| 2 | ЯКСТЕРЕ ТЕШТЕ. | № 32 |
| Советень мосторга. |
| Тракторт кармасть вешеме. |
Сюро-видицянь коллективтнэ эрьва чине кучить наркомземев заявленият. Сынь вешить тракторт. Заявлениятнень кувалт эряви анокстамс кемень тыща трактор.
| Эрьва материя таркав. |
Текстильной синдикатонь планонь коряс сы месеценть арсить (думсить) кучомо таркава 792 вагон эрьва материя.
Московов сядо вагон. Украинав 85 вагон. Обед пеле губернятнень 70 вагон. Уралов 85 вагон. Кавказов 55 вагон. Туркестанов 105 вагон. Сибирев 62 вагон.
Севть ламо материя понги Туркестан пелев. Тосо кармить полавтнеме материянть ватка ланкс.
| Кода арсиятно (думатано) сречаямс Октябрянь праздникенть. |
| (Гор. Бугуруслан, Самар. губ.). |
Минек Бруслан городцонть Октябрянь праздникенть арсить ютавтоманзо пек енсто. Анокстыть сокицянь совамо кудо. Кудось улезэ ен совиценень.
Кудонть икелев тейсть сад, парсте пиризь.
Пирявксонть поц теить Ленин ялгантей паметник. Пурнасть комисия, кона карми весе празникень тефнень ветямо.
Минь Брусланонь роботыцетне а стувсынек Ленин ялганть тевензэ—валонзо. Сонзэ тевензэ эйсэ карматано ветямо куломазонок. Куломсто мерьдяно эйденек—нуцьканок туртов Ленинень тевензе тееме.
Ленин ялгась ламо максь ды тейсь паро тев. Сонзэ тевензэ минь кеместэ карматано повнямо ды тееме.
Брусланонь уездга эрзетнеде сядо комсь колмово тыща ломань. Сынь весе кармить повнямо: анцяк Ленинэнь тонавтуманзо кувалт, эрзетненень гак максть прават.
Октябрянь праздникенть эйсэ минь учутано весе. Празнувасынек сонзэ парсте. Невсынек лия масторонь буржуйтненень кода минь виевстэ ды дружнасто кирьтяно эсинек властенть эйсэ. Минек ланкс ваныть ды тонавтнить минек тевенек кувалт весе лия масторонь робочейтне ды сюро—видицетне.
Чумбра улезэ комунистической партиясь ды эсинек властесь!
Брусланонь Эрзя.
| Сексь. | ||
Лембе кизэнесь ютась, |
||
| Сардо. | ||
|
| ||
| Московонь пионерт ютыть Ленинэнь колмонзо вакска. |
| Эрзянь эйкакшнэнень | (Пиорнетнэде). |
Кить истят пионертнэ? Пионерт робочеень и сокицянь эйкакшт (пакшат, тейтернеть), конатнэнь мелест лездамо сынсист братнэнень ды тетянстэст, конат сырецть ды сизесть туремасост. Пионертнэ прумсить вейс — отрядус. Анокстыть пряст трудицятнэнь паро эрямонь кис бороцямо.
Пионерт эрьва шкасто (времасто) анокт лисеме робочей властень кис. Знярдо пионертнэ марить Советской властенть пельде тердимат, сынь комсомол марто макссызь весе виест, штобу теемс Советской властень тердиманть кувалт.
Кода жо пионертнэ анокстыть пряст трудицятнэнь кис туремантень?
Сынь васняяк кемикстыть эсист здоровият. Сынь содыть, что мейле сыненст ламо вий сави путомс туремасонть. Чтобу кемикстамс здоровиянть пионерт тейнить гимнастика. Пионертнэ ве чи стяко а ютафтыть. Сынь каждой чистэ тонафтнить. Сыненст эряви содамс кода ды мезень кис тюрить робочейть ды сокицят буржуйтнень марто. Кода строязь государстватне весе мастор лангсо и кода эршить эйсэст трудицятнэ. Кода мастор лангсо появась эрямо чись.
Пионертнэ стараить кода бу седе вадрясто теемс отрядост. Пионертнэ вейс пурнавозь роботыть, думсить, пурныть превть и лият месть тейнить весе отрядонть марто вейце. Ащить ялга ялгань кис. Ваныть сынцист ды лия ломатнень мельга, а теймекс а паро тев. Пионертнэ лия бедной ломанень эйкакшнэньдяк — тердить эсист отрядос пионеркс.
Пионертнэ бажить тенень, чтобу аволь анцяк Россиясо — весе масторонть лангсо бедноень эйкакшнэ пурумовольть вейс, стяволть ве знамя а лов д‘максувольть клятва весе пингест максумкс коммунизманть кис.
Пионерэнь отрятнэ кармасть прумумо васня Московсо — февраль месецтэ 1922 иестэ. Московонь комсомолось сех васня кармась тенст лездэме.
Ней Московонть эйсэ сядо отрядт. Сентябрянь месецтэ од ломанень праздникстэ весе Московонь пионертнэ комсомолонть марто ютасть Ленинэнь калмонзо вакска и максть клятва кеместэ ашеме се тевенть кис, конатнэнь тееме терьдиль эйсэнек Ленин!
Пионерэнь отряднэ яла виевгадыть. Ней весе Союзной Республикава пионертнэде сядо тыщадо ламо.
Эрзянь велень эйкакшт илядо кадувт городонь пакшатнэнь и тейтернетнень эйстэ. Тынк эйстэ ламо тонавтнить учильщасо. Пурумудо вейс и парынестэ толковинк те тевенть. Вейсы пурнавозь тынк веси твтне туить вадрясто.
Гриша Кручинкин.
| Кода ютасть советэнь перевыбортнэ. |
| Перевыборонь тевть. |
| (Иванцова вели, Лукияновкань уездэнь, Нижег. губ.). |
Лукияновкань уездга кармась молеме перевыборонь компаниесь. Кой-кона эрзя велива кучузь представительть эрзят, сынст тевист моли енсто, кортыть сынь эрзякс и народось чуть а кедь лангсу-кантнить ейсыст.
Марясть эрзетне и правительствань распоряжениенть эйстэ, чтобу нацментнэнь икелень коряс седе ламо таргамс советц.
Вана кодаму тев аумок ульнесь Иванцова велисэ. Састь перевыборонь тевень теицетне. Волостьсы, кармасть пурнамо народ.
Эрявкшнусть 300 ломань, пуромсть весимидэ 20 ломать. Кувать учисть народонть пурнамонзо, кияк а сы. Кармасть евтниме кандидат — эрзетне чатьмуинть. Кармасть голосовамо. Эрзетне кияк кедь а кепиде. „Мезинь зараза саинде“ думси комиссиесь. Тевтне лавшт. Кармасть кеквкстниме: „Тынь мекс истя тейтядо ялгат?“ „Меля сексня минь кетнень парусто кепсикшнынек д‘толкось тень эйстэ мезеяк арась. Кепсинек, кепсинек, а тынь саинк минек председателенть д‘кучинк лия велив. Миньденек тей кичиде руз Лукавелиста. Те иестыяк истя секень вант тейдядо. Секс минь кедень кепсиме а карматанок — отвечеесть атятнэ. Кувать мартуст тей тов комиссиесь превтнинь якавтнись. Кой кода ладявсть. Сетыки путызь се ломаненть коната эрявсь эрзятнэнень. Аламудо а енсто теи уездэнь начальствась эрзятнэнь велес кучозь рузунь ломаненть. Чопуда эрзясь кой коли теи сонцинзэ велесэ седе ламо, кучузь рузунть коряс.
Косто содасы рузусь кода моли ладуст эрзятнинь. Рузусь кой кува эрзя ютксо маняви — весть манявозь мейле а курок тевесь ладяви.
Тень эйстэ эряви думсемс (арсемс) уездэнь начальствантень. Эрзянь роботниктнень уездсэ эряволь бу ванумс д‘анолдамс тееме истят историят Иванцова веле лацо.
Л. О. Басковский.
| Авуль истя теить, кода Ленин мерсь. |
Советэв кочкама шка.
Кальдюж велесэ пуромсть прмксов эрзят, церат-ават. Марявить кортамот:
— Дедай, месть тосо кортыть, тав кодат мининь цюнунь Макдональт Фашистт, конюктурат, неть месть истятнэ?
— Чорт содасы, месть, мон моньсь аздаса. Тон вана месть — кургонть автик ды кунсолок, можоть, мезеяк понги, чаркудят.
Лия таркасо маряви:
— Ялгат, дайте путтам повестка лангс автономиядо вопросонть ды дайте волостной советэв кочкатам членэкс коть вейкешка эрзя.
— Маряка, Филя покщей, неть вопростнэ марто малав так а нолдатадызь.
— Мекс? Минь учителенть Атяшов ялганть кармавсынек, сон ломанись а миник гондямо, тонавтозь, машты валонть ёвтамо.
— Азюка алкокс, дедай, кармавтыка, можоть, тевись лиси?
Миник покшось Горбуновсь гак тесэ, сон уж обидямо а максы.
Седой атине народонь юткова моли малав столинть вакс (тувор вакс). Учителесь се шкане арасель, стольэкшсэ ащи член Вика одломань, руз.
— Слушай товарищ, мы хотим сдесь поговорить о Мордовской автономии, ды хотем мордовина выбрать в члены волостного Совета. Поставь это на повестку.
Народось эзь маре месь кортась Волостной членэсь дедантень. Учи яла кода кармить кортниме неть вопростнэде.
Пуромксось кармась ютамо.
— Мекс, дедай, миник вопростнэнь эзизь нолда? Кевкснить Филя дедань од ломатне.
— Эзизь ялганят, Горбуновсь гак, нать, миник кады мизь. Ве валнэ те тевенть кувалт эзь мерть.
— Дедай, те лия Горбунов, аволь те, кона эрзень робота лангсо ащи, — шкадсь ве лия велень эрзянь од ломань.
— Кода а те?
— Истя. Уездсэ эйстест кавто.
Истя Кельдюж велень эрзятне эсист член ВИК‘ов эсть кочка, автономиядо як эзизь кортне.
Истя Виконь члентнэнь а берень уливиль бу сынсист киява нолдамс. Сон стувтызе, месть кортась Ленин ялгась ды кодат постановленият тейсь Коммунистэнь партиясь национальной тевенть кувтлт.
Надеятано Укомось варшты те тевенть ланкс.
Сардо.
