| 4 | ЯКСТЕРЕ ТЕШТЕ. | № 39 |
| Конкурсонь кувалт. |
Таркасто кевкснить-лиссь эзь букварьде мейле васенце ловнума кинига? Лись дерей, вешить газетсэ сермадомо оглавлениязо. Васенце ловнума кинигась сермадозь, но комиссия ощо эссе прима. Секс редакция оглавлениянть а сермады. Омбоце ловнума киниганть эряви сермадомс комплексной методсо гусонь программанзо кувалт. Кинигантень эряви кой мезе сермадомс эрзянь эрямо чиде, чтобу содержаниязо улевель эрзянь пакшатнень седе чарькодевикс.
Улить кевксницят — кода ловомс вейке печатной листэнть?
Вейке печатной листсэнть 40.000 печатной значокт (букват, запятойть).
| ВЕЛЕНЬ СЁРМАТ. |
| Пек енсто ютафтынек. |
| (Полудневский вол., Бугурусл. у. Самар. губ.). |
Минек волостьсэнэк 7—8 декабрянть чистэ ульнесь волостень Советень С‘езд, косо весемезэ ульнесть 26 делегат. Ламо тевинь кувалт кортасть напр.: 1) Ульнесь доклад „весе масторонь тевтнень эйстэ“, 2) Уисполкомонь роботадонть, 3) Виконь роботадонть, 4) Волостной бюджетэнь кувалт, 5) Модань кувалт, 6) Культурно-просветительной роботань кувалт, газетонь сермадомань коряс и лият месть. Народось весемезэ ульнесь сядодо ламо. Омбоце чистэнть сакшность педтехникумонь тонафтницятнэ практической урокс. Ве чокшне делегатнэнень путнесть спектаколь безплатной. С‘ездонть прядызь интернационалонь моразь. С‘ездсонть делегатнэ ульнесть 14 ломань эрьзят, 6 руст и 3 хохолт. 7 партийной члент, вейке комсомолец, остаткатнэ ульнесть безпартийнойть. Ават вейкияк арасельт. Волостной С‘едэсь ютась, пек енсто истя знярдояк эзь эрце, штобо кафто чить — таргаволь С‘ездэс. Кочкинек 7 ломать уездной С‘ездс юткстост 4 ломат эрзят, 1 хохол, 2 руст, вейке учитель педтехникумсто. Викс кочкинек 2 эрьзят, 1 хохол. 1 член РКП(б.), 1 кандидат и 1 безпартийной. Ну, ней карматанок ваномо, кода кармить роботамо од волостень составось.
Эрьзянь цера.
| Кода минь ютафтынек волостень с‘ездонть“. |
| (С.-Кармалинской вол., Бугурусл. у., Самар. губ.). |
А умок, декабрянь 7 чистэ ульнесь минек волостьсэ собрания, косо кочкинек од ломать волостьсэнть робутамо. Те собраниясонть ульнесть 32 делегат и ламо кулцоницят. Тейнесть ламо докладт и ковто чить таргавсь те собраниясь. Пек парсте ютась собраниясь и ламо ломать листнесть кортамо. Волостентей мекевь кочкизь секе председателенть, членэкс. Ней минь мердянок тенст, што кочкафт тынь роботамо минек волостсэ и тынь роботанк эйсэ уш лац кармадо ветямо, ато карматанок лангозонк ваномо косойстэ, коли тынь берянстэ тефненень эйсэ ветямо карматадо.
Ней ведь аволь икелень койтне, кодак туить алац тефтне, то сеск можна жалубамс ков эряви.
Вана, кодат састь, шкатнэ весе государствань тефтнень эйсэ карминек минць тееме и эсинек ломать эрьва козой кочкситянок! Анцяк вана мезе берянь, — Минек Кармалань эрьзятне эсист газет а сермацтыть и эсист кельцэ а сермадовольть ды а ловновольть. А нука эрьзянь председатель, невтика тон эрьзянь келенть и сермадта эрьзянь газетс весе волостень эрзятнень роботаст и сестэ тонть минь шнатазызь. А, ведь Щербаков Ялгась пек вадря ломанесь, парсте сон роботы!
Кармалинский.
| Модань тевень кувалт волостень промкс (с‘езд). |
Ноябрянь 29 чистэ Вязимской волостьсэ сокицянь кудос промсть 300 передовойть сокицят.
Кортасть вана мезинь кувалт:
1) Земельной сельско-хозяйственной политикадо сокицянь хозяйствасонзо.
2) Модань тевтнеде.
3) Паро сюро-видимань и паро скотинань кувалт.
Остатка кавто вопростнэнь кувалт тейсть долкладт землемер ды агроном.
Кортасть сынь кувать, сокицятнэ кулцонизь парсте.
Докладтонть мейле, сокицятнэ кармасть макснеме вопрост докладчикненень. Вопростнэ ульнесть анцяк модань кувалт.
Кортасть, што эряви сокамс од койсэ ташто коенть эряви кадомс. Кортасть, што икеле землемертнэ и агрономтнэ минек лангс ваность берякс.
Месть кортасть землемертнэ ды агрономтнэ сокицятнэ мартост согласясть, анцяк сынь мерсть, штобо кепедемс хозяйстванть, кирдемс паро скотина эрявить ярмакт, ярмактомо те тевенть теемс стака.
Базаев.
| Трудицянь кирьга лангсо усксить попт и строить церкува. |
Вере Нувалсо велень ямщик Тишка, конань велесь сиведизе 300 пондодо розьде. Ламо раз усксить Ташто Нувалонь попонть эйсэ служамо, якить тензэ сюронь пурнамо. Велень бедной ломатьне ваныть те лангс и кортыть: нать Советской властенть пингстэ-як минек сявдиксэнек лангсто а ертовить попне?
Миненек пек стака пандомс продналогось—как, налогось хоть эряви Государстванень, а уж попт ускемс минек ливезенть кис, те ков-гак а маштови. А сюпавтнэ лиякс морыть. Пазнэнь озномась ды попонь мелень ваномась сех паро тевь. Козой бу теемс народной кудо, школа, театра эрицятнэнень, а сынь остатка виесэст путыть, строить церькува. Строямс пурныть эрьва кодат сборт: розь, катват, алт, понат, канцерот, коцт и лият месть; весе сборось моли церкувань строямс.
Остатка вийсэст ютавтыть, штобо седи-як чопуда улевель сынст народось. Велесэнть 200 кудо, сынст ютксто кияк а получи газет, кияк а ловны кодат—как книгат. Весе народост ютксто анцяк ниле ломать парсте сермас содыцят. Конат мерить? Деданок эрясть школавтомо, эйкакшонок—как кармить эрямо.
Вана кода чопудасто эрить Вере Нувалонь эрицятнэ.
Ютыця.
| Минек веленок покш, вий ламо, а порядкась аламо. |
| (М.-Толкай, Полуднев. вол., Бугурусл. у. Самарск. губ.). |
Велесонок 3 тыща эрицят улить кой-мезень учрежденият: волость, фельдшерский пункт, 7 летка школа, педтехникум, ловнома кудо, спектакелень тейнима кудо, коммунистонь клуб, ячейка коммунистонь, комсомолонь-ячейка, кредит. т-ва и потреб. кооперациянь лавка. Служицятне весемезэ 25 ломаньшка. Тонафницятне 200 сядошка, коммунистнэ 19 и комсомолецне 45. Вана те цифратнень ланкс ванозь думамо можна, што роботаньте пек енсто улималь, а тефне аштить аволь пек парьсте, Виень коряс можна тефнень пек енсто нолдамс, а сынь иште а пекь лац молить. Напр.: газетанок стенной ули но берянь и рузокс сермадыть пакшатне, эйсондо вейкияк арась картинка; даром што техникумсонть ули художник, но сон мезияк тееме амаштуви, пакшатнень гак тонафты мезияк а теиме. Клубонок пек ен ушосто, а поцто берянь и апак уштни эри. Спектаколень кудосонть „декорацият арасть кодаткак и читальнясонть кинишкатне ташт и аламо.“
Ячейкась комсомолонь тефнтнень вете аволь уш пек енсто и вдобавок ютксост улить пек уш покшкафницят особенно тонфтницятне техникумонть.
Партийной ячейкась аламо руководи учреждениятнень эзга и коммунистне слабойть и улить те шкамс не грамотнойть, улить аламошка кумышкань симицят. Собраниясост пек ен доклад а эрить, кода тейнить лия масторга, народось и иште кой мнзень коряс. Мон ванан лангозост, арьцян и што дружнасто кундазь и енсто ветязь, тефнень можна пек енсто ладямс. А ну-ка парьсте кундадо тевезонк весе вейсэ и тынк тевесь енсто сестэ туи!
„Ало ульцень ломань“.
| А лац работыть. |
| (Мурза веле Ташто Захарвелень вол. Петровск. у. Саратовск. губ). |
1917 иестэ, кода каизь инязоронть, весе помещикень моданть максызь сюро видицянень, Мурза велень атятнэ кармасть явшеме моданть эйсэ эрьва иестэ Лоткасть моданть навозыявтомонзо, навозонть эйсэ кармасть усксеме латков эли ведь берекс. Секе веденть эйстэ сайнить симемс, косо навозонть эйстэ лисить эрьва кодат вешкинька животнойт. Конатннэнь эсь сельмесэ а наявить, анцяк увеличительной стеклань пачк. Рузокс мерить эйстэст (микробы). Кевкстинь мон атятнэнь: Мейсь тынь емафтнитядо навозонть эйсэ а усктадо ума лангс. Сынь мерить. Мейсь мон карман умань эйсэ навозыявтомо, тедиде навозыявса, а сы иене саты лиянень конась эсь моданзо эзизе навозыявт. Атят, арседе тынь, зняро эрьва иенте тейдядо эстенк берянь тевть моданть кувалт. Навозось, кона туи тундонь ведь мельга, сон тоненьть максоволь бу уманть лангс лишной зерна и олго, сестэ аволть бу пель тон засухадонть.
Истя атят, арседе кода а емавтомс стяко навозонть.
П. Ф. Еремкин.
| Сермань парго. |
Тремазовнэнь. Германской войнань инвалид, роботамо мезеяк не может, низэ сэредиця и вейке пакшаст ниле годсо, хозяйстваст кодамояк арась. Тон кевкснят максыть а максыть те инвалидэнтень кодамояк пособия?
Пособия максыть. Эряви кучомс заявления удостоверения маро Уездной отделс социального обеспечения (усобес). Тосо заявлениянзо вансызь и нейсызь кодамо разрядонь кувалт сонензэ эряви максомс пособия. Заявлениянтень удостовереният эрявить докторонь ды волисполкомонь пельде.
Тремазовнэнь. Коли модат саизь обществас, тон эйсэнзэ а сокат, а видят, то с. х. налог тонеть пандомс а сави. Налогонть панды се, кона моданть эйсэ соки—види.
Радаевнэнь. Тонть сермат умок кучозь ВЦИКс М. И. Калининэнь лемс.
Издатель: Центр. Издат. Народов СССР. |
| ||||||||||||||||||||||||||||||
| Главлит № 21.693. | 1-я типография Центр. Изд-ва Народов Союза ССР. Москва. Никольская, 10. | Тираж 1500. |
