|
Вейке номеронть питнезэ 4 к. | ||||||||||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| |||||||||||||||||||||||||||||||||||
| № 39. | 24 декабря 1924 г. | № 39. |
| Тонафтыцянь покш прумкс |
Минек республикасонок самай покш тев тонафтумань тев, эряви народонть тееме культурнойкс — сестэ витеви хозяйстванок, сестэ кеместэ карми ащеме, виевгады Советэнь властесь. Чтоб тонафтума тевесь ащезэ вадрясто, миненек эряви велень учителенть аравтомс истямо таркас, косо аящи сон кодамояк государствасо. Васнятак эряви витекс материальной положениянзо, чтобу велень учитель кодамояк нужа иляссо ней, чтобу весе превензэ путовлензе тонафтума тевс. Истя кортась Ленин ялганок. Но революциянь васенце иетнестэ минек арасель виенек седе вадрясто варштамс тонафтума тевенть енов. Ней хозяйстванок кармась аламонь—аламонь стямо пилге лангс. Коммунистэнь партиянь XIII промксос мерсь: ней минек фронтонок арасть, хозяйстванок кармась саеме вий, — эряви ней весе вийсэ паролгафтомс народонь тонафтума тевенть. Те иестэнть хоть эщо аволь _____но велень учителень материальной положенияст паролга_____. Велень учительнень чожделгафтызь партияс совамонть. Партиянь XIII промксось мерсь, те иестэнть пурнамо учителень С‘езд, чтобу седе вадрясто неемс тонафтума тевень лавчо енксонзо, неемс седе вадрясто тонафтыцянь нужанзо. Вана ней куроксто Январень 12 чистэ республикань эрьва таркасто прумить Московов тонафтыцят, пруми I Всесоюзной учительнь С‘езд. Те С‘ездэнтень сыть учителть каждой республикасто, областьстэ, губернясто. Прумить учителть каждой нациянь пельде. Эрзятнэнень а эряви кадовомс лия нациятнэде удалов. Эрзятнэнень дяк эсь пельдест, эряви кучомс делегатт. Сестэ эрзятнеяк те покш васенце Всесоюзной С‘ездсэнь ефтасызь эсь валост, кода седе вадрясто эряви путомс тонафтума тевенть вишка народтнэнь ютксо, эрзятнэнь ютксо. Эрзянь-мокшонь делегатнэ лия вишка нациянь делегатнэнь марто те С‘ездсэнть арсесызь нейсызь кода седе вадрясто эряви путомс тонафтума тевенть вишка народнэнь ютксо, чтобу сынст чопуда чисте седе курок ветямс Ленинэнь нефтезь валдо Киява.
| Комсомолонь роштува. |
| Панеде менельцэ эрицятнэнь и мастор лангсто тенет служицятнэнь. |
Сась декабрянь ковось. Комсомолонь икеле — покш тевть; анокстасо эсист роштуванень.
Те шканте весе велетнева покш прячертне кармить кульдирьдеме баягасо тердеме ломатнень церькував, косо сынст сельмест и пря потмост сувтасызь ладанонь качамосо. Сынст тожо забота — сусьнеме зепень варятнэнь, конат езавсть темной ломанинь ливезев копийкасо, ды чей кармить стукамо сусиксэ, анукстамо тарка сюронень и эрьва кодамо ярцамо пельнень, конань тензэ канды велень ломань.
Комсомолонь аволь истямо тевезэ. Сонензэ эряви те шкане аволь зепсэ варят пантлеме, мезе стувсь иень перть пря поц путомо, штобо рудайс эсь пря а вачкодемс. Народ икеле евтамо, што попнэ сынст эйсэ манчить, христоз кодамо-як арась.
История сонзэ эйстэ а сермады. Христозонть думизь попт эсь пекень пещамонь кис. Комсомол аволь сусикт карми урядамо, штобо тозой праздникень кис пурназь сюро каямо. Комсомол карми сермадомо анти религиозной плакатт и статейкат стенной газетас и ловномо сынст эйсэ озныця ломаннень. Эрзянь велесэ те тевенть лангс эряви вадрясто арсезь (думсезь) ваномс. Эрзянь велесэ ощо кеместэ ащи ломанень прясо, што а озномань кис каятадызь тов, косо пачк маряви авардима и пеень порима. Комсомолонь роштувасто эряви весе комсомолецтнэнень лисемс народ икелев и евтнемс, кода сынст эйсэ манчесть и маньчить. покш, прячертне.
Те чистэнть весе листяно менельцэ эрицянь служицятнэнь паро тевест евтнеме озныця ломаннень.
Комсомол, паньть велестэ попонь евкснэнь, сынст таркас евтак вал од эрямодо, косо а улить вейкень вейкень сявдекссэ эрицят.
Комсомолец С. 5876.
| Кода эряви празднувамс комсомолонь роштуванть. |
Минь ютась икеле 3-е—4-е иетненень „комсомолонь роштованть“ празнувинек кой-кона велетнень эзга авуль истя кода эряви празнувамс.
Знярдо эно — монь кевкстясамизь — празнувамс? Сонзэ эряви празнувамс секе чинть карчо и секе чинть жо, кода попось празднувасы те празникенть ташто койсэ. Икеле иетнень комсомолось кой кува празнувызе эсь койсэ роштоваст 25-е декабрьсто од стиленть, знярдо народнэнь эщо пост. Мейле попонть празнувамсто комсомолтнэ таго празнувилть, но уш авуль эсь койсост, а попонь и весе народонь койсэ — орчить мазый панарт, рамить видьмат и гармуния марто яксисть ульцява истя жо, кода и весе од цератне, анцяк бути церьковов и славамо эсть яксе.
Празнувамскак эряви лиякс, ютась иетнень кой-конат комсомолтнэ эсь койсост празнувамсто пазонь карчо валт народнэнь ефнить, а мяйле истя жо, кода весе од цератне тейтертне марто молить кулцунеме, толонь пултамо од годонь карчо и миниксь-цюнокс орожиямо и гостень ловсо валямо.
Те праздникесь комсомолнэнь максузь авуль празнувамо ды гармуния марто ульцява якамо, а седе пек — роботамс народ ютксо ташто койтьнень карчо. Работамскак эряви авуль анцяк вяйке чи, но вясе святкатнень.
Аэряви анцяк авуль комсомолнэнь якамс кулцонеме, арожиямо, толонь пултамо и эщо кой месть, но и лиянень эряви толковамс те тевенть.
Ф. Шабалов.
| Комсомолонь робота велесэ. |
| (Казанинь губсовпартшкола). |
Минь партшколань кураснт, курок тутанок каникулав практической роботас. Миненек эрзянь секциясь сермадсь истямо план роботанть кувалт. Организовать велева комсомольской ячейкат конатнэнь эйстэ минек велева Татреснубликасо анцяк вейке ячейка. Организовать культурно просветительной кружокт, евтнемс эрзянь народонте эрзянь секциядонть, мезекс сон эряви миненек и кодат сонзэ задачанзо мокшонь-эрзянь народонть кувалт.
Ощо вейке пек покш план — евтнемс народонте, што Московсо, Пензасо ды Саратовсо сермадыть эрзянь мокшонь газетат, эрзянь-мокшонь кельсэ. Эряви евтнемс сюро видицятнэнень, штобо сынь выписали газетат: „Якстере Тештэ“ „Од веле“ и „Якстере Сокиця“.
Эрзянь народось пек чопуда, сынст арасть а кинишкаст, а газетаст, конатнэнь эйсэ ловновольть бу и содавольть мезэ теить, кода роботыть лия масторга.
Вана кодат ащить задачат минек партшколань курсантнэнь икеле. Эряви не задачатнень теемс эрзянь народоньть ютксо. Минь надиятанок, што хоть пелест не задачатнень теисынек. Каникуладо мейле, минь сермадтанок газетас „Якстере Теште“ весе роботанть, конань мин тейсынек. Минь карматанок бажамо, народонть аламодо сыргостамс, эряви тенст евтамс эрзянь газетадо, мезенькис сонзэ эйсэ печатыть и штобо сыньсь сермадовольть эсь нужадост, конатнэнь содасынек, што эрзянь-мокшонь сюро видицятнэнь ютксо ламо.
Курсант Никонов.
| Лия масторга. |
| Парижсэ Советань зданияньть (кудонть) вельксцэ кепецть якстере флаг. |
| Декабрянь 14 чистэ, Франциянь столицясо — Парижсэ — СССР-онь посольстваньть вельксцэ кепецть якстере флаг. |
Те праздникеньтень Красин ялгадонть башка сакшность: Раковский ялгась (англиясо посланникенок) Скобелев ялгась (минекь торговой представителенок Франциясо), Московской Советонь делегациясь и французской коммунистической партиянь представительтне.
Красин ялгась евтась истямо вал:
Сисемь иеть ютасть се шкастоньть, знярдо Россиянь пролетариатось ердызе инязоронь ды буржуень властеньть. А ней весе государстватне ловсызь Советской властенть виде законной властекс.
Франциясь весемеде кувац букакс лангозонок ваннось ды карчонок мольсь. Ней сон-гак кармась мартонок дружнасто эрямонь ладямо.
Франциянь признаниясь эряви ловомс Советонь покш победакс (изнямокс).
Чумбрасто эряст сокицятне ды робочейтне. Чумбра ды кеме улезэ СССР-онь правительствась.
Не валтнеде мейле кепидизь минекь якстере флагоньть.
| Буржуазной государстватне норовить Китаеньть керчазь кирдиманзо. |
Китаень народоньть, икелень властеньть пингстэ буржуазной государстватне керчакшнызь эрьва мезень стака договорсо. Неень Китай масторонь правительствась отказась не договортнень эйстэ. Тень кувалт весе лия масторонь державатне максть Китаень од правительстваньте сермат (заявленият).
Сынь сермадыть, што аньцяк сестэ ловсызь од властеньть законной властекс, знярдо сон весе икелень договортнень ловсыньзе законнойкс и карми кирдимаст.
Китаень правительствась отвечась тенст: „Саты истя-как ламо веренек потиде. Ней арадо ве енов. Илядо меша тенекь эсь эрямонок тееме.
| СОВЕТОНЬ МАСТОРГА. |
| Армиясто ды флотсто оргодицятнень простизь. |
СССР-онь Циконь Президиумось макссь амнистия (простямо) весеменень, конат оргодсть красной армиясто ды флотсто.
| Сельско-хозяйственной кредитонь кувалма робатыцянь прумкс. |
Декабрянь 15 чистэ Московсо ушодовсь Весе Советской Россиянь прумкс. Те прумксоньте прумсть сельскохозяйственной кредитонь роботниктне.
Смилга ялгась (центрань сельскохозяйственной банкань Советонь пред-
