|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 29. | 28 сентября 1924 г. | № 29. |
| Вишkа наротнэнь эйстэяk kар- маст пурнамо советэв. |
Ней минек масторсо советэв пурнамо шка. Те шкас вишка наротнзнь ютксто аламо ульнесть важодицят (роботыцят) советнэнь эзга.
ВЦИНесь неизе тень. Ней кучсь республикава ды эрьва губернява тень кувалт конев, косо мерикармавтомс вишка наротнэнь эсист ютксто пурнамо ломать советэв.
| ВЦИК мерсь истя: |
1) Губернятнень эзга, кува эрить ламо нацият, срадозь лия народ юткова, тува весе коневтне советэнь пурнамонь кувалт улест сермадозь эсист кельсэ.
2) Советс пурныця комиссиятнень эйсэ улест ломать вишка нациетнень пельдеяк, зняро сави эрицетнень коряс.
3) Эрявить кармавтомс вишка наротнэнь кундамс советэнь пурнамо тевентень. Пурнаст эсист пельде ломать. Промкснэнь, митингатнень одов пурнамонть кувалт ветяст эсист кельсэ.
4) Эрьва нациясь кучозо ломать важодеме сельсоветэв, волисполкомов, уездев ды губерняв.
| Эрзятнэнень аэряви ащемс ве ёно Советской тевде. |
Эрзятне те шкас эсть тонат советской общественной тевс. Те шкас сынь ащить те тевенть эйстэ ве ено, ве пеле. Волостенть эйсэ ванат эрзятнде эрить сех ламо, а волисполкомсо ащить весе рузт эли татарт. Вейкеяк эрзя арась.
Моли волисполкомов тевень кувалт эрзянь ломань. Рускс кортамо парсте а машты. Тевесь сонендэ рузонь кельце а ефневи. Мезе мереть тендэ, мезе пшкадить сон парсте а чарькуцынде. Туи истяк, тевень апак тейть.
Эрзянь аватнень ютксо рускс кортыцят седеяк аламо цератнень коряс. Мезе тее эрзянь авась волисполкомсо, косо кияк аздасы эрзянь келенть. Волисполкомсо эрзянь аванть лангсо анцяк пейдить. Аванть виздилгавсызь и седе мейле сон истямо советс вестькак а молияк.
Истя тевень ветяаь, сокицянтень советской властинь лезэськак парсте а неяви. Секс Коммунистической партень Центральной Комитетэсь ды Вцикесь Советэнь перевыборонь кувалт кучсть таркава серма, конань эйсэ сермацть, чтобу те иестэнть советс одс пурнамсто седе ламо кучуволть советс вишка нациятнень ютксто.
Лия нациятнень тень кувалт тевесь седе парсте ащи. Варштатанок вотякнен лангс. Эйстэдест весемезэ анцяк пельмиллион. Сынст ютксто мелят ульнесь пурназь Уисполкомс кемгавтово ломать ды Губисполкомс вейксэ ломать.
Чувашнэ мелят уездной промксов кучсть 283 ломань. Сынст ютксто эрьва таркава ютась иестэ ульнесть пурназь Уисполкомонь членкс кемень ломать ды Губисполкомонь членкс комсь ниле ломать.
Эрзятнеде мокшотнень марто улить кавтошка миллионт. Сынст ютксто жо минь содатанок анцяк вейке ломань Пензань Губисполкомонь член. Те ломанесь Московкин ялганок.
Зняро эрзянь ютктсо ульнесть мелят пурназь Уисполкомонь членкс, парсте а содатанок. Содатанок анцяк, что кавто эрзят улить Уисполкомонь председательть, ды анцяк не эрзятне эсь пряст эрзякс а невтить, эрзякс кортамо виздить. Лезэсь эрзятненень сынст пельде пек аламо.
Ней ламо таркава сокицятне ды робочейтне кармасть одс пурнамо совэтс. Эрзят! Тыньгак кармадо тееме те покш тевенть. Пурнадо эсь ютксто советс ломать. Кучодо эрзятненьгак уездной ды губернской с‘ездэв.
Советс эрзятнэнь пурнамсто ванодо сень кувалт, чтобу илязо эце тов сюпав ломань, кона пеень порезь ваны коммунистнэнь лангс ды Советской властенть лангс. Истят ломатнень панеде советстэ седе васов.
Пурнадо Советс бедной, честной ломатнень, кучудо советс коммунистнэнь, конатне пуцызь эрямо пингест Советской властень кис.
Эрзят! Мельценк ащизэ коммунистической партиень тердимась. Илядо ульть ве ёно, ве пеле Советской Общественной тевенть эйстэ. Сась шка тыненкак кундамс те покш тевентень.
| Коммунистичесkой партиесь соkицятнень kис. |
Вадрясту карматанук эряму сестэ, кода карматанук кунцоломо коммунистической пиртиянть эйсэ ды кода карматанук содамо, месть сон мере миняникь тееме. Коммунистической партиясь умок уж нефтезе кинть, кува эряви молимс минек сокицятьнинень, чтобо седе курок пачкудимс чожда эряму шканьтинь, косо а кармить улиме а сюпавт, а беднойть, косо весе вейкитсты карматанук эряму.
Тевись те покш, курок а тееве. Но Ленин ялгась мерць, что теиви и эряви теимс седе курок. Ленин ялгась мерсь, что сокицятненень эряви пособлямс. Сон мерсь, что эряви нефтемс, коданя парсте сокамс модась. Секс минек коммунистической партиесь, кода те кизна тейнись 13 промкс (с‘езд), ламу кортась сокицятьни ланга. Сон мерсь минек рабоче-крестьянской правительстваньтинь, месть эрявить теимс, чтобо пособлямс модань сокицятьнинень.
Сон икилияк мерсь, чтобо нарком, земледелиясь эсиндэ агрономтнень кучувлинде сокицятьни малас, чтобо минек агрономтне ефнивлизь ды нефтевлезь, коданя эряви видемс-сокамс, чтобо ламу чачузо сюрось. Сынь содыть, месть тейме, чтобо пизимивтеме чачуволь сюрось. Сынь содыть, косто саимс сельско-хозяйственной машинатнень, кармавтумс, чтобо сынь теест докладт эрьва велисэ.
Коммунистической партиясь ашти беднойтнень ды середнякнинь кис. Беднойтнень арасть алашаст, арасть плугост, арасть машинаст. Сынст тевтеме а теят мезияк. Секс коммунистической партиясь мерсь минек правительстваньтинь, что эряви седе ламу нолдамс ярмак сельско-хозяйственной банканьтинь. Кинень икилияк с.-х. банкась карми максумо заем ярмакнинь? Вана тень эйстэ эряви содамс эрьва бедной сокицяньтень.
Ленин ялгась куломодондо икиле сермаць миненек серма и мерсь: „Сась порась, эряви дружнасто кундамс кооперативентень. Анцяк кооперативенть трокс минь весе беднойтнень пачсынек вадря эряму шкантень, косо а улить а сюпавт, а беднойть — весе улить вейкить“. Вейкитсты эрямс можна анцяк сельско-хозяйственной коммунасо, артельсэ, коллективсэ, товариществасо. Вана неть ялгатнинень, конат пурнавсть дружнасто, вейце роботаму, те банкась максы заем ярмакнень весимеде икиле.
Секс весе сокицятнинень, икилеяк беднойтненень, эряви капшамс и пурнамс вейце роботаму, бедной эрямунть марто тюриме.
Чумбрасто эряду, бедной сокицят, с.-х. коммунасо. Тынк марто коммунистической партиясь. Невтенк весе беднойтненень, кода эряви вадрясто эрямс.
Г. Баранов.
| Лия масторга. |
| Бессарабиясо соkицятне пряст kепедизь. |
Бессарабиясо крестьянтнэнь эрямост пек стака. Румынской правительстванть карчо сокицятнэ кармасть тейнеме восстаният. Румынской правительствась кучсь карчост войска. Ульнесь ютксост турема. Сокицятнэде маштозь колмо сят ломань, румынской солдатнэдэ ранязь сядо ломань.
| Буржуйтне пелить kомсомолтнэде. |
Польшасо не читьнестэ кармасть судямо кемень од церат сень гис, што сынь ульнесть комсомолонь членэкс. Не од ломатнень эйстэ самай покшонтень аньцяк комсь ие.
| Турциясо ульнесь землетрясения. |
Турциясо Эрзерумсо ды ошонть перька ульнесь землетрясения. Каладсть ламо эрьва мезень кудот. Ламо маштовсть ломать.
| Советэнь масторга. |
| Ощо вейке советэнь республика. |
Весе Бухарань ветице курултай (промкс) тейсь постановления, конань кувалт Бухарань народной республикаст улиме карми советской социалистической республикакс. Республикась сови минек Союзной Советской Социалистической Республикас.
| Покш наводнения. |
Сентябрянь 23 чистэ Ленинградсо ульнись покш наводнения. Нева лейсэ ведись ве чистэ кепетець кавто сэльс и лиссь берекнень эйстэ.
Наводнениесь тейсь покш убытка.
| 500 тракторт. |
Америкасто састь 500 тракторт. Неть трактортнэнь раминде миник правительствась.
Ве тракторонть питнизэ 1735 целковойть. Питнинть сокицятнень пельде, конат рамить трактор, кармить саеме колмо иень перть.
