|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 18. | 27 июня 1924 г. | № 18. |
| Эрзянь-мокшонь праздник. |
Июнень васинце чистэнть Саратовской губернянь эрзятне ютавтызь эсь покш праздникест. Те чистэ Петровской ошсо эрзянь-мокшонь педтехникумось нолдась од роботникть, од тонафтыцят. И сон весе минек народонтень праздникекс эряви ловомс.
Кода жо а эргедеме, кода жо а радовакшномс? Ниленькемень чопода чинть марто бороцицят юткозонок совить. Кото кувака иеть учинек те валдо чинть эйсэ. Миненек кувакасто марявсть не иетне. Шкась ульнесь стака и сюронь ачачматне и эрва мезень войнатне се шканть марто пракшность. Но ней апаро читне ютасть, кадовсть удалов и одов а велявтыть. Стувцинек, од ялгат, не апаро читнень ды седе курок ертовдан роботас: эрзятне-мокшотне умок учить эйсэнк и сынь вастадызь эсень паро, эсень вечкема гость лацо.
Ней кавто-колмо валт сень кувалма евтан, ялгат, мезень тевть тенк савить тееме велева роботамсто.
Роботамо сави тенк и школасо и народ ютксо. Ковгак а маштови се тонавтыцясь, кона школадо башка косояк а роботы и народонть юткс пели лисиманзо. Эряви народонтень ефнимс, что тонавтома тевенть кувалт эряви эстензэяк а нувсимс. Советской властентень ськамонзо весе тевтне а теевить, эряви пособлямс тензэ. А чтобу эрзясь-мокшось весе паро тевтнень лангс вановоль сельмень панжозь, эряви стараямс, чтобу сермацтоволть эсинек газета. Не газетнэнь эйсэ весемень кувалт ефнисызь эсинек кельце и сынь рузонь газетнэнь коряс седе чаркодевить.
Тынць жо, эрзянь-мокшонь роботникть, сермадодо эрьва мезень тевде эсь газетозонк. Сёрмадодо «Якстере Тештес,» «Якстере Сокицяс» и «Од велес».
Школанть теинк истя, чтобу сон уливель и эйкакшнэнень и народонтень вечкема кудокс, косо эрьва ломанесь муизэ паро превть, паро совет и улизэ школанк яксере* тештекс, валдо тештекс. Косо виенк а сацтавить, вешиде превть сыре роботыцятнень пельде, сынь знярояк а отказыть тенк советсо.
Ней чумбра чи тенк ефтан, ялгат, а весемень педтехникумонь ды эрзянь-мокшон роботникненень, конат кирдизь сонзо, покш спасиба.
Чумбрасто эрязо Петровской педтехникумось, чумбрасто эрязо советской властесь, кона максць тенк эсь кельценек тонафнеме, чумбрасто эрязо коммунистической партиесь.
| Кода карматам тонавтомо. |
Эрзянь - мокшонь тонавтыцят! Ютась ве ие, кода минь карминик тонавтомо эсиник кольце сермадозь букварьсо.
Ве ендо ванозь, тевись пек аще парсте, но кода кундат тевинтинь, эсь пачкат мерят: «апак тонафни карьгак а кодави». Ули пословица: «Эрьва тев пели маштыцядо» и сон верна. Мон кода получинь эрзянь букварьтнинь и местькак а думан, а кода кундынь тевиньтинь, ламо думт прязон састь. А содан, кода думить эрзянь-мокшонь тонавтыцят. Минь вейкенок вейкенок а некшнетям. Эйстэнек аламо, эрятам овто урномо таркава, а кортамс миняник ламодо эряви, дайте хоть думонок евтнисыник эсиник газетасо.
Эрзянь и мокшонь тонавтыцят совсем аламот сермадыть школань тевинть кувалт. Ве лацо миняник мерить: «Сынь визьдить эсь келест эйстэ». Можо, те виде. Те подарканть казизе теинк ташто властись, кона нарьгась и пеець эрзя лома лангсо, тапась эйсост. Эрзя ломань умок тенень тонаць и эсь прянзо лоткась ломанькс ловоманзо.
Ве лацо марян кортыцят: «Мейс эрзякс тонавтыть». Кона ломанись думи, се корты авуль истя. Тынк, тонавтыцят, думан, лавтовонк лангсо прят, авуль пивной котелт. Тынк кеце ломань прят, конат эрявить тонавтумс авуль истя, кода тонавсть миинк эйсэ. Еще наверна повнясынк, кода яжасть эйсэнек вишкинестэ рузонь келенть кис. Мон пек парсте повняса, кода васинь иестэ училищасо ловнынь рузонь букварьсо и содынь эйстэнзэ ве вал: «сор». Тонавтыцясь руз, кодамо вал ловномо а кармавсамам, мон яла тензэ мерян: «сор». Се шкась ютась. Сась од шка. Ташто школась амаштуви и сонзо калматам, а од школа апак робута а теиве. Ки лангс надиятам? Мези учутам? Ки теинк невсэ од школанть? Учинь, учинь — думан ковонть ланксто кияк а сы ли тенек. Эрзянь тонавтыцятниде монь лацо ламо учиця. Ки думазиве те учуманть кувалт, то чарькоде, что ташто школась тонавтумизь учумо, авуль тевинь теиме. Эряве теимс од школа, а минь кашт мольдян, яла кодаяк ды кияк. Миник силой тулкадить и то а сыргатам. Паро койсэ миняник икелей эряви молемс, а минь амаштувдам.
Секс ламо эйстынек урядость ки лангсто, буто рудаз. Вот так тонавтымизь! Мезикскак амаштувдан. Тонавтано, кининь кода паро, ташто лацо эйкакшнынь яжатам.
Мон эрьва уроксто, кода кармить эйкакшнэ сермадумо, думан: «эрзякс или русскс ней кармавсынь». Кармавсть эрьзякс — кодамояк арась пособиям, кармавсынь русскс — а чарькодить. Кияк марто кортавлинь, эрзянь тонавтыця онстояк а неян.
Неть воироснэ эрявить думамс весимининь вейсэ. Веси эрзянь и мокшонь тонавтыцятнининь сы телентень од программась эряве разработать и сыргамс икилий, авуль ищимс ве таркасо. Кончкиса налкасима лацо а тонавтумс, ата ламо ломань томбат.
Если авулить курст эрзянь тонавтыцятнинень, то эряве теимс конференция.
Кие еще вальгий максы — учан и кие монь марто согласи.
М. Пургаева.
| Лия масторга. |
| франция. |
Депутат коммунистэнь пельде кортась парламентсэ, что Франциень правительствась анцяк манчи народонть, что сон анцяк алхты, а теима арась. Министертнэ секень анцяк и теить, месть мереть буржуйтне, а меньшевикне лездыть тенст. Коммунистической партиесь терди робочейтнень и крестьятнэнь силой саймензэ властенть кецтыст, чтобу Франциясояк теимс советской республика.
Те коммунистэнть фамилиязо Гершери. Эзь кенирть сон остатка валунть мерьмензэ, кода буржуинь ванстыцетне кармасть эциме чавмонзо.
Коммунист ялгатне идизь сонзо.
| Кувать ли kармить kортниме. |
Франциень правительства тердинзе весе буржуйтнень, конат макснисть ярмак миник царской правительстванень. Сынь кортнить ней, месть тейнимс Россия марто: аздан вицтэ, апак кортак, признать миник законной правительствакс, эли жо васня вешимс местькак пельденек.
Кортыть, что курук ладятам.
| Ки седе эряви. |
Ве газетсэ мон ловнынь, что аламо минек велева агроном. Минек масторцо сядо тыща десетинас сави анцяк вейке агроном. Московсо же тевтеме агрономт кавто тыщат ломать. Но сынь а кучовить роботамо велев, — государствань арасть ярмакунзо. Мезе жо теимс? Ломанесь дальше сермады, что велетне, кооперативт и лия организяцият сынць кирдест агрономт.
Мон истя думан, что те тевесь, агрономонь кирдемась, умок эряви истя теимс. Эрьва покш велентень кирдиве аволь анцяк вейке агроном, но ваксунзо можна ладямс парыне доктор и велесь теде аволь беднойгады, но сюпалгады.
Кода истя? Вана кода. Чуро велесэ арась церькова. Рас ули церькова, то улить поп, диякон, диячек, конатнень анды велесь. Велесэ ки эри попто парсте? Кия карась. И диякон диячек марто аволь береньстэ эрить. Кинь вийсэ сынь истя эрить? Веленть вийсэ. Эрьва ломанентень поп пек чуросто эрявкшны. Роботыця ломанесь церковас яки анцяк инечистэ.
Аразди пазнынь озныця ломанентень эрявить зняро озныцят сонзэ кис? Аэрявить. Истя коть ки мере и сон сонць соды. А коли истя, то можот седе паро тевесь карми ульме, зярдо велесь карми андомо анцяк вейке ломань, вейке дармоед, мерьмекс, поп, но диякононь жалованьясо. Остатка кавто дармоедтнэнь таркас велесь карми кирдиме агроном.
Кодамо лезэсь карми улиме, зярдо велесь теи истя? — Ванцынек.
Икиле велесь сокась колмо паксява — ней агроном кармавтынзе теиме 4—5 паксят. Икиле десетинась максыль 40—50 пондо — ней сон максы (самай аламо) 70—80 пондо. Икиле ломаненть арасель тикшезэ — ней сонзэ карми ульме клеверзэ. Тикше марто появи ломаненть лишной алашазо. Кавто иеть а кениреть ютамо, кода ломанесь сразу лиякс карми эрямо.
Истямо лезызэ агрономонть. А попонть зяро парозо? Береньде башка сонзэ пельде мезеяк арась. Од ломатнень теде эряви содамс и парынестэ арцемс, а ваномс сыре ломатнень лангс. Вана мейс мон и мерян — полафтодо поптнень агроном лангс
Ал-велень эрзя.
