| 2 | ЯКСТЕРЕ ТЕШТЕ. | № 17 |
манть сермадык кавто конев ланкс. Вейкень кучик редакцияв, а омбоцень кадык эсь кедезэт. Знярдо сермат печатасызь газетас и се газетанть получасак, сестэ ванык, кода редакциясь витьнизе тонь сёрмат и тон нейсак, кода эряви сермадомс. Эрьва газетасонть ули отдел «Месть сермадыть велестэ», косо печатазь корреспондентонь сермат. Не серматьнень седе парсте ловныть и тон нейсак кодамо тевде и кода эряви сермадомс.
Коли кармат сермадомо „Якстере Тештес“, не правилатнень илить стуфт.
| Нижегородской эрзень губконференциентень. |
Ялгат!
Московонь эрзень-мошконь студентнэ радовазь маресть, что тынь пуромдадо ве таркас кортамо эрзень тевде.
Тынк икиле покш и стака тев. Минек пек ризны седиинек, что эрзя ютксо таго кода а пек парсте ладезь роботась.
Кенярдось учутам тынк решениянк.
Надеядо минек лангс, ялгат, минь карматам лездыме тыненк.
Тонавтодо эрзетнень - мокшотнень!
Ливтиде сынст валдо чив!
Чумбра чи арситям эрзень коммунистэнь пуромксонтень. Чумбра чи коммунистэнь партиентень...
| Пред. собрания М. Кручинин. |
| Секретарь Бондяков. |
Редакция «Якстере Теште» эсь пельдензэ ды веси сермадыцетнень пельде арси чумбра чи Нижегородской губернской эрзень пуромксонтень Р. К. П. (б).
Пек чуросто эрзетне пурнавкшныть кортамо ве таркас эсь тевист кувалт. Седеяк пек, ялгат, эрзетне учить тынк решениянк.
Тынк икиле покш тев. Илядо пелть, кундадо смеласто тюриме эрзень чопода чинть марто. Эрзень газетатне тыненк эрьва знярдо кармить лездыме. Сорновтодо эрзетнень саколост, совавтодо эйсыст советэв.
Кадык а пелить эрзетне кундамс пуворькс кецэ кооперативень правленияс эли ВИКс.
Чумбрасто роботадо, ялгат!
Коммунистэнь партиентень чумбра чи!
Остатка пелев мертям тыненк: илинк стувт Ильчень валонзо — Эрьва нациесь кадык ули советэнь масторонь кирдицякс. Коли эрзетнень кармавцынк советэнь масторонь (лия нация лацо) кирдеме, сестэ веси тевись теиве Ленинынь лацо.
Кудов мольтядо, — стараядо кармавтомс эрзетнень сермацтомс эрзень газета. Школава, кооперативга, ловнома кудова, сельсоветка, эрьва кува эряви выписать газета.
Редакция „Якстере Теште“.
| ВЦИКсо кортынек эрзень-мокшонь тевди. |
Ютась недлястонть «Якстере Тештень» редактор кортась ВЦИКсо Клингер ялганть марто.
— Кода арси ВЦИК роботамо эрзя юткова, коли сынст арась автономияст? — кевкстизе редактор.
— Эрьва губернява, косо эрить эрзят, аравтыть губисполкомсо нацменэнь уполномоченной, кона карми ваномо, чтобо эрзетнинь а обижавольть, — отвечесь Клингер.
— Ламо эрзят эрить лия нациень автономиясо. Эрзетни жаловить, что сынст обижить модань ды вирень явшимстэ. Ки тосо карми аштиме эрзятнинь кисэ?
— Эрьва автономиясо кармить уполномоченнойть. Коли косояк эрзятнинь обижеть, кадык сермадыть тень кувалт уиолномоченноинтень нацмен, эли вицтэ национальный отдел президиума ВЦИК.
— Можна ли эрзя-мокшотнинень теимс эстест автономия ней?
— Коли эрзя-мокшонь эрямо таркава улить истят уездт, косо эйстыст пеледе ламо, — сестэ можна.
| Лия масторга. |
| франция. |
| Мильеран кадызе службанзо. |
Франциень покшось, президент мереть эйстынзэ, кадызе службанзо. Хоть и а пек охоталь сонензэ туимась, но сон тусь. Ве газета сермады, что буто коммунистнэ чумот сонзо туиманть кис.
Мильеран истямо ломань, сон весинень служесь, кода руснэ мереть, и нашим и вашим. Вейке коммунист, крестьянунь делегат парламентсэ мерц, что Мильераннэнь а тонавтнимс рабочейтнень микшнимист, сон уж а весть сынст микшнись.
Ламот радувасть истямо тевинтень, по жалицянзояк улить, жалицетне буржуйть, сон ведь буржуй марто эзь севно.
| Пуцть од президент. |
Июнень 14 чистэ Франциень столицасо тейсть пуромкс, косо кочксисть ломань, конань аравсызь президентэкс Мильеранунь таркас.
Президентэкс путозь Думерг, а главной министеркс — Эррио. Кавтнистке сынь мендеть буржуинь ды кулакунь пелев.
| Польша. |
| Правительствань ламо войсканзо. |
Польшасо эрить ламо украинецт, конатнень лангсо правительствась пек наргиди. Сынь молсть жалобамо. Главной министр мерць сыненст, что Польшень сатыть и войскат, и полиция, чтобу потомдамс недовольнойтнень кургост.
| Италия. |
Вейке Италиень гороц пуромсть колмо тыщат крестьят, пултызь учреждениень кудутнень, пелекулыкс чавизь властьнень сень кис, что налонне эрьва чине касыть и касыть.
| Япония. |
Японской правительствасо ней од министр ащить. Таштнэ ульнисть помещикть, нетне — буржуйть.
Но сех главноись ютксост ащи миник кис. Сон икилеяк кортась, что Япониень войскатне эрявить ливтимс Сахалинстэ, козо Япония сынст совавтукшнынзе 1918 иестэ.
| Макар Евсевьевич Евсевьев. |
Улить истят ломать, конат весе виест макснисызь эсь народост туртув, весе пингест печтнисызь народост лангс роботазь. Не ломатнень а стуфнисызь, Советонь властесь эрьва мейсэ лезды тенст, а куломадо мейле арафты тенст памятникть.
Минек ютксо-як, эрзят-мокшот, ули истямо ломань, кона весе виензо путыньзе эрзянь-мокшонь тевенти, весе эрямо чинзэ печтизе те роботасонть. Те ломанесь — Макар Евсевьевич Евсевьев. Шачсь сон эрзянь велисэ Буинской уездсо (Ульяновской губ.) бедной сюровидицянь эрзянь семиясо. Пакшакс ошо ускизе тетязо Казанев Учительской Семинарияс тонафнеме. Семинариясонть тонафнемадо мейле кадызь сонзо тоск образцовой эрзянь-мокшонь школасо учителькс. Колоньгемень иеть тонафць сон тосо эрзянь-мокшонь пакшатнень эйсо.
Макар Евсеевич сонць лисць эрзянь чопудасто, эрзянь нужасто и ошо од ломанькс арцезевсь сень кувалт, кода бу лездымс эсь народонтень ды эрзянь тевенть таркастонзо сыргафтомс. А те тевесь пек стака, ламо вий эряве теемстонзо. Эзь тандат, эзь пелезевть Макар Евсеевич те стакадонть, кармась сон роботамо. Телень перть тонафты пакшат Семинариясонть и сонць тонафты, од превть паро кинигасто пурны ды апокш учителень жаловнястонзо ташты тундонень ярмакт. Сы тундось, сырги сон эрзянь-мокшонь велетнень эзга: арды Пензань губерняв, арды Тамбовской губерняв, Нижегородской, Симбирской и Самарской губерняв. Истя эрьва тундонь-кизонь перть и артни эрзянь-мокшонь велетнень ланга. Весе пингензо истя печтизе эрзя-мокшо ютксо.
Сермады эрзянь-мокшонь морот, евкст, сермалисыньзе эрьва велисэ кортамо валтнэнь. Фотографической аппаратонзо теи карточкат эрзянь-мокшонь орчамосто, фонографсо сермалисынзе эрзянь-мокшонь моротнень, орчамотнень рамасынзе. (Фонографось — истямо аппарат, конань пингстэ месть кортыть, месть морыть, сетнень весе сон сонць сермалисынзе, а мейле секе вальгийсэ морасынзе эли евтасынзе). Ней сонзэ не орчамотнень эйсто цела музей. (Музей — истямо кудо, косо пурнавт эрьва мезень старинной вещат). Мелят не орчамотнень марто сакшнось Московов Всероссийской выставкав. Орчамотнень пек весе шнызь и максть тензэ благодарственной серма ды премия.
Весе Россиянь ученойтне сонзо тожо ловсызь ученойкс. Сеедсто лия масторонь ученойтнеяк эрзянь-мокшонь тевтнень кувалт совет сонзо пельде вешить.
Покш тев тейсь Макар Евсеевич и те тевенть кис знярдояк теник а стувтови. Но не заслугатнеде башка улить ошо седеяк покшт заслуганзо.
Эрзень-мокшонь велетнень эзга якамсто сон ванкшнось, косо улить талантливой пакшат. Не пакшатнень нарвиця лацо пурнылинзе Казанив семинарияс. Эрьва сексня пурны кемешка пакша (эйкакш). Мейле марясть сонзэ эйстэ эрзятне-мокшотне и сынць аламонь-аламонь кармасть Казанив сакшномо и кругомганзо прумомо.
Истя роботазь сон семинариянть эзга ютавсь нилешка сядо эрзень-мокшонь од ломать-учителть. И ней, ков иля молть минек масторганть, эрьва таркасо вастат эрзя-мокшонь роботникть, конат получизь образованияст Макар Евсеичень стараниянзо кувалт.
Истя роботась сон революциенть самозонзо. Сась революциесь. Ертызь веринь потий инязоронть.
Макар Евсеич пурныньзе эрзян-мокшонь тонафтозь ломатнень и кармась мартост кода бу седе курок эрзянь-мокшонь чопуда чись маштомс.
Тейсть постановления: паньжомс ниле эрьзянь учительской семинарият — Самарской губернясо, Симбирской, Саратовской, Пензань губернясо. Но Керенскоинь правительствась а пек вадрясто ванкшнось вишка наротнень тонафтома тевенть ланкс. Те правительстствась анцяк паро валцо медь лацо ваднесь. Но курок те тарныця властентькак ердызь и тарказонзо арась сокицянь ды робочеень властесь, кона лишной валт а корты, а тев ламо теи.
Советской властенть пингсто и кармасть Макар Евсеичень арсиманзо тевс лисеме. Васня панчсть семинария Мацьказ велисэ (Петровской уездсо, Саратовской губернясо), мейле иень ютазь Казаньцо, конань секе иестонть таргизь Вишка Толкаев (Самарской губ. Бугурусланик уездсо). Семинариясонть сон ульнесь васеньце председателекс. Не семинариятнень ней максть лия лем — педтехникум.
Тынь кевкссамизь, ялгат, кода жо ней эри те покш, паро тевень теиця ломанесь?
Эри сон, эрзят-мокшот, беряньсто. Служамс тензэ уж стака — 65 иензэ топоцть, виензэ кармасть маштомо. Трицянзо-андыцянзо арасть. Эри ськамонзо, пиштемс пек сави тензо.
Эряви, ялгат, кода а кода лездомс тензэ и седе курок лездомс. Максыньдерятан тензэ вий, сон ощо ламо лез теи эрьзянь машонь народонти.
Кода жо лездамс тензэ? Вана кода: Советской властесь нолдась декрет, конань кувалт не ломатнень, конат тейсть нужасо эриця народонти покш лез (а ней сыредезь тенст эрямс а мейсэ), Советской властесь максы тенст пенсия.
Теде башка, монь койсо, эряви ощо Толкаень педтехникумонть сонзо лемсо путомс.
Кода арситядо те тевенть кувалт, эрзят-мокшот?
М. Кручинин.
