ಇಂಚಿತ್ತಿ ಮಸ್ತ್ ಗಣ್ಯೆರ್ ಭಾಗವಹಿಸದಿತ್ತೆರ್.
ಹರಿಜನೊದ್ದಾರ, ಖಾದಿ ಗ್ರಾಮೋದ್ಯೋಗ, ಹಿಂದೀ ಪ್ರಚಾರ, ಪತ್ರಿಕಾ
ಬರವಣಿಕೆ ಇಂಚ ಬಗೆ ಬಗೆಟ್ ಜನಜಾಗೃತಿ ಮಲ್ತೊಂದಿತ್ತೆರ್. ಗಂಗಸರ ವಿರುದ್ಧ
ನಡತಿ ಚಳವಳಿದಪಗ ಪರಡೆ ಕಲಿ ಗಂಗಸರೊ ಪನ್ಪಿ ತುಳು ಪದ ಓಣಿ ಒರ್ಕುಲೆಡ್
ಕೇನೊಂದಿತ್ತ್ಂಡ್‌ಗೆ. ಉಂದು ತುಳುನಾಡ್‌ಡ್ ನಡತಿ ಸ್ವಾತಂತ್ರ್ಯ ಚಳವಳಿದ ಚಿತ್ರಣ.
ಸತ್ಯಮಿತ್ರ ಬಂಗೇರು, ಕ್ರೈಸ್ತರಾದ್, ಕ್ರೈಸ್ತ ಸಂಸ್ಥೆಡ್ ಬೇಲೆ ಮಲ್ತೊಂದು ಉಪ್ಪುನಗ
ತಾನ್ ತನ್ನ ನಾಡ್‌ಗಾದ್ ಸೇವೆ ಮಲ್ಪೋಡು ಪಂಡ್ದ್ ಈ ಕ್ಷೇತೊಗು ಜತ್ತ್‌ದ್ ತಾನ್
ಸೈಪಿನೆಟ್ಟ ಇತ್ತ್‌ದ್ ಮದಪೆರಾವಂದಿ ತುಳುವೆರಾಯೆರ್.ಆರ್ ತನ್ನ ಕೃತಿ ಅಳಿಯ
ಸಂತಾನ ಕಟ್ಟ್‌ದ ಗುಟ್ಟುನು ಮಿಶನ್ ಪ್ರೆಸ್‌ಡ್ ಅಚ್ಚಿ ಮಳ್ಳಾವಂದೆ ಉಡುಪಿಡ್ ಅಚ್ಚಿ
ಮಲ್ತ್‌ದುಪ್ಯೆರೆ ತನ್ನ ದೇಶಾಭಿಮಾನನೇ ಕಾರಣ ಆದಿಪ್ಪೋಡು. ಆರ್ ಮಿಶನರಿಳೆನ್
ದೂರಂದೆ ಅಗಲ್ನ ಸೇವೆನ್ ಪುಗರ್ಪೆರೆ ಪನ್ಪಿನೆಕ್ ಅರ್ ಬರೆತಿ 'ಮಿಶನರಿಳುಲಾ ತುಳು
ಬಾಸೆಲಾ' ಪನ್ಪಿ ಲೇಖನ ಸಾಕ್ಷಿ ಆದುಂಡು. ಬಂಗೇರ್ರೆನ ಜತೆತ್ತಾರ್ ಆದಿತ್ತಿ
ಪಡಿಯಾಡಿಯೆ‌ರ್‌ಲಾ ಪರಂಗಿದಕುಲು ಮೂಲು ಬತ್ತದ್ ತುಳುಟ್ಟು ಬೆನ್ನಿ ಬೆಂದರ್‌ಗೆ
ನಂಕ್ ದಾಯೆ ಆಪುಜಿ ಪನ್ಪಿ ಆರ್ ಅಗುಲೇ ಎಂಕ್ ಗುರು ಪಂಡ್ದ್ ಪಂಡ
ತಪ್ಪಾವಂದ್ ಪಂಡ್ದ್ ಪನ್ಪೆರ್. ಕ್ರೈಸ್ತೆರೆಡ್ ದಕ್ಷಿಣ ಕನ್ನಡ ಜಿಲ್ಲೆಡ್ ಸ್ವಾತಂತ್ರ್ಯ
ಚಳವಳಿಡ್ ಭಾಗವಹಿಸ್‌ದಿನ ಬಂಗೇರ್ರು ಅತ್ತಂದೆ ಬೇತೆ ಬೇತೆ ಚಳವಳಿಡ್
ಭಾಗವಹಿಸಿದಿನ ಉಚ್ಚಿಲದ ಟಿ. ಎಮ್, ಸೋನ್ಸ್, ಬೆದ್ರದ ಆರ್ಲ್ಬಡ್ ಸೋನ್ಸ್,
ಬೊಲ್ಯದ ಅಬ್ರಹಾಮ್ ಅಮ್ಮನ್ನ, ಕುಡ್ಲದ ಎಬ್ರೇಜರ್ ಸೋನ್ಸ್, ಶದ್ರಾಕ್ ಸೋನ್ಸ್
ಸಿಂಸನ್ ಸೋನ್ಸ್ ಇಂಚಿತ್ತಿನಗಲ್ನ ಪುದರುಳುಲಾ ಕೇಂಡ್ದ್ ಬರ್ಪುಂಡು. ಡಾ. ಪೀಟರ್
ಪ್ರಭಾಕರ್ ಬರೆತಿ ಸತ್ಯಮಿತ್ರ ಬಂಗೇರ್ರೆನ ಬದ್‌ಕ್ ಬರವು ಪನ್ಪಿ ಕೃತಿಟ್ಟ್ ನೆತ್ತ ಬಗ್ಗೆ
ಒಂತೆ ವಿಟಾರೊಲು ತೋಜಿದ್ ಬತ್ತ್ಂಡ್ ನೆತ್ತ ಬಗ್ಗೆ ವಾ ಸಂಶೋಧನೆಲ್ಲಾ
ಈತ್‌ನೆಟ್ಟ ನಡತ್‌ಜಿ.
ಸ್ವಾತಂತ್ರ್ಯ ಸಂಗ್ರಾಮೊಡು ಮೂಡ್ಡು ಬತ್ತಿನ ಐಕ್ಯ, ಜಾಗೃತಿ, ದೇಶಾಭಿಮಾನ
ಅಂಚೆನೇ ಸಾಮಾಜಿಕ ಬೇಲೆ ಬುಳೆಯಿ ರೀತಿಳೆನ್ ಪ್ರತ್ಯೇಕವಾದ ಅಧ್ಯಯನ
ನಡಪೊಡು. ಇಂಚಿತ್ತಿ ಗೇನ ನಂಕ್ ಮಾತೆರೆಗ್ ಉಪ್ಪೊಡು ಅಂಚಾಂಡ ಮಾತ್ರ ತುಳು
ಸಾಹಿತ್ಯೋಡು, ಸ್ವಾತಂತ್ರ್ಯ ಸಂಗ್ರಾಮೊಡು ನಮ್ಮ ಜಿಲ್ಲೆದ ಜನೊಕ್ಲು ಬೆಂದಿನೆನ್ ನೆಂಪು
ಮಳ್ತೊಂಡಿಲೆಕ್ಕ ಆವು ಪನ್ಪಿನವೇ ಎನ್ನ ಆಶಯ.
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು... 125
