|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 25. | 23 августа 1924 г. | № 25. |
| Эряви совамс комсомолс. |
| Зняро ащить Р. Л. К. С. М. — энть знамянть ало? |
Кода анцяк пурнавкшнось первой промксось (сезд) 1918 иестэ октябрь месецтэ Р. Л. К. С. М.—эть членензэ улнесть 22 тыща, обмоце промкснэ 1919 иестэ членэнзэ ульнесть 96 тыща, колмоце промкснэ 1920 иестэ — 400 тыща, нилеце промкснэ 1921 иестэ — 200 тыща (убавась числась секс, се иестэ ульнесь чистка русск мерезь, а эрикс мерезь амаштовикс комсомолецнесэ пансть союзостонть), ветеце промксне 1922 иестэ — 247 тыща, котоце промксось 1924 иестэ (тедиде) косо лемдизь союзонть ленинэнь памець Р. Л. К. С. М., евтась, что Р. Л. К. С. М. знамянть ало ащить членнек, кандидатнек мезнек 740 тыща (630 тыща члент, 110 тыща кандидат). Не 740 тыща комсомолецтнестэ 44,2% рабочей од ломать, 39,3% сюровидиця одломать, 9,5% служащейть, 7% лия «сортонь» одломать ломать. 65, 760 не 740 тыща ютксто ащить уж Р. К. П. (б), 29,731 комсомолецт служить Красной Армиясо ды флотсо. Ленинэнь куломодо мееле комсомолс совасть 170 тыща. 26,160 комсолецт комсомольской организациятнэнь пельде максозь Россиянь Ком. Партиентень.
Комсомолось касы. Каждой чи рабочей ды сюровидиця од ломатне серматстыть Р. Л. К. С. М. ды аволь мезень дяк берень тееме, но паро эрямо чи — коммунизма.
| 6,480,000 сюровидиця од лома ютксто апак тонафт. |
Переписесь кона ульнесь 1924 иестэ невти: коли сайсынек 14 иень 24-це иес од ломатнень, лисить эстэдест 18 миллион. Каждой тыща од ломань пряс токи 360 ломань апак-тонафт, лиякс мерезь 360 ломань амаштыть аловномо, асермадомо. Весемезэ-жо не 18 миллион од ломатнень ютксто лиси апак тонафт 6,480,000 ломать. Коли-жо сайсынек эрьзятнень-ды мокшотнень, то апак пельть меремс можна, что сынст ютксо вельть ламо апак тонафт. Икеле эснест эсть тонафт инязоронь праватнэ, тетяст—аваст не иетнестэ шкатнэ ульнесть истят — тесэ фронт, тедиде вачо ие, омбоце иестэ таркат арасть школава. Редакцияв сыть сермат, конатнесэ сермадыть тонафтнимань кувалт. Глухойкс прят апутсак, ды амерят, что сюродиця* од ломань тонафтнеме аярци. Тень кувалт мезе маштови теить эрьзянь cекциятие Московсо. Максыть эрьзянень—мокшонень таркат школава, ды вельть аламо. Лиякс мезеяк атеят. 6,480,000 апактонафт — разве сынст нолдасы 5 иес школань пачк. (Выш Учеб. Заведениянь пачк) Эряви стараямс понгомс тонафтнеме тонцить Губ. секциянь трокс ды тынцинк губернской школатнева. Правительствась стараи школатнень пештамс рабочей-ды сюровидиця ломаньсэ. Покш тев сеск атееви. Эряви эстенек первой гак тонадомс ловномо-сермадомо, ды теде мееле кудосо тевтеме шкасто ловомс кинигат. Сестэ яла кой мезес тонадат.
| Ленин ялгась мерсь тенек калафтомс ташто эрямо коесть ды строямс коммунизма. |
«Од ломанень Коммунистической союзоньтень эряви улемс истямо ударной группакс, кона эрьва паро тевс лездаволь, авалцо, — тевсэ. Сонензэ максозь покш задача. Яжамс ташто капиталистич. обществанть и строямо од общества — коммунисткой». Истя мерсь тенек Ленин ялгась. Минь комсомолецт пек содасынек мезес тонафць эсненек В. И. Ленин. Содатанок, что икеле эрямо читне весе улить минек кеце, секс и нужань кандозь роботатано эсь прянок апак жаля. Минек эснэ сыре ломать селныть, ну минь сынст ланкс а кежиятано. Сынь апак тонафт ульнесть, секс и ачаркодевить тенст минек тевенек. Р. Л. К. С. М. пек виевгаць и яла виевгады. Сондензэ улить пелицят, и апелицят Пелицят — буржуазиясь. Апелицят — Р. К. П. (б) робочей классось и триця сюровидиця, конатнэ тензэ лездыть и тонафтыть валсо и тевсэ паро тевень тееме. Сынь содыть, что Р. Л. К. С. М.-эсь тонафтни сыре ялгаст кеце (Р. К. П. кеце) кода икелей апак лоткафт ветямс револияциянть, и кода не сыре ялгатнэ кулыть тевень ветямо арыть тарказост комсомолецт.
Сюровидиця ютксо комсомолсо серматстозь вельть аламо.
190—200 тыща анцяк весе СССР-энть ланксо. Эрьзя мокшо ланкс не цыфратнестэ прыть вельт аламо. Эряви тенек весеменень сюровидиця ломанень совамс РЛКСМ-с.
Коли минь весе ульдяно пурназь РЛКСМ знамянть ало, сестэ минденек пек карми сорномо весе масторонь буржуазиясь и радувамо трудицятне, РКП(б) III Ком. Интернационалось КИМ (Ком.Инт.Молод), ды седи курок тееви тенек коммунизмась
Курок лиси печатстэ «кемголмовоце партийной промксонь резолюцият и постановленият». Те кинигасанть сермадозь месть кортась промксось од ломань ютксо роботумадо.
| Аламо велева газетт. |
Кода ютат эрзень-мокшонь велетне ланга, эли киланксо кортат эрзя марто, то икелемгак неяви теть вана мезе: аловныть велева газет, чок газетне велев апачколитькак. Да и виде, велеть покшт, 500-600 кудо, а газет получить 4-5 кудо. Виде мукшнынь Саратовской губернясто велеть, косо сермацть газетт колмо-ниле кудос вейке, а велес сави 200 газет, анцяк истят велетьне пек чурот. Эрзя велева мукшнынь ламо сельсовет, кооперативть, школат, учительть эрзят конат эсьть сермацтовт те шкась вейкеяк а эрзень, а рузонь газет. Те ялгат, тевесь пек кальдяв и меремс вицте, виськс не роботникнень кисэ, конат те шкас истя роботыть, виздить эсист келинь газеттэ. Наверна не роботникне те шкас эсист учреждениява эрзетне марто рускс кортыть?
Кода ней аловнат газетт коли тейтян одпиньге, од эрямо чи. Ламо губернява, косо эрить эрзят мокшт тедиде берянь год, эрьва газетсэ тень кувалт ламо сермадыть, лиснить од декретт налогонь и лия тевинь кувалт, сермадыт льготадо, пособиядо. Содыть ли не сокицетне, кодат сынст кувалт листь декретт, распоряженият. Мереме эряви вицтэ асодыть, пек ламо асодыть, мезде эряви содамс эрьва сокицене. Мекс асодыть, анцяк тень эйстэ, что а получить газетт.
Эщо меремс теде, минек сыравтозь покш тев автономной областеньть кувалт. Газетс тень кувалт ламо улеме карми сермадозь. Теде весе эрзетнэне эряви содамс. А косто морят, коли аловнокшнат газет, те шкас эзить серматтовк эсить лемс газет.
Эщо эряви кортамс тедеяк. Минек эрзень учительтненень эряволь аволь анцяк эстест сермацтомо газет, а терьдеме эрзетнень, а кода ютат велева, то несак шкалатьнеяк аполучить газет. Эрьва сексня сельсовет рамси школав коневт, книжкат, мекс бу 4 отделенияньтень а сермацтомо эрзень газет ловномо. Истяжо эряви меремс коперативнеде, сельсоветнеде и изба-читальнетьнеде. Мон думсян те сексня тень учительтне астуфсызь меля лацо. Сельсоветка, кооперативга эряви теемс истят доскат, конатнень ланкс эряви чавномо газет. Курок кармит каямо продналог, учреждениетне пешксеть улить ломатьте, учома эрьгас ломанесь ловновлизе месть сермадыть газетс, кода косо моли эрямось.
Мон истя азындан колмо кудос вейке эрзянь газет эрьва школав 4—5, эрьва кооперативс и сельсоветов 5 газет. Учительтнене да местной роботникненень шка уж сас тен кувалт роботамо, некак сисемеце год моли кода эрятан эсинек волясо.
В. Лыткин.
| Эрьзянь покш прумкс. |
Саратовсо ульнесь эрьзянь тонафтыцень прумкс, кона роботась сисемь чить. Васенце вопросне — эйса тейсть докладт: Лия Масторонь эрямо чить и просветительной тефнень кувалт кортась Ганжинский ялгась — предгуботнароба, 2) Экономической положениянть кувалт кортась Предгубисполкома Ерасов Ялгась и ульнесть ламо лия паро докладт, косо тонафницетне ёфнизь кода аштеть тевест велева и весе докладтнень эйса неявс покш потребность эрьзень учебниксь. Тефне велетнень эзга бойкасто кармасть парокстомо. Пек эрьгедезь (радушнойста) вастызь, кода Тужылкин ялгась ёфтызе, што Московсо ялгатне хлопочить эрьзятненень афтономия и тонафтницетне мерсть, что велий молемадо меле эрьва велень прумкса решасенек те вопросонть и се метериалонть кучценек Саратовс. Учельнява тонафтуманть решизь кода 1-й ступенса истя-жо II-й ст. тонафтума кармамс эрьзянь кельсо; а рузонь келесь тонафтумс как отдельной предмет.
Прумкстонть меле тонафтницетне кадувсть пек довольнойста. Истямо покш эрьзянь прумкс эрямосонок знярдо як эщо арасель, а ней ульнемс эщо карметь истят и эрьзятнень тевест туеть парсте.
В. Уч.
| Лия масторга. |
| Германсkой правительствась согласясь пандомо дань. |
16 август—ковонь чистэ Лондонсо Германской Правительствась согласясь пандомо военной дань государстватнэнень, конат империалистической войнастонть листь победителькс. Те согласямось максынзе кабалас весе германской трудицятнень. Германской правительствась нарочной анолдафты коммунистической газетат Германиясо. Сон пели газетатнеде секс, что газетатне трудицятнэнень сермадыть правда.
| Япония и СССР. |
Япония курок карми маронок кортамо договоронь серматстумань кувалт. Министерэст арцить вешемэ СССР-ень кецте Сахалинской невтень таркатнесе. Японской буржразиясь веши правительстванть пельде, чтобу сон кармаволь максомо уступкат СССР-нень.
