| 2 | ЯКСТЕРЕ ТЕШТЕ. | № 20 |
| Коминтерн. |
Те валусь теизь кавто валсто: коммунистэнь интернационал. „Коммунистэнь“ мереть тензэ секс, что меньшевикиньгак ули Интернационалуст. Миник коммунистынь Интернационалусь — колмоце интернационал, меньшевикнень — омбоце, а васиньценть теикшнызь Карл Маркс ды Фридрих Энгельс 1864 иестэ. Теикшнызь сонзо сень кис, чтобу веси мастортнэнь робочейтне теивелть вейке комитет, кона кармаволь бу робочейтнень ветямо буржуинь карчо и кона моливель бу войнатнень карчо. Те комитетэнтень и мереть Интернационал. Кода мон мерень, Интернационалунтень могут совамо эрьва кодамо масторонь робочейть.
Васиньце Интернационалусь а кувать цидярць — сонзо буржуйтне панцизь и калавтызь веси робочеинь тевист.
1889 иестэ те комитетэсь пуромсь омбоциде — омбоце интернационал. Сон тожо кармась робочейтнень пурнамо кругомганзо, кармась таго арсиме, кода бу буржуйтнень киртямс войнадунть. Сон арсись истя: кода устави война, веси робочейтне кадык теить ряц забастовкат.
Но кода сась 1914 иесь, кода сыргась войнась, омбоце Интернационалунь ветецетне таго мекс потасть удалов. Сынь стувтызь, мезис тонавсть робочейтнень и забастовкань таркас кармасть кучумо сынст чавомо вейкист вейкист буржуинь кис.
Веси меньшевикне (омбоце Интернационалунь кирдицетне) човорявсть буржуй марто.
Истя омбоце Интернационалусь эсь прянзо гадизе, истя потась сон эсь валунзо эйстэ, истя прянзо калмизе 1914 иестэ.
Кода войнась уставась, кода омбоце Интернационалусь эсь прянзо робочеинь икиле срамизе, покойник Ленин ялгась, кармась кортамо, что эряви теимс колмоце Интернационал, чтобу робочейтне авулть кадовт ськамост и аволть тук, кона ков. Ленин ялгась мези мере, сень и теи. Сонзо валунзо коряс 1919 иестэ Московсо пуромсь колмоце Интернационал, те уж коммунистэнь Интернационал, а седе нурькинестэ „коминтерн“.
Ней ветициде пуромсь Московсо коминтернэсь. Састь робочейть лия маторсто* кортамо миник робочеинь марто тевист кувалт. Сынь миник союзникенек. Лия масторонь буржуйтне сисисем* иеть порить пеист советэнь масторонть лангс, но токамонок пелить. Пелить секс, что сыненст а мереть самай неть робочейтне, миник союзникне!
Арситям чумбра чи Коминтернэнень.
| Советэнь Масторга. |
| Крестьянской заемонь питнесь касы. |
Наркомфин нолдась распоряжение, што 25-це числас то, те ковстонть (июль) крестьянской заемонь питнесть кастамс и питне путомс истямо: целковоень облигациясь, конасть питнезе ульнесь 88 коп., ней микшнемс 90 коп., 3-целковоень облигациясть питнезе улнесь 2 целк. 64 к., ней микшнемс 2 р. 70 к. и 5 целков. облигациясть питнезе ульнесь 4 цел. 40 коп., ней микшнемс 4 ц. 50 коп.
| Льгота скотинань усковтумань кувалт вачо таркас. |
Наркомзем хлопочи скотинань ускофтумань кувалт вачо таркатненес.
Льготась уш ули 35%, но сынь хлопочить седи штобу шопждыне улезе усковтомс, только бу пель питне пандомс, лиякс мерезь 50% скидка теевельть. Хлопочить Совет Труда и Обороны икеле.
| Сюро вачо таркас. |
Хлебо-продукт эряскады кучомс сюро вачо таркас. Сон вачо таркас кучи 500 тысича понт и эряскады пурны сведеният козо зняро кучомс сюро.
| Виев пиземе. |
Житомирской округсо пизесь вельть виев пиземе. Ведсь лейтнева кузнесь 2 саж. Ваесь ламо скотина. 12 лишме чавсь пургине.
| Месть кортыть агрономтне Рау лангонь голодонть кувалт. |
Рау лангонь сюровидицятне анцяк неть 2 иетнень (1922 и 1923) эрясть седеень апак сезьне. Кафто иес сынь стуфтызь 1921 вачо иенть, кармасть хозяйстваст ветямо истя, что валей-неволей савкшнэ тест тедиде нужань нееме Сынь стуфтызь теньгак, что Рау лангонь губернятнень эзга 1—2 иень ютазь эрци голодь кизэ. Голодь иетне молить эсь кияваст, сюровидицятнеяк тожо молить эсь кияваст, кона вете эйсэст ваго чинтень.
Тень кувалт ульнесь сермадофт и рузонь газетасо (Беднота* и эрьзянь газетасо (Якстере Теште, Якстере Сокиця и лиясо), что истя хозяйстванть ветямс аэряве. Аэряве Рау лангонь губернятнень эзга видьнемс анцяк ве голой товзюра и товзюро. Эряве теемс пропашной клин, видьнемс седе ламине картушкат, кукуруз, чиньчарамот, проса и лият. Но крестьятнэ мекс-буте тень лангс ваныть сурост пачк и надеить анцяк пазонть ланкс.
Агроном Борисов Рау лангонь сюровидицятнень вана мезинь кис чумонды: 1) сынь пек бажить видьнеме анцяк ве товзюро, кона а кирде коське кизэ 2) что сынь 95 процентов ветить зерновой культура, 3) сынь стараить 2 иеть секе модантень видьнеме вейке кодамояк сюро. Вана те коесь и каласы и розорясы хозяйстванть, а азоронть кацы вачодо.
Чтобы а розорямс хозяйстванть и а куломс вачодо, агроном Борисов кармафты видьнеме седе ламине картухат, кукуруз и лият. Анцяк сэстэ, сон корты, можна ули кепедемс хозяйстванть.
Ведь картуханть, кукурузонть, лиятнень, можна улав кочкамс, значит, сынст лангсо а карми улиме кодамояк сорной тикшене кона таргавлизе моданть эстэ начконть.
Картуханть, кукурузонть и лиятнень видьнекшнесызь позда тунда, значит, поздай кизэнь пиземетне самай тенст парт улить, конат пек сестетэ эрцить Рау лангсо.
Истя жо сермады и агроном Данилов. Сон еще рана тунда „Беднотас“ сермаць статейка кода бороцямс засуханть марто Рау лангонь губернятнень эзга“. Сон сестэ еще неизе, что тосо Сентябрь и октябрь кофнень араселть пизементь, а тельня ульнесь аламо лов. Значит, паро розень урожай учамс а месть ды озимтнеяк ульнесть видефт пек позда, а позда видефтне парт а эрцить.
Агроном Даниловань валонзо ульнесть видеть, что Рау лангонь губернятнень эзга ули голодь. Но лиссь Пугачевской уездсто (Самарской губ.) „пек ламо содыця ломань“ — Крылов. Пек жаль, что Крылов ялгась роботы еще Уземуправлениясо. Сонзо умок бу эряволь тосто панемс рудазов локшосо.
Крылов сермады истя, буто агроном Данилов аздасыньзе, кода ветить хозяйстват Рау лангонь сюровидицятне, Секс сон (Данилов) истя и сермады — яровой товзиронть видедо седе аламо, а сонзо таркас седе ламине видедо картухат, проса, чиньчарамот, кукуруза и лият.
Ней Крылов ялгась тензэ отвече: „ведь неть растениятне сестэ максыть паро урожай, кода удобрясак парстине маданть, эле особенна кода сынст видесыть сексня сокафт модас. Картухась, кукурузось и лиятне апак валнэ покш урожай а максыть“.
Крылов ялгась аварде, сон мере: „если куть и саят покш урожай, сынст а ков ули теемс сынь пек дешовалгадыть“.
Крылов хочет, чтобы сюровидицятне видьневелть анцяк паро товзюро „белотурка“ и „американка“, конань можна улевель миемс седе питнейстэ.
Видэ ли валозо Крылов ялганть?
Дайте кунцолосынек секе жо агроном Данилов ялганть. Сон мере, что картухась, кукурузось и лиятне пек седе парсте чачить (товзюродонть) тундонь сокафт модантень, потому что сынь тунда касыть састыне и позда кизэнь пиземетне как раз тенст пек парсте лац сыть.
Эряви ли седе парстэ уходямс моданть пропашной растениятненень? Агроном Данилов мере — дух а эряви. Картухась, кукурузось, просась, и чиньчарамот пек парсте шачить и 2—3 вершоконь сэрьцэ сокафт модасонь. Ведь сынст кармат сеетькестэ кочкамо.
Значит, дух а эряви пелемс, что скотинань арась чинть марто а сокавить сексня модатне ведь картухась и кукурузось тундонь сокафтмодасонть товзюродонть седе парстэ шачить.
Данилов ялгась еще невсь пример, что 1921 иенть Рау лангсо, товзюрось каснись 3—4 вершоконь сэрьцэ, а кукурузось Безенчукской опытной станциясо (Самарской губ.) и Новоуренской (Ульяновской губ.) максь урожай 50—60 пондо десятинастонть.
Ней минь уш содасынек, кинь седе видеть валонзо. Но сюровидицятне мекс буте дух а кунцолыть ученой ломатнень. Эряволь бу уж превейгадомс.
Ш.
| Покойник. |
Тевись ульнись Ламбаськисэ Нижегородской губ. Лукояновского уезда троицень васинь чинь чокшне.
Ве ломанень аумок кулось церазо. Троицень васинь чистэ сон симсь с горя и юты калмазыртнень вакска ды ранги ирицтэ преить пачк:
— Церам! Мереть — кулусне лиснить калмусто, листь тон монень кортан кош мартут, мон эйстыть а тандадан, анцяк листь...
Истя кувать рангсь сон, пек уж жаль тензэ церась.
Авасуло калхнень эйстэ эри Дувалов Алю. Дувалов Алю а седекилень ломань: сон развитой, пазнынь а озны, ракси озныцетнень лангсо. Се шкане сон ащиль кудунзо ваксо. Маризе авардиценть и мейсэ улць — молць калхнень лангс. Сон ульнись алга понкссо, а панарось ульнись лангсонзо якстере, так сон кепидизе прянзо лангс и кармась сэрц веси ашо покойникень кондямо. Молць тердиценть вакс ды мере:
— Месть тон монь ловажетнень сургавтнят?
Се тандаць
— Ну кортак, мейс тердимик? — сонць шашты седе малав.
Тердиценть пилькнеяк новолсть, оймизэяк таргави, куломс тандаць, „да воскреснет бог“ ловны. „Да воскреснет богонть эйстэ беснэяк чинзь тукшныть, а покойникесь, ванта, а туи. Месть тейнимс? Пазусь, нать берень помощник, пазунть лангс надияк, ды тонцькак прят ванст — адяка чийме, ков ирицтэ прязо юмась. Сон чии — покойникись мельганзо ранги, ваны, что се апак повняк тандаць.
— Ащик, дева! (Дева прозвищазо). Ковчият? Дай коть курятам вейсэ, мон а покойник, мон — Дувалов Алю!
А сон чии удалувгак а варшты, ливтезь ливте, пильгинзэяк модас а токить. Ней, мере колияк чить а ютан калму вакска.
Ракица.
| КООПЕРАЦИЯДО. |
| Кодамо лезэзо кооперациянть налогонь пандомсто. |
Кооперациянть кувалт ней сёрмадыть безмалов эрьва газетасо: и рузонь и эрьзянь-мокшонь.
Но тевесь ищо пек лавшосто моле. Сюровидицятне (особенна эрьзятне-мокшотне) мекс буте дух акапшить совамо кооперативс.
Голодь 1921 иедонть мейле, кода Раулангонь народось якась куломань киява, яло сёрмадынек, теке лацо, чтобу сюровидицятне ёртовлизь ташто сюровидима коест, и кармаволть видеме истя, кода кортэ наукась.
Сюровидицятне эйсонок эсть кунсоло. Но мезе лись. Эзь юта кафто иеть, кода Раулангонь сюровидицятненень таго сась 1921 иись. Знамо, кенерь пакаресь маласо, но сонзо асусксак...
Истяжо и кооперациянть маро. Сюровидицятне учить, кода спекулянтнэ, как чанчавт, потясызь сынст остатка верест.
Сайсынек куть единой налогонть. Ищо мелень-манонь иетнень кооперациясь покш лезэ каньнесь налогонь пандомсто. Сон пурнась сюровидицятнень кецтэ сюро и усксь эйсонзо ошов. Но сестэ налогонть сайсть сюросо (натурой).
Ней тевесь аште совсем лиякс. Ней налогонть кармасть саеме ярмаксо. Если тынь содасынк, тевесь ней седе стакалгаць.
Косто сайсынзе ярмакнень сюровидицясь налогонь каямс?
А вана косто.
Пеште кафто-калмо улав сюро-базаров. Если асюро, то ой, алт, эле ишо мезеяк.
Особенна сёкся, налогонь каямо шканть, сюровидицятне гайсо кармить ускомо сюронть базаров.
Кие карме рамамо сюронь эйсо?
Секе жо, эчке пеке спекулянтось, — пеле питьнедо!
А если улевелть-деря эрьва велесо кооперативт, тевесь туевель лиякс. Сюронть саевлизе кооперативесь, — эсь питьнедэнзо. А мейле сразу усковлизе ошов. Сюровидицятнень лишной шкаст-как авуль юта ды лишной капейкаст-как спекулянтонь зепс авуль сова.
И вот, чтобы спекулятнэ, как чанчафт, лоткаволть потямодо сюровидицятнень верьде, эряве теемс эрьва велес кооператив. А если уле уш кодамо-як велесо, то эряве нейк жо кой месть думазевемс тень кувалт, чтоьы сюрось авуль чуде спекулянтонь сусекс.
Эряве нейк жо заботямс ярмаконь добувамонть кувалт. Кооперациянтей пек седе курок государствась максэ заем ярмак.
Ней международной кооперациянь праздниктенть мейле, кона ульнесь 5 июльсто, должны мереме: ве ал, ве золотник ой, ве хунт зерна, мезеяк амиемс спекулянтнэнь, а анцяк эсинек кооперативс!
Ве салмукс илядо рама спекулянтонь кецтэ!
Весе кооперативс!
В. Шишкин.
