ್ಮ
ಊರುಡು ಆಪಿನ ಇಂಚಿತ್ತಿ ಕೈ ಕಸುಬುಲು ನಮ್ಮ ಆರ್ಥಿಕ ವ್ಯವಸ್ಥೆಗ್
ಬುನಾದಿಯಾದುಂಡು. ಇಂಚಾದ್ ಇಂಚಿತ್ತಿ ಕಸುಬುಲೆಗ್ ಬಿಲೆ ಕೊರ್ಕ, ಪ್ರೋತ್ಸಾಹ
ಮಲ್ಪುಗ, ಮದಪಂದಿಲೆಕ್ಕ ತೂಕ.
ನಮ್ಮ ಭಾರತ ದೇಶ ಹಳ್ಳಿಲು ಉಪ್ಪು ದೇಶ. ಗ್ರಾಮ ಸ್ವರಾಜ್ಯ, ಗುಡಿಕೈಗಾರಿಕೆ,
ಖಾದಿ ಗ್ರಾಮೋದ್ಯೋಗೋ ಉಂದು ಮಹಾತ್ಮ ಗಾಂಧೀಜಿನ ಕನ. ಉಂದೆಕ್ಕಾದ್ ಸರಕಾರಲಾ
ಕುಲ ಕಸುಬುಲೆಗ್, ಗುಡಿ ಕೈಕಾರಿಕೆಲೆಗ್, ಉಪ ಕಸುಬುಲೆಗ್ ಬೆರಿ
ಸಾಯ ಕೊರೊಂದುಂಡು. ಇತ್ತಿತ್ತೆ ನೇಕಾರ ಸಂಘ, ಮೂರ್ತೆದಾರರ ಸಂಘ,
ಕುಂಬಾರರ ಸಂಘ, ಮೀನುಗಾರರ ಸಂಘ, ಇಂಚ ಬೇತೆ ಕುಲ ಕಸುಬುಲೆಗ್ ಗುಡಿ
ಕೈಗಾರಿಕೆಲೆಗ್ ಸಂಘ ಸಂಸ್ಥೆಲು ಪುಟೊಂದು ಬೆನೊಂದುಂಡು. ಇಂಚಿತ್ತಿ ಸಂಘ
ಸಂಸ್ಥೆಲೆಗ್ ನಮ್ ಬೆರಿ ಸಾಯ್ ಕೊರೊಂದಿತ್ತ ನಮ್ ಬದ್‌ಕ್‌ ನಮ
ಗುಡಿಕೈಗಾರಿಕೆಲು, ಕುಲಕಸುಬುಲು, ಉಪ ಕಸುಬುಲು ಒರಿಯಡ್ ಪನವೇ ನಮ್ಮ
ಆಶಯ ಆವಡ್,
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು... 2 203
