ಉದ್ದೇಶೋಡು ತುಳುವ ಮಹಾ ಸಭೆತ್ತ ಸೇವೆಗಾದ್ ಈ ಪುಸ್ತಕೊನು ಬರೆತೆ, ಅರೆನ
ಕೃತಿ ಸಂಶೋಧನೆ ಮಳ್ಪುನಗಲೆಗ್ ಒಂಜಿ ಸವಾಲಾದುಂಡು ಪಂಡ್ಂಡ
ತಪ್ಪಾವಂದ್. ಚರಿತ್ರೆದ ನಿರೆಲ್, ಪುರಾಣೋಳೆ ಸಾಕ್ಷಿ, ಬೈಬಲ್‌ದ ಸಾಕ್ಷಿ. ಇಂಚ
ಸಂಶೋಧನೆ ಮಳ್ತ್‌ದ್ ಬರೆತೆರ್, 38ನೆ ಪುಟೊಟ್ಟು ಆ ಕಥೆ ಉಂಡಾವರ ಕಾರಣ
ಪನ್ಪಿ ತರೆಬರಹದ ಅಡಿಟ್ಟ್ ಕ್ರೈಸ್ತ ಮತ ಪ್ರಚಾರಕೆರ್ ಪ್ರೊಪಗಾಂಡ ಕಥೆಲು ಅಂದ್‌‌ದ್
ಬೇತೆ ಬೇತೆ ಕತೆಳೆನ್ ರಚನೆ ಮಳ್ತ್‌ದ್ ಬರೆವೊಂದು ಉಳ್ಳೆ‌ರ್ ಪಂಡ್ದ್ ಬರೆತೆರ್.
ಯಾನ್ ಎನ್ನಿನ ಪ್ರಕಾರ ಉಂದು 1858 ಡ್ ಬಾಸೆಲ್ ಮಿಶನ್ ಪ್ರೆಸ್ಡ್ ಬೂತಾಳ
ಪಾಂಡ್ಯನ ಅಳಿಯ ಕಟ್ಟ್ ಪನ್ಪಿ ಬೂಕು ಪ್ರಕಟ ಆತ್ಂಡ್. ಈ ಕೃತಿತ ಬಗ್ಗೆನೇ ಆರ್
ಆಂಚ ಬರೆದುಪ್ಪೊಡು.
ಅಂಚಾದ್‌ ಈತ್‌ ನೆಟ್ಟ ಪ್ರಕಟ ಆತಿ 1858 ದ ಬಾಸೆಲ್ ಮಿಶನ್ ಪ್ರೆಸ್ಡ್
ಪ್ರಕಟ ಆತಿ ಬೂತಾಳ ಪಾಂಡ್ಯ ಅಳಿಯ ಕಟ್ಟ್, ಬೊಕ್ಕ 1898 ಪ್ರಕಟ ಆತಿನ ಗಂಗೊಳ್ಳಿ
ಕೃಷ್ಣ ರಾವ್ ರೆನ A Treatise on Aliya Santana Law and Usage,
1919 ಡ್ ಪ್ರಕಟ ಆಯಿ ಶಿನಪ್ಪ ಹೆಗ್ಡೆರೆನ ದಕ್ಷಿಣ ಕನ್ನಡ ಜಿಲ್ಲೆ ಮತ್ತು ಭೂತಾಳ
ಪಾಂಡ್ಯನ ಅಳಿಯ ಕಟ್ಟು, 1930 ಡ್ ಪ್ರಕಟ ಆಯಿ ಸತ್ಯಮಿತ್ರ ಬಂಗೇರೆನ ಅಳಿಯ
ಸಂತಾನದ ಗುಟ್ಟು ಈ ನಾಲ್ ಕೃತಿಕ್ಕುಲು ಸಂಶೋಧನೆಗ್ ಒಂಜಿ ವಿಷಯನೇ
ಆದುಂಡು.
ಸತ್ಯಮಿತ್ರ ಬಂಗೇರ್ರು ಸಾಹಿತಿ ಮಾತ್ರ ಅತ್ತ್. ಆರ್ ಸ್ವಾತಂತ್ರ್ಯ ಚಳವಳಿಡ್‌‌ಲಾ
ಇತ್ತೆರ್, ದಕ್ಷಿಣ ಕನ್ನಡ ಜಿಲ್ಲೆಡ್ ತೋಜಿದ್ ಬರ್ಪಿನಾತ್ ಮತ ಧರ್ಮೊಳೆ ವೈವಿದ್ಯ
ಮಸ್ತ್ ಊರುಳೆಡ್ ತೋಜಿದ್ ಬರಂದ್, ಮತ ಧರ್ಮೊಳೆ ವೈವಿದ್ಯತೆಡ್ ಏಕತೆನ್
ತೂವೊಡಾಂಡ ದಕ್ಷಿಣ ಕನ್ನಡ ಜಿಲ್ಲೆ ಒಂಜಿ ಮಾದರಿ ಆದುಂಡು. ಮೂಳು ವಾ
ಒಂಜಿ ಜಾತಿದಾಯೆ ಕುಡೊಂಜಿ ಜಾತಿದಾಯನೊಟ್ಟುಗು ತನ್ಕುಳೆ ಗೌರವೊನು
ಕಾತೊಂದು ಬಾಕಿ ಜಾತಿದಕಲೆನ್ ಗೌರವ ಮಳಪುನವು ಮೂಳು ನಡತೊಂದೆ
ಬೈದ್ಂಡ್, ದೇವಾಲಯ, ದೇವಸ್ಥಾನೊಳೆಡ್ ತನ್ಕುಳೆಗ್ ತಿಕ್ಕೊಡಾಯಿ ಸ್ಥಾನೊಗಾದ್ ಕೋರ್ಟುದ ಮುಟ್ಟುಲ ಮಿತ್ತರಿನಕುಲು ಉಪ್ಪು, ಆಂಡ ನಿಗಲ್ನ ದೇವೆರ್ ಅತ್ತ್
ಜಾತಿಲಾ ಅತ್ತ್ ಪಂಡ್ದ್ ಎರ್ಲಾ ಏರೆಗ್ಲಾ ಹಲ್ಕಿ ಮಳ್ವುಜೆರ್, ನೆಟೆ ನಮ ಜಾತಿಗ್ ಜಾತಿ
ಪಗೆ ನಾಯಿಗ್ ನಾಯಿಗ್ ನಾಯಿ ಪಗೆ ಪನ್ಪಿ ಗಾದೆನ್ ನೆಂಪು ಮಳ್ತೊನೊಲಿ.ದಕ್ಷಿಣ
ಕನ್ನಡ ಜಿಲ್ಲೆದ ಸ್ವಾಂತಂತ್ರ್ಯ ಚಳವಳಿಡ್ ಹಿಂದೂ, ಮುಸಲ್ಮಾನ, ಕ್ರೈಸ್ತ ಪನ್ಪಿ ಬೇದದಾಂತೆ ಮಾತ ಜಾತಿದಕುಲು ಭಾಗವಹಿಸದೆ‌ರ್ ಪಂಡ್ದ್ ನಮ ಚರಿತ್ರೆಡ್ ತೂಪ.
1915ಮುಟ್ಟ ಜಿಲ್ಲೆದ ಜನೊಕ್ಲಗ್ ಸ್ವರಾಜ್ಯದ ಕಲ್ಪನೆ ಇತ್ತ್‌ಜಿ. 1916 ಬೊಕ್ಕ
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
123
