| 4 | ЯКСТЕРЕ ТЕШТЕ. | № 29 |
Косо виресь дешова, тосо яма крайтнень тейме лазунь. Ласнэнь вачкамс плотнынестэ и ровнасто.
Резкасо керьцезь коромонть вачкамс слоень-слоень. Эрьва слоенть парстине матрамс пильксэ эли трамбовкасо. Если соломорезка арась, сестэ коромонть трамбовамодо мейле эряви крошамс пшти кшнинь коймесэ.
Вана истя эряви пештямс яманть губор марто, кода нефтезь рисунканть лангсо. Эряви пекене ваномс уголтнэнь мельга, чтобу илязо кадов чаво тарка. Если коромось пек начко, сестэ пек паро уливель вачкамс ве слой сювань эли олго резкань, а ве слой кодамояк начко коромонь.
Кода ямась пешкеде губором, сестэ сонзо эряви вельтямс олксо, а олкнень лангс каямс модат. Яма крайтнень теимс истя, чтобу аволь понк тозой ведь, кода нефтезь рисунканть лангсо.
Олгонть и моданть эряви валямс яманть лангс пельаршинонь сэрьце. Кода коромось аламодо матры, ощо эряви валямс мода, чтобу яманть лангсо уливель валяфт модась 1½—2½ аршинонь сэрьце.
Кафтошка ковонь ютазь коромось кенери андомс.
Весе силосонть вачкамс сразу 1—2 чис, ата алце слойтне кармить „якамо“ седе икеле, и силосось ламбаськады авуль веикетстэ, а, значит, коромоськак карми улиме авуль паро.
Если коромось вачказь плотнасто, если эйзонзо а понги а ведь, а варма кошт, сон ламбаськады истяжо, кода капстатне боцькасо, и карми эйстэст качадомо таньтей, винань чине.
Пек паро силос можна анокстамс истямо ямасо, конань стенанзо вачказь кругом кирьпицьсэ. Олгонь таркас ко-
ромось вельтезь лайсэ (доскасо), конатнень лангс вачказь кевть матрамонь кис. Якшамне сонзо вельтнесызь олксо. Пиземеде и бурядо истямо силосось вельтезь кришасо.
Истят силост тейнить лия масторсо и минек образцовой хозяйстватнень эзга. Если арась паро тарка ямань чувомс, сестэ силосонть можна теимс вицтэ мода лангс.
Кочкамс эряви седе вере тарка, урядамс лангстонзо тикшенть и сортнэнь, чувомс велинь чудима канава, кода нефтезь рисунканть лангсо.
Коромонть эряви вачкамс истя жо, кода и ямас, анцяк матрамс эряви седе плотнасто. Силосонть эряви вачкамс алдо 4—4½ арш. Вельтямс олксо и модасо, анцяк моданть эряви валямс седе ламо ямант коряс. Матрамодо мейле ошо валямс мода.
Силосонть аэряви токшемс якшамотнень самс, ата коли коромось.
| ВЕЛЕНЬ СЁРМАТ. |
| Комитет взаимопомощи! Иля нузялт. |
| (Тавла веле, Мариинск. уез. Томской г.). |
Миник Комитет Взаимопощи вейсынь вийсэ виць десетинашка греця. Вицькак анцяк десетина ды сеньгак койкак. Срамизь, пангсунь, пангсунь теизь моданть. Ули тарка, конань и сокизь, и изызь. Ули тарка, конань анцяк сокизь. Ули истямояк, конань видизь овсе апак сокак и апак изак.
Мезе учить те десетинанть лангсто комитетэнь председатель Митяскинь Пашка ды член Павулунь Микол? Кода а виздить сынь якамо те уманть вакска ды истя тееме велень тевть.
Шабра.
| Разуткин атя. |
| (Ламбаськи веле, Лукоян. уез.). |
И эрзянь и рузунь газетасу ламо кой кить сермацть те атенть эйстэ, что сон пек роботы просвещениень кувалт, а Васильев ялгась тензэ сермаць конев и мерць примаму участия „Якстере Теште„ газетанть эйсэ. Сон се коневонть марто цела недля чийнись вальмалга ды невтнесь эйсынзэ, „вана косо эйстынь содыть“ мере.
Ну а если кевкстимс Разуткин покштенть, кучнись ли сон веськиде кодамояк сермине газетс велинь эрямо чиде? Вейкияк ват уж арась. Кудузонзо тейсь изба читальня, библиотекасту макснисть кинигат, а кода кармась кинигатнень мекив сдавать — вейкияк арась, веси куризь (таргизь). Понгонись мик под суд.
Кедь лангсунзо ульнись Народной кудонь имуществась, так сон сонзо уж аздан ков теизе. Симизи ли, пенгикс ли ушнизе, ки соды, анцяк описенть кувалма эсть листь.
Нейгак сермаць ли сон эрямо чиде мезияк „Якстере Тештес“? — Арась.
Разуткин покштей! Мекс чатьмонят Васильев ялгань серманть карчо? Берень те валдунь нолдысь, конась кудо прясто кундрявты (кирнявты) самогонка стопканть кис.
Чурька.
| Федоровкань волисполком, марят? |
| (Стерлитамак. кант. Башреспублика). |
Федор велень паксява, аволь васоло веленть эйстэ, берег чирива юты покш ки. Берексь пек сэрий. Улавот чирименьдерей — прат потмаксонтень, мерть, куломс чавоват.
Вана те кинть эзга молиль омбо велень ломань, Афанасий Аввакумов. Ускиль сюро. Ютамсто крандаснэ чиримсть леенть ёнов и прасть алашанек мезник лей потмаксонтень. Сонць Аввакумов ульнись улав лангсо, тожо прась тов, понгсь крандаснэнь алов. Се шкане маласо кияк арасиль, а кинень ульнись идимкс и Аввакумов кулусь.
Эрявить витемс китне. Курук продналогонь каямо шка. Ламо сюро марто улавт кармить ютамо се кинть ланга, косо ломанесь пряндо путызе.
Стядо удумсто ды витинк китнень.
Коткыдав.
Издатель: Центр. Издат. Народов СССР. |
| |||||||||||||||
| Главлит № 21.697. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
