| 2 | ЯКСТЕРЕ ТЕШТЕ. | № 23 |
| Кода эрзятне думсить робутамо. |
Минек губерняванть (Самарской) пурнавсть тонафнеме Губсовпартшколас кафто сядошка ломать сынст эйстэ весемезэ волорганизатортнеде 53 ломань. Нацментэ ютксо улить татарт, чувашт, ды эрьзят. Весемезе эрьзятне 25 ломань. Чтобу парсте нолдамс тевтнень эрьзя юткова, минь теинек 13 июльэнь чистэ эрьзянь курсантонь собрания. Собраниясонть ульнесть кавто эрьзянь докладчикть, вейкесь эрьзянь инструктор Самарской Губкомонь РКП(б.). Арбузов ялгась, омбоцесь Праксин ялгась — Мелекесень эрьзянь секциясто. Васинце кевкстнимась минек ульнесь эрьзянь историядонть — кода эрьзятнэ икеле эрясть—ащесть и кува; омбоцистэ ульнесть эрьва кодат организационной тевть. Те собраниясонть теинек эрьзянь бюро, кона карми тефнень ветямо эрьзя юткова ды карми кирьдемэ весе тефнень Губком РКП(б.), и лия учреждениятнень марто. Колмоце тевкс ульнесь корресподентэнь кочкамо, эрьзянь газетонь сермацтомодо и эсинек стенной газетс.
Пек лац тефнэ тусть корресподентонь коряс. Весе согласясть сермадомо „Якстере-Тештес“ велень тевде.
Ней минь вейс пурнавинек и организация теинек и тефне кармить седе лац молеме. Ютксонок улить колмо эрьзянь ават.
Не тонафницятне тонафнимадо мееле туить велева эрьзя юткова робутамо. Эрьзянь ялгат седе кеместэ кармадо тевнень тееме!
| Курсант-волорганизатор |
| В. А. Платонов. |
| Кармасть лездамо. |
Ламо сермат сыть „Якстер-Тештень“ редакцияв, косо сермадыть, что сюро эзь чачь, кода бу акуломс вачо, карми ли лездамо шкастонзо правительствась. Вечкасов Тарасов ялганть маро, Пугачевской уездасто, Самарской губернясто сермадыть: „пиземе арасель, весе сюротне юмасть, скотинасо микшнить, пельдяно кода-бу опеть асаволь ярцамс ломань сивельде, коли правительствась акарми лездамо шкастонзо, сы тенек ве пе“. Истя-жо сермадыть и Саратовской, Самарской губернятнестэ. Тень кувалт минь ламо сермадынек газетс и серматтано, что ве ломань и ве пря скотиина тедиде вачо а кулыть.
| Первой—гак лездыть видимасо. |
Семтройкась Наркомвнуторгсо сермады, что 27 июльсте саезь те шкамс вицть анокстынек 2 миллион 220 тыща пондо розь и 128 тыща пондо товзюро. Вицтьнесэ ускить уж вачо таркатненесь.
Россиянь коммунистической партиень Центральной Комитетес сермадсь, что вицть лангс нольдазь ярмакт 30 миллион целковой, скотинань трямо лангс 8 миллион целковой, 20 миллион целковой ломатненень лездамс. Правительствась бажи шкастонзо лездамо сон бажи, чтобу сюровидиця илинзэ кадт апак вить паксятнень. Коли а пак вить паксятнень катсынек, сестэ омбоце иесте кулутано вачо. Урожаесь берень анцяк таркат-таркат.
| Зняро максы сюро десетинась эрьва таркава. |
Центральной Стат. Управлениясь содазь сермады зняро каждой десятинась эрьва губернясо максы сюро:
5 понт сюро десетинасто пурныть: Саратовской г., Немкоммунасо, Астраханской-Царицинской губ., Вольской уездасо Сарат. губ. и таркат-таркат Саратовской уезцтнэ.
5—10 понт таркат-таркат Донской областнэ, Пугачевской уездасо Самарской губ., Аткарской уездасо Саратовской губ., Терской областнэ, Харьковской и Мелитопольской огрукга Украинасо.
10—20 понт Тамбовской губернясо, Воронежской таркат-таркат Донской областнэ и Крымсэ.
20—30 понт Украинасо чинь лисима ено таркатнева, Пензенской губ., Рязанской, Ульяновской губернятнева.
30—40 понт Херсонской, Николаевской, Одесской, Курской, Орловской, Тульской, Вятской, Нижегородской губернятнева, обед ено таркасо Белоруссиясо, Татреспубликасо.
40—50 понт Черниговской, Смоленской, Витебской, Минской, Псковской, Новгородской, Черповецкой, Вологодской, Костромской, Тверской, Московской губернятнева.
50 понт—то ламо — Валынской, Киевской, Подольской, Ярославской, Ивано-Вознесенской губернятнева, ды Сибирце. Не ефтлиматнень кувалт неяви, что а весе таркатева эзь шач сюро.
| Тедиде сюро сайдяно 2 миллиард 600 миллион пондо. |
Зиновьев ялгась сермады, что тедиде сюро сайдяно 2 миллиардт 600 миллион пондо, лиякс мерезь мелень иеде коряс цют седи аламо. Пелемс мездеяк аэряви. 1921 вачо иестенть минек арасель сюронь запасонок секс и ламо кулость вачо.
Теди-жо минек сюронок саты и те вачо иенть печтасынек седи шождынестэ 1921 вачо иенть коряс.
Правительствась велпек стараи шкастонзо лездамс. Сон теи истя, чтобу сюровидиця пек илязо ризнэ.
Сюро чачь таркатнесе весе капшить месне виест саты лездамс.
Ленинградской рабочейтнэ первойгак вал кучсть (Петровской райононь, Новоузенскаго уездэнь Сарат. губернэнь) сюровидицятнень месне виест саты лездамо. Лия ошонь робочейтне эстэдест а кадовить.
Е. Г.
| Коданя и ков кучмокс жалуба, неправильна ловнынь деряйть лангозот налогонть. |
А-гербовой а-канцелярской сбор жалубань кучмонь кис асаить.
Жалубась эряви сермадмокс аволь вицтэ уезной налоговой комисияв, васнят эряви сонзэ кучмокс волостев, волостесь колмо чиде мейле, решениянзо марто кучцы фининспекторнэнь, фининспекторсь уш кучцы налоговой комисияв.
Марявиндеряй тенть уезной налоговой комисиянь решениязо неправильнойкс и неявиндеряй тенть, што тонть жалубась правильна (можо свидетелеть или истят коневот улить), сермат жалуба уфиноделэнь кувалт губернской налоговой комисияв.
Помняк: губернской налоговой комисиянть решениязо остатка, сондезе башка жалувамс аков.
Берянстэ эрицянь и красноармейцэнь кис аштицякс налоговой комисиятненень улить кучозь истят ломать, сынест и эряви пшка дмекс коната берянь эрицясь и красноармейцэсь обидязь налогонь сайместэ.
Налоговой комисиятне жалубщикентенть должны евтамс решенияст аволь валцо а сермасо и должны сермадмокс мейсь жалубанть удовлетворили и мейсь неудовлетворили.
Кода получат окладной лист, васнятак эряви сонзэ проверямс: верна ли сермадозь лангсонзо зняро модат, зняро скотинат и правильнасто ли ловнозь кисэст налогось. Кода эряви проверямс окладной листэнть лангсо налогось сермадозь газетасо „Якстере Теште“ № 22.
Муиндерят ошибка окдадной листэнть лангсто, сеск жо сермат жалуба и кучик волостев.
Эряви помнямс:
1. Жалуба примить, окладной листэнть кедезэть максмодо мейле, кавт недлят.
2. Кавто недлядо мейле жалуба примить только се ломаненть кецтэ, конатанень аволь сонсензэ чумонь кис эзь максовт жалубась (ванодо № 16 „Якстере Теште“ тосо сёрмадозь кинь кецтэ примить жалуба кавто недлядо мейле).
3. Жалуба эряви сермодмокс парсте. Тонсь амаштындеряй и ломанетяк истямо аулиндеряй мольть сермацтомо сельской совец секретарнень или школав учительнень, сынь и грамотнойть и седе парсте налогонь закононть содасызь (учительсь и велень парсте сермас содытне а кармить дерэйь сермадмо эряви сынст кармавтомс веленек секретарнень помога максмо).
4. Жалубанть марто эряви кучмокс выписка поселеной спискасто. Выпискась эряви саймекс сельской совецтэ. Лангсонзо должен ульмекс печать и председателень или секретарень подпись.
А жалубань, а выпискань кис гербовой канцелярской сбор аэряви пандомс.
Волостесь жалубанть колмо чиде мейле, решениянзо марто кучцы фининспекторнэнь. Фининспекторсь сеск жо путы лангозонзо заключения и уезной финоделэнь кувалт кучцы уезной налоговой комисияв.
Уезной налоговой комисиянь решениянзо можишь обжаловать губерской налоговой комисияв. Обжаловать эряви сеск жо, кодак получасак уезной налоговой комисиянь решениянзо, а то кавто недлядо мейле жалубат а примасызь.
Данилов.
| Знярдо тон серматстат
эстенть Якстере-Теште? |
| ||||||||||||||||||||||||||||||||
| Издатель: Центр. Издат. Народов СССР.
|
Ответственный редактор: П. Глухов.
|
| Главлит № 21.702. Москва. | 1-я Типография Центр. Изд-тва Народов Союза ССР. Никольская 10. | Тираж 1000. |
