|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 19. | 1 июля 1924 г. | № 19. |
| Веси молиде кооперативс, ве копейкаяк илядо макст торговецнень. | ||
| Кооперативень чи. |
Ялгат! Тедиде 5-6 июль месеценть весиме таркава мастортнэнь ланга ули праздник „кооперативень чи“.
Косто появась те праздникесь?
Август месецтэ 1921 иестэ, кода лоткасть веси войнатне, кода лия масторонь эчке пекне кадымизь миник, — сестэ весе масторонь кооперациень роботникне пуромсть вейс и тейсть „весе масторонь кооперативень союз“. Истямо союз ульнись икилеяк, но сон лоткакшнось роботамодо войнанть пингстэ. Союзось, кода анцяк кармась роботамо, тейсь „кооперативень чи“. Те чинть и кармить праздновамонзо июль месецтэ васинь суббутасто веси масторга.
Те чистэ эрьва кооперативсэ кармить улиме собраният, лекцият кооперативень кувалт и эрьва член, кона ашти кооперативсэ, улизэ собраниясо и тердизэ шабранзо совамо кооперативс. Те чись кооператорнэнь (конат аштить членкс кооперативсэ) ули истямо же праздник, кодамо маинь васинь чись веси робочей народонтень.
Особенна неть читнень эйстэ пек эряви роботамс велисэ, косо еще аламо кооперативтнень эзга члент, чтобу эрьва трудиця ломань содазо лезынзэ кооперативенть и дух апак пель совазо членкс.
Веси те роботанть велисэ эряви ветямс ячейкатненень Р. К. П. и Р. К. С. М. вейсэ учительтнень марто. Эрьва таркава тейнест собраният, лекцият, ефтнест, мези лезызэ кооперациенть советской властинь пингстэ. Те чинтень анокстаст кинижкат, весиме таркава ульцява и лавкава педяфнест плакатт, чтобу эрьва ловныця ломань содазо, что тече кооперативень праздник. Кооперативень роботникне веси члентнэнь марто ютаст велива флаг марто, чекшне теист спектаклят, косо улист веси члентнэ.
Ячейкатне Р. К. П. и Р. К. С. М., учительтне и кооперативень роботниктне заботяст седе ламо и курок добовамо, мезе эряви праздникинтень.
Те праздникенть эйстэ истяжо эряви ламо роботамо и тень кувалт, чтобу аватне улист праздниксэнть истя жо, кода и цератне и кооперативс соваст членкс седе ламо, аволь кода те порас. Евтамс, мезе лезызэ аванть кооперативсэ и кодамо лезы ули эстензэ.
Эрзянь ялгат! Мон думан, что тынь содасынк кооперативенть лезынзэ и те праздникенть ютавсынк парсте, кода эряви. Праздникте мейле илядо стувт сермадомо „Якстере Тештес“, кода ютавтынк се чинть.
| Потребительской кооперация. |
Кодак анцяк марят косояк велисэ кортамодо потребительской кооперациень кувалт, то седиезэнь даже паро и сеск жо эсь пачкан думазиван, что тесэ келе (манчи) кодамояк эчке пеке лавошник „Тит Титыч“. Если же сон еще арась тесэ и арасельгак, то вицтэ можна меремс, что те велень народось менць те шайтян нерь вараканть кургсто и больше а понги. Те тевись истя и ашти: косо ули торговиця, тосо, содак, народонть сявдикс лангсо сон ашти.
Тесэ мон аламушкадо сермадан тень кувалт, кода эресь потребительской кооперациесь военной коммунизманть пингстэ, кодамо ульнись сонзо лезызэ советской властентень и кода ашти ней.
Октябрьской революциядонть мейле, кода минь ульнинек кругом неприятелень карчо, сестэ потребительской кооперациесь совсем лия ульнись, аволь кодамо ней. Сон сестэ ульнись, явшицень таркас. Кодамо товар молиль велев, усксилть сонзо пачк. Истяжо велистэяк усксилть сонзо пачк.
Истя сон работась 1921 иес, кода лисць од экономической политикась. Кода сюронь разверсткась ульнись полавтозь единый налог лангс, кода ломанесь лишной сюронзо кармась миеме базарув и базарсту рамамо мезе анцяк тензэ эряви, — сестэ потребительской кооперациесь полтавтызе тевинзэ. Секе жо иенть кармась рамсиме крестьнунь кецтэ сюро и крестьяннэнь микшниме товарт. Истя сон роботы течемс.
Кода потребительской кооперациесь ульнись явшима таркакс, сестэ декретсэ 20-III-19 иестэ советской властесь мерць, что эрьва хозяинь совазо членкс потребиловкас и товар получазо анцяк семеянзо лангс, зняро семеязо, зняро и товар максыть тензэ, лиякс меремс, по едокам. Ульнисть организовафт многолавкат, конатнень, наверна, эрьва ломань повнясынзе.
1921 иестэ многолавкатне ульнисть полавтозь „единый потребетельской общества“ лангс. Истя сынь ульнисть декабрь месяцс 1923 иес. Се шкане велисэ кармасть появамо велинь эчке пекть, конат таго кармасть беднойтне лангсо артниме. Неть эчке пекне ульнисть члент потребиловкасо. Тестэ неяви, что аволь весе члентнэнень вейкитстэ эряви кооперациесь. Ламо эйстэст даже истят, конат удалксонзо лацо аволизе те велинь тевинть и сонензэ сон даже меши. А если те истя, то велинь пуромкссо сынь, „эчке пеке шайтятнэ“, ветясызь тевинть истя, кода анцяк тенст эряви, и правленияс кочкить эсист ломань. Словом, весе тевинть сайсызь сынцист кец. Кона ломанись и роботавуль бу тосо седий марезь, ды сонензэ а максыть.
Советской властесь нейсь, что истя потребительской кооперациень тевись юми и 1923 иестэ нолдась декрет, чтобу потребительской кооперативтне тейнимс анцяк добровольной членэнь эйстэ. Эрьва член, кона сермацты прянзо потребиловкас, содазо, что те тевись сонзо и лавкась, косто сон получи месть тензэ эрявить, максы паро и седе дешева товар.
Шкась седе мейле ютась аволь ламо и минь несэнек, кодамо лезы максы потребиловкась сонцинзэ члентнэнень и потребиловкатне весеме таркава кармасть касумо. Ней эрьва потребиловкасо минь нетяно истят члент, конатненень сон действительна эряви и кона вансы сонзэ, кода сонцинзэ сускомонзо.
Автаев.
| Веси нациетнень праздник. |
6 июля 1924 г. веси советэнь масторонь нациятне праздновить эсист праздникист.
Анцяк советэнь масторцо обижезь нацият арасть, анцяк советэнь масторцо кидияк апак висть можна меремс, что монь вана кодамо племам, вана кодамо келем. Лия масторга а истя. Тосо течемс вишка наротнэнь сювурить и ломанькс а ловныть. Ламо эйстыст салава сыть тей, Россияв.
Миинк свободной нациетне кармить празновамо те чинть а ськамост. Сынст марто вейсы кармить радовакшномо сетнеяк, конатнень панизь лия масторсто, а минь приминек сынст свободна эрямо ютксонок.
Те чистэнть, эрзят-мокшот, кортадо нациень тевтниде, кортадо миник роботадонть. Миненик эряви седе пек эскильдимс икилив, чтобу сасамс лия нациетнень. Кона нациенть ули сонцинзэ автономной республиказо эли областизэ, сень седе ламо школанзо, кооперативензэ, литературазо и эрьва мезизэ. Истят нациетнень эйстэ минь пек кадувинек.
Карматам арсиме, что сы иень национальной праздникинтень эрзят-мокшот кенирить теимс веси, месть эсть теивть те порас. Сы иентень эрявить теник ламине школат, ламине кооперативть, ловнома кудот ды эрзень-мокшонь автономия, кона бу седе парсте неть тевтнень теивлинзе ды лездывель миненик сасамс культурной нациетнень, чтобу весимень лацо эрзят-мокшот маштуволть свободной масторонь строямо.
Т. Васильев.
| Международной кооперациянь чи и сю- ровидицянь хозяйства. |
Кооперативной секциясь Коминтерна и международной кооперативной секциясь тейсть постановления, чтобы 5 и 6 июльсто те иенть теемс международной кооперациянь чи.
Задачанзо те международной кооперациянь чинть истят. Чтобы весе мастор лангонь трудицятне теевелть протест фашистнэнень (черносотенецненень), конат еще те шкас а кадыть эрямо-аштеме кооперативной организациятнень и муцить рабочейтнень и сюровидицятнень.
Минек Советской Россиясо международной кооперациянь чинть, теде башка, улить лия задачанзо. А задачатне истят:
Эряве неть кафто читьнень весе трудицятнень юткова (а сех пек сюровидицятнень юткова) ветямс агитация, чтобы сынь содавлизь, кодамо лезэ теи сон миненик буржуйтнень карчо, конат чанчавонь лацо симить сюровидицятнень и робочейтнень верьде и кодамо лезэ теи кооперациясь, чтобы можна уливель рамамс седе дешувасто фабричной товар.
Войнадонть икеле, минек Россиясо, кооперативной тевесь пек лавшосто молиль. Сонензэ инязоронь правительствась ход эзь максне. Правда, нельзя меремс, что араселть минек Россиясо кооперацият, но сынь ульнесть больше потребительскойть. Производственной кооперацият ульнесть Сибирьсэ (молошной кооперацият), Ярославской, Тверской и лия губернява (огородной товариществат), но тозой пурнавкшность анцяк кулакне, конатнень ульнесть ламо ярмакост. Беднойтненень кооперативной кенкшнэ ульнесть пекстазь.
Если сайсынек потребительской кооперациятнень, то сынст эйстэ январьсто 1914 иенть ульнесть 10-11 тыща, а члент-
