ತುಳುನಾಡ್‌ದ ಕ್ರೈಸ್ತೆರ್ ಒರಿಪಾವೊಂದು
ಬತ್ತಿ ಪಾರಂಪರಿಕ ಗೇನ
ತುಳುನಾಡ್‌ಡುಪ್ಪುನ ಕ್ರೈಸ್ತರೆ ಆಚಾರ ವಿಚಾರೊಲು ತುಳುನಾಡ್‌ದ
ಸಂಸ್ಕೃತಿಗ್ ಹೊಂದೊಂದು ಪೊವೊಂದುಂಡು, ಕ್ರೈಸ್ತರೆ ನಂಬಿಕೆ ಆರಾಧನೆ ಬೇತೆ
ಆದುಪ್ಪು. ಆಂಡ ಓದುನ ಧರ್ಮಶಾಸ್ತ್ರ ಅವು ತುಳುನಾಡ್ಡ್ ಪಾತೆರುನ ಕನ್ನಡ,
ತುಳು, ಕೊಂಕಣಿಡ್ ಉಂಡು. ಅಂಚಾದ್ ಮೂಜಿ ಬಾಷೆನ್‌ಲಾ ಧರ್ಮಶಾಸ್ತ್ರ ಓದರೆ ಕಲ್ಪೆರೆ ಬಳಕೆ ಮಲ್ಲುವೆರ್. ಆರಾಧನೆಡ್ ಬೊಕ್ಕ ಇಲ್ಲಲೆಡ್ ಮಲ್ಪುನ ಭಜನೆ,
ಸಂಗೀತೊಲೆಡ್ ಹೆಚ್ಚಿನವು ಜರ್ಮನ್ ಬೊಕ್ಕ ಪೋರ್ಚ್‌ಗೀಸ್ ಶೈಲಿದವು ಆಂಡಲಾ
ಇತ್ತೆ ದೇಶಿಯ ಬೊಕ್ಕ ಜಾನಪದ ಶೈಲಿದ ಪದೊಕ್ಲೆನ್ ಹೆಚ್ಚ ಬಳಕೆ ಮಲ್ಪುನ ಕ್ರಮ
ಬೈದ್‌ಂಡ್.
ತುಳುನಾಡ್‌ ಪ್ರೊಟೆಸ್ಟಂಟ್‌ ಕ್ರೈಸ್ತರೆ ಅರಾಧನೆಲೆಡ್ ತುಳು ಹೆಚ್ಚ ಬಳಕೆಡ್
ಉಂಡು. ತುಳುಟ್ಟು ಬೈಬಲ್ ಪಠನ ಇತ್ತೆಲಾ ನಡಪುಂಡು, ಬೊಕ್ಕ ಪ್ರವಚನಲಾ
ತುಳುಟ್ಟು ಕೊರ್ಪೆರ್, ಅಂಚಾದ್ ಕ್ರೈಸ್ತರೆ ದೇವಾಲಯೊಲೆಡ್ ಬಳಕೆ ಮಲ್ಪೆರೆ 251
ರಾಗೋಲು ಉಪ್ಪುನ ತುಳುತ್ತ ಬೂಕು ಉಂಡು.ಈ ಬೂಕು 1864ಡ್ದ್ ಪ್ರಕಟ ಆವರೆ
ಸುರು ಆತ್‌ಂಡ್, ಉಂದುವೇ ಬೂಕುಡು 440 ಕನ್ನಡ ರಾಗೊಲುಲಾ ಉಂಡು. ಈ
ರಾಗೊಲು ಮಾತಲಾ ಜರ್ಮನ್ ಬಾಸೆಡ್ದ್ ಕನ್ನಡ ಬೊಕ್ಕ ತುಳುಕ್ಕು ತರ್ಜುಮೆ
ಆತಿನವು ಆದುಂಡು. ಅತ್ತಂದೆ ಐಕ್ ಮಾತೆಕ್ಕ್‌ಲಾ ಜರ್ಮನ್ ಸ್ವರೊಕ್ಕುಲೇ ಉಂಡು.
ತುಳು ಕೀರ್ತನೆಲು ಬೊಕ್ಕ ಜಾನಪದ ಶೈಲಿದ ತುಳು ಪದೊಕ್ಕುಲುಲಾ ಇಲ್ಲೆಲೆಡ್
ಬೊಕ್ಕ ದೇವಾಲಯೊಲೆಡ್ ಬಳಕೆ ಆವೊಂದುಂಡು.
ತುಳುಟ್ಟು ಸತ್ಯವೇದದ ಒಂಜಿ ಭಾಗ ಆಯಿ ಹೊಸ ಒಡಂಬಡಿಕೆ ಪನ್ನಿ ಗ್ರಂಥ
ಉಂಡು, ಉಂದು 1847ಟ್ಟ್ ಸುರುಟ್ಟು ಮುದ್ರಣ ಆದಿತ್ತ್‌ದ್ ಮಸ್ತ್ ಸರಿ ಪರಿಷ್ಕರಣೆ
ಆದಿತ್ತಂಡ್. ಉಂದುವೇ ಹೊಸ ಒಡಂಬಡಿಕೆ ಇತ್ತೆ ಬಳಕೆಡುಪ್ಪು ತುಳುಕ್ಕು ತರ್ಜುಮೆ
ಮಲ್ಪು ಕಜ್ಜ ನಡತೊಂದುಂಡು. ತುಳುನಾಡ್ಡ್ ಕ್ರೈಸ್ತ ಸಭೆ ಸ್ಥಾಪನೆ ಆಯಿನೆಡ್ಡಿಂಚಿ
ಆರಾಧನೆಡ್ ಬಳಕೆಡಿತ್ತಿ ಬಾಸೆ ಅವು ತುಳು, ಅಂಡ
ಇತ್ತೆ ಪೇಂಟೆದ
ದೇವಾಲಯೊಲೆಡ್ ಕನ್ನಡದಕುಲು ಬತ್ತದ್ ಸೇರೊನ್ನೆಡ್ದ್ ಪೇಂಟೆಲೆಡ್ ಹೆಚ್ಚ
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...191
